Aposkạmi 23:15 - সান্তালী বাইবেল

¹⁵ Ńitokʼ ape ar maraṅ bạisiren hoṛko noa babotre arhõ mońj okocʼte tojbija mente ape samaṅre Pạul ạguiye lạgitʼ maraṅ subedar ṭhen khobor kolpe. Ar nonḍe ạuriye seṭerokʼrege uni goje lạgitʼ sapṛao akanle tahena.”

Santali Common Language New Testament

¹⁵ Ńitokʼ ape ar maraṅ bạisiren hoṛko noa babotre arhõ mońj okocʼte tojbija mente ape samaṅre Pạul ạguye lạgitʼ maraṅ subedar ṭhen khobor kolpe. Ar ale do nonḍe ạuriye seṭerokʼrege uni goje lạgitʼ sapṛao akanle tahena.”

Aposkạmi 23:15 Referans Kwoze

Jesaea 59:7

Onkoakʼ jaṅga do kại secʼge ńir calakʼtakoa; onko do bindusạnkoakʼ mãyãm joro ocoytako lạgitʼko usạrayeda. Onkoakʼ joto hudiskoge bạricʼgetakoa; onkoakʼ horre do jarkhar ar harkhetge menakʼa.

Kạhtukko 1:16

ente onkoakʼ jaṅga do kại secʼge ńir calakʼ kana, ar mãyãm joro ocoy lạgitʼko thare marekʼ kana.

Aposkạmi 22:30

Jihudiko cedakʼ Pạulko dusiyede kana ona ṭhik lekate baḍae lạgitʼ dosar hilokʼ maraṅ subeder do Pạule raṛakedea ar maraṅ naekeko ar maraṅ bạisiren hoṛko mitʼ ṭhen jarwakʼ lạgitʼe hukumatʼkoa. Ona tayom Pạul ạgukate onko samaṅreye teṅgokedea.

Kạhtukko 4:16

Ente bạṛicʼ hoṛ do baṛicʼakʼ bako kạmile khan bako jạpitʼ daṛeakʼa; ar jãhãe bako tạkicʼ ocoleko khan mẽtʼ hõ baṅ jạpidokʼtakoa.

Sereńko 21:11

Onko do am upạrte bạṛicʼ sopolha ar bạṛicʼakʼ reakʼko goṭayetʼre hõ, onko do onare ohoko jitạu daṛelena.

Aposkạmi 25:3

Onko do Phestus ạḍiko nehõradea jemon onkoreye dayakʼte Jerusalemte Pạule ạgu ocoye. Ona reakʼ karon do noage je, onko do horre tãṛãkʼkate Pạul goje reakʼko soṛojontrokan tahẽkana.

Johan 18:12

Unre palṭonko ar onkoren subedarko ar Jihudi mukhiyạkoren kạmiyạko do Jisu sapʼkedeteko tolkedea.

Aposkạmi 23:1

Pạul do maraṅ bạisiren hoṛko secʼ beṅgetʼkateye menkeda, “E ińren boehako, iń do teheń hạbicʼ bhage hudiste Isor samaṅre ińakʼ dạyikiń manao ạguakada.”

Aposkạmi 23:6

Ona bạisiren mitʼ dol do Sạdukiko ar eṭakʼ dol do Phạrusi menakʼkoa menteye baḍaeketʼ khan Pạul do maraṅ bạisi talare ãṭ aṛaṅteye menkeda, “E boehako, iń do mitʼṭen Phạrusi hoṛ kạnạń ar Phạrusikoren hoponge. Ińakʼ bicạr do hoyokʼ kana, ente ińiń pạtiạukʼ kana, gocʼko do arhõko jiwetʼ beredokʼa.”

2 Samuel 13:5

Jonadabe menkeda, “Am do aṭetʼre giticʼkokʼme ar ruạkʼ kanam mente bhanme. Ar amren ạpum tinre am ńeńele hijukʼa unre unim metaea, ‘dayakate ińren misrań Tamar iń ṭhen kolkaeme jemon uni do hecʼkate thoṛa jomakʼe jom ocoyiń. Ar ona jomakʼ do iń samaṅregeye tearma jemon onań ńel are jom ocoyiń.”