Aposkạmi 22:30 - সান্তালী বাইবেল

³⁰ Jihudiko cedakʼ Pạulko dusiyede kana ona ṭhik lekate baḍae lạgitʼ dosar hilokʼ maraṅ subeder do Pạule raṛakedea ar maraṅ naekeko ar maraṅ bạisiren hoṛko mitʼ ṭhen jarwakʼ lạgitʼe hukumatʼkoa. Ona tayom Pạul ạgukate onko samaṅreye teṅgokedea.

Santali Common Language New Testament

³⁰ Jihudiko cedakʼ Pạulko dusiyede kana ona ṭhik lekate baḍae lạgitʼ dosar hilokʼ maraṅ subeder do Pạule raṛakedea ar maraṅ naekeko ar maraṅ bạisiren hoṛko mitʼ ṭhen jarwakʼ lạgitʼe hukumatʼkoa. Ona tayom Pạul ạgukate onko samaṅreye teṅgokedea.

Aposkạmi 22:30 Referans Kwoze

Aposkạmi 23:28

Ar baḍae sanakedińa cedakʼko dusiyede kana mente. Onate uni do onkoakʼ maraṅ bạisireń idikedea.

Aposkạmi 21:33

Unre maraṅ subedar do senkate Pạule giriptarkedea ar barea sikṛite tole lạgitʼe hukumkeda. Ona tayom uni doe kuliketʼkoa, “Nui hoṛ doe okoe kana? Ar cetʼe ceka akada?”

Aposkạmi 26:29

Pạule menkeda, “Thoṛare hõ se ḍherre hõ, iń do Isor ṭheniń koejoṅ kana, eken am eskar do baṅ bickom teheń tinạkʼ do ińakʼ kathako ańjometʼkan onko sanamko jemon iń lekako hoyokʼ, eken noa sikṛi chaḍa.”

Aposkạmi 23:15

Ńitokʼ ape ar maraṅ bạisiren hoṛko noa babotre arhõ mońj okocʼte tojbija mente ape samaṅre Pạul ạguiye lạgitʼ maraṅ subedar ṭhen khobor kolpe. Ar nonḍe ạuriye seṭerokʼrege uni goje lạgitʼ sapṛao akanle tahena.”

Aposkạmi 22:5

Noa katha do sạrikana je, onaren goha do maraṅ naekeko ar maraṅ bạisiren sanamkoge. Iń do onko ṭhen khon Damesek nagraharen dhorom mukhiyạko emako lạgitʼ ciṭhiń hataoleda ar onkan hoṛko tol ạgukate Jerusalemre sạjạiko lạgitʼte onḍeń calakʼkan tahẽkana.

Aposkạmi 21:11

Uni do ale ṭhen hecʼkate Pạulakʼ ḍanḍa paṭheakʼe raṛaketʼtaea ar onate acʼakʼ ti jaṅga tolketʼtaeteye menkeda, “Sonot Jiue meneda, “Jerusalemren Jihudiko do noa paṭheakʼren mạlik hõ nonkageko tolea ar boṅgan hoṛ jạtrenkoakʼ tireko jimạyea.”

Aposkạmi 5:21

Onko do ona katha lekage ạḍi setakʼre mundilteko boloyena ar hoṛko lại cetʼakoko ehopʼena. Ar maraṅ naeke ar acʼ sãoten Sạdukiko do maraṅ bạisiko hohokeda, metakʼme Israelren murubbiko dolren jotoko hoho jarwaketʼkoa. Ona tayom apostolko ạguko lạgitʼ adom kạmiyạkoko kolketʼkoa.

Mathae 27:2

Onko do Jisu tolkateko idikedete disạm cakʼlaoyicʼ Pilạt ṭhenko soprotkedea.

Mathae 10:17

Sontor akae tahenpe, ente maraṅ bạisiren hoṛkoakʼ tireko soprotpea ar onkoakʼ sunạgogkore cạbukteko dalpea.

Mathae 5:22

Menkhan ińiń metapekana, okoe acʼren boeha cetanreye edrekʼ, uni do bicạrre dạyike hoyokʼa. Ar okoe acʼren boehae metae, ‘Eya orlo,’ uni do maraṅ bạisire dạyike hoyokʼa. Okoe acʼ boehae metae, ‘Eya dundhạ,’ uni do norok seṅgelre khadle ocokʼ leke hoyokʼa.

Aposkạmi 23:1

Pạul do maraṅ bạisiren hoṛko secʼ beṅgetʼkateye menkeda, “E ińren boehako, iń do teheń hạbicʼ bhage hudiste Isor samaṅre ińakʼ dạyikiń manao ạguakada.”

Aposkạmi 23:6

Ona bạisiren mitʼ dol do Sạdukiko ar eṭakʼ dol do Phạrusi menakʼkoa menteye baḍaeketʼ khan Pạul do maraṅ bạisi talare ãṭ aṛaṅteye menkeda, “E boehako, iń do mitʼṭen Phạrusi hoṛ kạnạń ar Phạrusikoren hoponge. Ińakʼ bicạr do hoyokʼ kana, ente ińiń pạtiạukʼ kana, gocʼko do arhõko jiwetʼ beredokʼa.”

Aposkạmi 23:20

Uni koṛa doe menkeda, “Jihudikoko goṭa akada, Pạul reaṅ mońj okocʼte tojbij lạgitʼ gapa arhõ maraṅ bạisite idiye lạgitʼko nehõrama.