Aposkạmi 22:25 - সান্তালী বাইবেল

²⁵ Ado cạbukte dale lạgitʼko tolkede khan Pạul do onḍeye teṅgo akan tahẽkan subedare metadea, “Romi hoṛ bin bicạr dusite cạbuke reakʼ hukum do cetʼ apeakʼ ạnre menakʼgea?

Santali Common Language New Testament

²⁵ Ado cạbuke lạgitʼko tolkede khan Pạul do onḍeye teṅgo akan tahẽkan subedare metadea, “Romi hoṛ bin bicạr dusite cạbuke reakʼ hukum do cetʼ apeakʼ ạnre menakʼgea?

Aposkạmi 22:25 Referans Kwoze

Aposkạmi 16:37

Unre Pạul do onko kạmiyạkoe metatʼkoa, “Ạliń do Romi hoṛ kanaliń, ar begor bicạr dusite hoṛko samaṅreko dalketʼlińạ ar hajotreko bhoraokatʼlińạ. Ar ńitokʼ disạm cakʼlaoyicʼ do hape hapete aṛakʼgotʼ kạlińe menjoṅ kana? Ona do baṅ hoyokʼa; onkoge apnarte hecʼkateko oḍok idi lińma.”

Aposkạmi 25:16

“Iń do onkoń metatʼko tahẽkana, ‘jãhãe hoṛ upạrte jãhãeye lạlis khan enḍekhan okoeko lạlis akatʼ onko samaṅre bin dusạn sạbudokʼ reakʼ ạt ạuriye ńam hạbicʼ sạjại emae do Romikoakʼ niạmre bạnukʼa.’

Aposkạmi 27:43

Menkhan subedar do Pạul bańcaoe lạgitʼ mon tahẽkantaete palṭonko akoakʼ kusi leka bae kạmi ocowatʼkoa. Uni doe hukumkeda okoe paerakʼko baḍae onko do pạhilre jahaj khonko don pheḍokʼte guṭuteko rakabokʼma,

Aposkạmi 23:17

Unre Pạul do mitʼṭen subedar hohowadeteye metadea, “Nui koṛa do maraṅ subedar ṭhen idiyem. Uni ṭhen thoṛa katha roroṛteakʼ menakʼtaea.”

Aposkạmi 27:3

Dosar hilokʼ aleakʼ jahaj do Sidonrele teṅgokeda. Julius do Pạul sãote ạḍi mońje beoharkeda ar cerṭhakʼ lạgitʼ uniren gateko ṭhene sen ocoadea jemon acʼren gateko jạruṛokʼakʼ jiniskoko emdaṛeae.

Aposkạmi 27:1

Ado jahajte Itạliạteko idilea menteko goṭaketʼ khan Pạul ar eṭakʼ adom kạidiko do Julius ńutuman mitʼṭen subedarakʼ tireko jimạkatʼlea. Julius do maharaj Agustus palṭonko modren mitʼṭen subedare tahẽkana.

Aposkạmi 10:1

Kạisạriạ nagrahare Kornelius ńutuman mitʼṭen hoṛ do Itạliạ Palṭon dolren subedare tahẽkana.

Mathae 27:54

Subedar ar uni tulucʼ Jisuko horhoyede tahẽkanko do dhạrti laṛao ar eṭakʼ ghoṭnako ńelkate ạḍi bạṛicʼko botorena arko menkeda, “Sạrige uni do Isorren Hopongeye tahẽkana.”

Mathae 8:8

Subedar do Jisui roṛ ruạṛadea, “E Probhu, ińakʼ oṛakʼtem bolokʼ nonkan lek geń baṅkana. Eken katha moto roṛgotʼkam, ar inạtege ińren guti doe bogekʼa.

Mathae 10:17

Sontor akae tahenpe, ente maraṅ bạisiren hoṛkoakʼ tireko soprotpea ar onkoakʼ sunạgogkore cạbukteko dalpea.

Aposkạmi 22:26

Noa katha ańjomkate uni subedar do maraṅ subedar lạiyadeteye metadea, “Am do cetʼem cekae lạgidokʼ kana? Nui ma coṅe Romi hoṛkan.”

Aposkạmi 23:27

“Jihudiko do nui hoṛ sapʼkateko gojekan tahẽkana, menkhan iń do ińren palṭonko idikate uniyiń bańcao ạgukedea, enteń baḍaekeda uni do mitʼṭen Romi hoṛ kanae.