Aposkạmi 23:11 - সান্তালী বাইবেল

¹¹ Dosar hilokʼ ńindạ Probhu Isor do Pạul ṭhen teṅgoyenteye metadea, “Dil joṅme, Jerusalemre cetʼleka iń reaṅ goham emakatʼ onkage Romre hõ ińakʼ goha emokʼ hoyokʼtama.”

Santali Common Language New Testament

¹¹ Dosar hilokʼ ńindạ Probhu do Pạul ṭhen teṅgoyenteye metadea, “Dil joṅme, Jerusalemre cetʼleka iń reaṅ goham emakatʼ onkage Romre hõ ińakʼ goha emokʼ hoyokʼtama.”

Aposkạmi 23:11 Referans Kwoze

Aposkạmi 19:21

Ado noako hoy baṛayen khan Pạul do Makedoniạ ar Akhaea secʼte Jerusalemte calakʼ reakʼe goṭawana. Uni doe menkeda, “Jerusalemte calao tayom iń do Rom nagrahate hõ calakʼ hoyokʼtińạ.

Aposkạmi 18:9

Mitʼ din ńindạ jokhecʼ Probhu Isor do mitʼṭecʼ dorson hotete Pạul noa kathae metadea, “Alom botorokʼa, katha roṛ iditege tahenme, alom thir hapekokʼa;

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Mathae 14:27

Unre Jisui metatʼkoa,” Dil joṅpe, alope botorokʼa, ińkangeạń.”

Philipiko lạgitʼ Pạul apostolakʼ ciṭhi 1:13

Onate nonḍe raj dolanren palṭonko ar eṭakʼ sanamkoko baḍae daṛeada je, Mạsi iạte iń do hajotre minạńa.

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Mathae 9:2

Unre hoṛko do jaṛao akan mitʼṭen mitʼkaṛ gocʼ rog hoṛ parkomte uni ṭhenko ạgukedea. Jisu do onko hoṛkoakʼ pạtiạu ńelte rugiye metadea, “Diljoṅ me, bacha amakʼ kạiko do ikạyen tama.”

Jesaea 43:2

Dakʼ talatem sen paromokʼre hõ iń do am são sãoteń tahena. Ar gaḍako secʼtem calakʼre hõ onako do bako ḍubạmea; ar seṅgel talatem parom calakʼre hõ, am do bam lokʼa; seṅgel lepʼ do bae jharkao daṛeama;

Jesaea 41:14

E am tejo Jakob, alom botorokʼa; ińge amiń goṛowama. Iń Probhu Isor do amren babańcaoicʼ Israelren uni sonoticʼge niạ katha doń meneda.

Aposkạmi 22:18

Probhu Isor do iń sãote galmarao kaniń ńelkedea. Uni doe metadińạ, ‘usạragodme ar ńitge Jerusalem khon oḍok calakʼme, ente iń reaṅ amakʼ goha do bako aṅgoca.’

Aposkạmi 20:22

“Sonot Jiureń tolakante iń do ńitokʼ Jerusalemiń calakʼ kana. Onḍe iń cetanre cetʼ hoyokʼa ona do bạń baḍaea.

Aposkạmi 2:25

Dạud do uni reaṅe menakada, ‘Probhu Isor do jaoge iń samaṅreń ńelekana; uni do ińakʼ jojomsa aṛere menaete iń doń ṭarhao akana.

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Johan 14:18

“Bạń ṭũạr oṭokapea; iń do ape ṭheniń hijukʼa.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Jesaea 46:10

Etohopʼ khonge mucạtʼakʼ koń jạhireda, ar sedae khon oka baṅ hoyakan ona hõń lạiyeda. Ińiń men akada, ińakʼ monsubạ do ṭarhao akaege tahena; ar ińakʼ jotowakʼ monsubạń purạutińạ.

Sereńko 109:31

ente uni do reṅgecʼ orecʼko aṛereye tahena, jemon behok reakʼ bicạr khon onkoakʼ jiwiye rukhiyạitako.

Luk 16:28

jemon ińren mõṛẽ goṭen boehakoe sontor daṛeako; ar baṅ khan onko hõ noa sasetokʼ jaegareko hijukʼa.’

Aposkạmi 22:15

Am do unirenge goham hoyokʼa ar okam ńelakatʼ arem ańjomakatʼ ona do sanam hoṛko ṭhenem lạiya.

1 Korinthiko 9:1

Iń do cetʼ sạdhin doń baṅkana? Iń do cetʼ apostol doń baṅkana? Aboren Probhu Jisu do cetʼ bạń ńelakadea? Probhu Isor lạgitʼ okaṭakʼ iń kạmi akatʼ ona reakʼ jo do cetʼ ape dope baṅkana?