Aposkạmi 23:19 - সান্তালী বাইবেল

¹⁹ Maraṅ subedar do tire sapʼkate mitʼ secʼe idikedeteye metadea, “Cetʼ mitạńem meneda?”

Santali Common Language New Testament

¹⁹ Maraṅ subedar do tire sapʼkate mitʼ secʼe idikedeteye metadea, “Cetʼ mitạńem meneda?”

Aposkạmi 23:19 Referans Kwoze

Mark 10:51

Jisu do uniye kulikedea, “Am lạgitʼ cetʼ iń cekaea? Ar cetʼem khojkana?” Kãṛã hoṛe menkeda, “E Probhu, jemoniń ńeńel.”

Mark 9:27

Menkhan Jisu do ti sapʼkateye beretʼkede khane teṅgoyena.

Mark 8:23

Jisu do uni kãṛã hoṛ tire sapʼkate ato bahreteye oḍok idikedea. Ar ona tayom mẽtʼreye thoadea ar capokedeteye kulikedea, “Jãhãnakʼem ńel ńameda?”

Jirimiạ 31:32

Onkoren hapṛamko Misor disạm khon ti sapʼkateń oḍok ạguko jokhecʼ onko lạgitʼ oka bondobos iń doholetʼ noa nãwã bondobos do ona leka do baṅ hoyokʼa. Iń do unkinren jãwãe lekań tahẽkanre hõ enhõ unkin do ińakʼ bondobos kin rạputʼ akada.

Ester 9:12

Raj do unre Ester rạniye metadea, “Susan gaṛre Jihudiko do mõṛẽsae hoṛ ar Hamanren gel goṭen hoponko gocʼ akatʼkoa. Rajakʼ sarecʼ tabe disạmkore baṅ cetʼko cekawakatʼ. Ńitokʼ amakʼ ńehõr joṅakʼ do cetʼ tam? Ńitʼhõ jãhãnakʼgem khoj onagem emocokʼa. Ar onkage hoyokʼa.”

Ester 7:2

Unkin do tinre darkha rasakin ńuńukan tahẽkana unre raj do arhõe kuliyana, “Ester rạni, am do cetʼem khojkana? Am okam khoj onagem emocokʼa. Amakʼ nehõr joṅakʼ do cetʼ tam? Adha rajosṭim khoj khan ona hõm ńama.”

Ester 5:3

Raje kuliyana, “Ester rạni, cetʼ hoyakana? Ar am do cetʼem khojkana? Adha rajosṭim koeyeńre hõ onań emama.”

Nehemiạ 2:4

Raj do ińe metadińạ, “Am do cetʼem khojkana?” Unre iń do sermaren Isor ṭheniń koeyana.

Johan 18:12

Unre palṭonko ar onkoren subedarko ar Jihudi mukhiyạkoren kạmiyạko do Jisu sapʼkedeteko tolkedea.

Aposkạmi 17:19

Unre onko guruko do Areopagos reakʼ bạisi samaṅre Pạulko idikedea. Arko kulikedea, “Okaṭakʼ nãwã sikhnạtem emokʼkan ona do cetʼ le baḍae daṛekea?

Aposkạmi 23:18

Unre subedar do uni koṛa maraṅ subedar ṭhene idikedea are metadea, “Pạul ińe hohowạdińte nui koṛa am ṭhen ạguiye reakʼe metadińạ, ente uni do am ṭhen thoṛa roroṛteakʼ menakʼtaea.”

Aposkạmi 23:20

Uni koṛa doe menkeda, “Jihudikoko goṭa akada, Pạul reaṅ mońj okocʼte tojbij lạgitʼ gapa arhõ maraṅ bạisite idiye lạgitʼko nehõrama.