Aposkạmi 23:35 - সান্তালী বাইবেল

³⁵ “Okoe hoṛko amko dusiakatʼme onko nonḍeko hecʼlen tayom iń do amakʼ kathań ańjoma.” Tayomte uni do Herod rajakʼ hajotre Pạul horhoye lạgitʼe hukumatʼkoa.

Santali Common Language New Testament

³⁵ “Okoe hoṛko amko dusiakatʼme onko nonḍeko hecʼlen khan iń do amakʼ kathań ańjoma.” Tayomte uni do Herod rajakʼ hajotre Pạul horhoye lạgitʼe hukumatʼkoa.

Aposkạmi 23:35 Referans Kwoze

Aposkạmi 23:30

Ar uni upạrte soṛojontro reakʼ kathań baḍaeketʼ khan iń do am ṭheniń kolkedea. Ar okoe uniko dusiyedekan onko hõń hukumatʼkoa jemon nuiakʼ dos reaṅko lạiyam.”

Aposkạmi 25:16

“Iń do onkoń metatʼko tahẽkana, ‘jãhãe hoṛ upạrte jãhãeye lạlis khan enḍekhan okoeko lạlis akatʼ onko samaṅre bin dusạn sạbudokʼ reakʼ ạt ạuriye ńam hạbicʼ sạjại emae do Romikoakʼ niạmre bạnukʼa.’

Mathae 27:27

Unre disạm cakʼlaoyicʼ Pilạtren palṭonko do oṛakʼ bhitrite Jisuko aderkedea ar goṭa palṭon dolrenko Jisu beṛhaeteko jarwaketʼkoa.

Aposkạmi 24:22

Jisuakʼ hortetʼ reaṅ Pheliks hõ bes okocʼtegeye baḍaekan tahẽkana. Uni do bicạr kạmi bondkateye menkeda, “Maraṅ subedar Lusiuse hecʼlen tayom iń do apeakʼ noa bicạriń chinḍạukatapea.”

Aposkạmi 24:19

Menkhan Asiạ Prodesren adom Jihudiko do onḍeko tahẽkana. Onkoge am ṭhen hijukʼ reakʼ jạruṛ tahẽkantakoa ar iń dusiyiń reakʼ jãhãnakʼ tahen tako khan onkogeko dusikińạ.

Aposkạmi 24:10

Unre disạm cakʼlaoyicʼ do Pạul roṛ lạgitʼe isạrawade khan uni do roroṛe ehopʼena, “Ińiń baḍaea, ḍher bochor khon am do noko Jihudi jạtkoakʼem bicạr ạguiyeda; onate ạḍi rạskạ salakʼ iń reakʼ iń roṛetʼkana.

Aposkạmi 24:1

Mõṛẽ din tayom maraṅ naeke Ananiạs do Jihudikoren adom murubbiko ar Tertullus ńutuman mitʼṭen ukil soṅgekate Kạisạriạteye calaoena ar Pạul upạrte disạm cakʼlaoyicʼ ṭhene lạliskeda.

Johan 18:28

Jihudi mukhiyạko do ạḍi setakʼre Kaeapha ṭhen khon Romren disạm cakʼlaoyicʼ Pilạtakʼ doṅgolte Jisuko idikedea. Menkhan onko do ona doṅgol bhitrite bako bololena jemon saphako tahente bańcaokʼ porob reakʼ bhojko jom daṛeakʼ.

Mathae 2:16

Herod do gonok ponḍetkoko eṛekedea menteye baḍaeketʼ khan ạḍi ãṭe raṅgaoena. Ar onko ṭhen khone baḍaeletʼ tahẽkan okte reakʼ hisạb lekate bar bochor ar ona khon latar umerren tinạkʼ koṛa gidrạ Betlehem ar ona aḍepase jaegakoreko tahẽkan onko joto gocʼko lạgitʼe hukumkeda.

Mathae 2:3

Noa katha ańjomkate Herod raj ar uni sãote goṭa Jerusalemrenko doko torasena.

Mathae 2:1

Jihudạ disạm reakʼ Betlehem atore Jisuakʼ janam do hoylena. Unre Herod do raje tahẽkana. Ar purub disạmren gonok ponḍetko do Jerusalemte hecʼkateko menkeda,

Jirimiạ 38:13

Unre onko do baberte kuń khon uniko or rakapʼkedea. Inạ tayom Jirimiạ do pahradarkoakʼ racaregeye tahẽyena.

Aposkạmi 24:23

Uni do Pạul horhoye lạgitʼ subedare hukumadea, menkhan thoṛa sạdhin macha dohoye reakʼ hõe metadea. Ar Pạulren gateko hõ hecʼkate jemon jạruṛleka uniko sapʼsorae.