Aposkạmi 22:1 - সান্তালী বাইবেল

¹ “E boehako ar Babako, ńitokʼ iń do apnarteń roṛ dogokʼkana, ańjomtińpe baṛe.”

Santali Common Language New Testament

¹ “E boehako ar Babako, ńitokʼ iń do apnarteń roṛ dogokʼ kana, ańjomtińpe baṛe.”

Aposkạmi 22:1 Referans Kwoze

Aposkạmi 7:2

Stephan do roṛ ruạṛketʼteye menkeda, “E boehako ar babako ińakʼ katha ańjompe. Aboren hapṛam Abraham do Haran nagrahare ạuriye berelokʼre Mesopotamiạ disạmreye tahẽkana ar unre ṭhonokren Isor do uni ṭhen ńel ocoyenteye metade tahẽkana,

2Timothi 4:16

Pạhil dhaoiń bicạr ocolenre okoe hõ bako goṛowạdiń tahẽkana, bickom sanamgeko bạgi giḍiwạdiń tahẽkana; ona do alo baṛe lekhakʼtako ma.

1 Patras 3:15

bickom Mạsi do apeakʼ ontorre Probhu Isor mente jaega emaepe. Apeakʼ as ar bhorsa reaṅ jãhãeko kulipe khan, enḍekhan roṛ ruạṛako lạgitʼ jaoge sapṛao akae tahenpe, menkhan ona reakʼ roṛruạṛ do mạ̃hir ar bhodro salakʼ emakope.

Philipiko lạgitʼ Pạul apostolakʼ ciṭhi 1:17

Menkhan onko pạhil dolren hoṛko do akoakʼ sartho lạgitʼ Mạsi reaṅko porcareda, jãhãn bhage monsubạ iạte do baṅ. Onko doko monejoṅ kana, ińakʼ bondi dosare onko do jemon dukko emdaṛeạń.

Philipiko lạgitʼ Pạul apostolakʼ ciṭhi 1:7

Ape sanamko lạgitʼ ińakʼ monejoṅakʼ do nonka leka hoyokʼge lek kana, ente ape do ińren dulạṛiạko kanape. Iń do hajotreń tahen se bhage sombatreń roṛ dogokʼre hõ ona reakʼ sạritetʼ iń gohayeda, ar onate ape sanamko iń tulucʼ Isorakʼ dayaren bhạgiyạdarkope hoyokʼ kana.

2 Korinthiko 12:19

Cetʼpe hudiseda, noa ciṭhite ale do apnarakʼ kathale roṛeda? Ale do Mạsirele mitʼ akante Isor samaṅrele roṛeda. E dulạṛiạ gateko, ape benao rakapʼpe lạgitʼge noakole roṛeda.

2 Korinthiko 7:11

Hudiskate ńelpe, Isor duke ematʼpe tahẽkanre ape do bape pạclena, ar bin dusạnko mente sạbudokʼ lạgitʼ tinạkʼ jid tahẽkantapea, kạipe hirkhạwatʼ tahẽkana, monre botor tahẽkantapea, tinạkʼpe gagojlena, tinạkʼpe hudisokʼkan tahekana ar kại reakʼ sạjại lạgitʼ tinạkʼpe jidlena. Nonkate joto secʼtegepe sạbudleda je, ape dope bin dusạnko kana.

1 Korinthiko 9:3

Ar okoe ińakʼ apostol hoyokʼ reakʼ kukliye rakab onko ṭhen ińakʼ roṛ ruạṛ do noage,

Romiko lạgitʼ Pạul Apostolakʼ ciṭhi 2:15

Ente ạn lekate oka lekge ona do onkoakʼ ontorrege ol menakʼa. Ar onkoakʼ bibek hõ ona gohageye emetʼkana. Onkoakʼ hudisge oka oka jokhecʼ doe dusikoa, arhõ oka jokhecʼ doe onko sejokʼa.

Aposkạmi 28:17

Pe din tayom Pạul do onḍenko Jihudiko mukhiyạko mitʼ ṭhene hoho jarwaketʼkoa. Adoko jarwayen khan Pạul do onkoe metatʼkoa, “E ińren boehako, iń do abo jạtrenko se hapṛamkoakʼ cạli upạrte cetʼge bạń ceka akada, enhõ Jerusalemre sapʼ ocokate Romikoakʼ tireń jimạ ocoakana.

Aposkạmi 26:24

Ado Pạul nonkae roṛ dogokʼkan tahẽkanre Phestus do tạkicʼ daramkedete ãṭ aṛaṅteye menkeda, “E Pạul, am dom pagla akana. Ente ḍher bidiyạm hameṭ akada ar ona bidiyạgeye pagla oco akatʼmea.”

Aposkạmi 25:16

“Iń do onkoń metatʼko tahẽkana, ‘jãhãe hoṛ upạrte jãhãeye lạlis khan enḍekhan okoeko lạlis akatʼ onko samaṅre bin dusạn sạbudokʼ reakʼ ạt ạuriye ńam hạbicʼ sạjại emae do Romikoakʼ niạmre bạnukʼa.’

Aposkạmi 25:8

Unre Pạul doe roṛ dokʼenteye menkeda, “Iń do Jihudikoakʼ ạn-ạri se mundil se Rom maharaj upạrte jãhãnakʼ cetʼge bạń behok akada.”

Aposkạmi 24:10

Unre disạm cakʼlaoyicʼ do Pạul roṛ lạgitʼe isạrawade khan uni do roroṛe ehopʼena, “Ińiń baḍaea, ḍher bochor khon am do noko Jihudi jạtkoakʼem bicạr ạguiyeda; onate ạḍi rạskạ salakʼ iń reakʼ iń roṛetʼkana.

Aposkạmi 23:6

Ona bạisiren mitʼ dol do Sạdukiko ar eṭakʼ dol do Phạrusi menakʼkoa menteye baḍaeketʼ khan Pạul do maraṅ bạisi talare ãṭ aṛaṅteye menkeda, “E boehako, iń do mitʼṭen Phạrusi hoṛ kạnạń ar Phạrusikoren hoponge. Ińakʼ bicạr do hoyokʼ kana, ente ińiń pạtiạukʼ kana, gocʼko do arhõko jiwetʼ beredokʼa.”

Aposkạmi 23:1

Pạul do maraṅ bạisiren hoṛko secʼ beṅgetʼkateye menkeda, “E ińren boehako, iń do teheń hạbicʼ bhage hudiste Isor samaṅre ińakʼ dạyikiń manao ạguakada.”

Aposkạmi 19:33

Khange Jihudiko do Aleksander samaṅ secʼko ṭhelao idikede khan, cetʼe roṛa mente adom hoṛko lạiyadea. Unre Aleksander do katha roṛ lạgitʼ titeye isạrawatʼkote thirokʼ lạgitʼe kurumuṭukeda.

Aposkạmi 13:26

“E boehako, Abrahamren hoponko ar Isor botoraekanko, kại khon bańcao reakʼ noa khobor do abon ṭhenge kolakana.

Luk 21:14

Ńitge monre niṭ joṅpe, ar roṛ dogokʼ lạgitʼ do alope sapṛaokʼa,

Luk 12:11

Sunạgogkore ar disạm cakʼlaoko ar ektiạrianko samaṅreko idilepere cetʼ leka se cetʼpe roṛ ruạṛa ona reaṅ do alope bhabnakʼa.