Aposkạmi 22:10 - সান্তালী বাইবেল

¹⁰ Adoń menkeda, ‘E Probhu iń do cetʼ iń cekaea?’ “Probhu Isore menkeda, ‘ma beretʼme, ar Damesekte calakʼme. Ar am lạgitʼ oka ṭhik doho akan ona do onḍegem baḍae ocokʼa.’

Santali Common Language New Testament

¹⁰ Adoń menkeda, ‘E Probhu iń do cetʼ iń cekaya?’ “Probhui menkeda, ‘ma beretʼme, ar Damesekte calakʼme. Ar am lạgitʼ oka ṭhik doho akan ona do onḍegem baḍae ocokʼa.’

Aposkạmi 22:10 Referans Kwoze

Aposkạmi 16:30

Ona tayom uni do Pạul ar Silạs tạkin bahreteye oḍok ạguketʼkinteye kuliketʼkina, “Ma lạiyạń ben, kại khon bańcao ńam lạgitʼ do cetʼ cekae hoyokʼtińạ?”

Aposkạmi 2:37

Noa katha ańjomkate hoṛko do monre dukko ńamkeda. Onko do Patras ar eṭakʼ apostolkoko kuliketʼkoa, “E boehako, ale do cetʼle cekaea?”

Aposkạmi 10:33

Onate iń do am hoho ạgume lạgitʼ unrege hoṛiń kolketʼkoa, ar amem hecʼente dom bhageakatʼgea. Nonḍe ale do ńitokʼ sanamkoge Isor samaṅre menakʼlea. Ar Probhu Isor okaṭakʼ ale ṭhen galmarao lạgitʼe hukum akatʼme ona jotowakʼgele ańjoma.”

Aposkạmi 9:6

Uniye menkeda, “Iń doń Jisu kana, okoe amem khedeńkan. Ńitokʼ do beredokʼme ar nagrahate calakʼme. Ar cetʼ cekae hoyokʼtama ona dom lại ocokʼa.”

Aposkạmi 22:11

Unre ińren soṅgetenko do tire sapʼkate Damesekteko tiyạkʼ idikedińa, ente ona jhãk jhãk marsal iạteń kãṛãyena.