Aposkạmi 21:40 - সান্তালী বাইবেল

⁴⁰ Ado maraṅ subedarakʼ hukume ńamketʼ khan Pạul do siṛhi cetanreye teṅgoyena ar ti tulkate hoṛko thirokʼ lạgitʼe isạrawatʼkoa. Arko thiren khan Pạul do Ibri pạrsiteye metatʼkoa.

Santali Common Language New Testament

⁴⁰ Ado maraṅ subedarakʼ hukume ńamketʼ khan Pạul do siṛhi cetanreye teṅgoyena ar ti tulkate hoṛko thirokʼ lạgitʼe isạrawatʼkoa. Arko thiren khan Pạul do Ibri pạrsiteye metatʼkoa.

Aposkạmi 21:40 Referans Kwoze

Aposkạmi 12:17

Patras do thirokʼ lạgitʼ titeye isạrawatʼkoa ar hajot khon Probhu Isor cetʼlekateye oḍok ạgukede onae baḍae ocoketʼkoa. Ar mucạtʼreye metatʼkoa, “Noa khobor do Jakob ar eṭakʼ boehako hõ lạiyakope.” Noa katha menkate uni doe oḍokente eṭakʼ jaegateye calaoena.

Aposkạmi 26:14

Unre ale sanamkoge otrele bhindạṛena ar iń do mitʼṭen aṛaṅ Ibri pạrsite mitạń kaniń ańjomkeda, ‘E Sạul, E Sạul, cedakʼem khedeń kana? Jạnum bạisạu akatʼ ṭheṅgare kolsaete apnarakʼge cetʼ bam loksaneda?’

Aposkạmi 22:2

Hoṛko do Ibri pạrsite roroṛko ańjomkede khan ekalteko thir hapeyena. Unre Pạul doe menkeda,

Johan 5:2

Jerusalemre bhiḍi-phaṭokʼ ṭhen mitʼṭecʼ pukhri menakʼa; onḍe do mõṛẽ goṭecʼ umul akatʼ jaega menakʼa. Ibri pạrsite ona pukhri reakʼ ńutum do Bethsaedako metakʼkana.

Aposkạmi 21:35

Ado Pạul siṛhi hạbicʼe seṭeren khan hoṛkoakʼ ti khon bańcaoe lạgitʼ palṭonko do gokʼ idiye hoyentakoa.

Aposkạmi 19:33

Khange Jihudiko do Aleksander samaṅ secʼko ṭhelao idikede khan, cetʼe roṛa mente adom hoṛko lạiyadea. Unre Aleksander do katha roṛ lạgitʼ titeye isạrawatʼkote thirokʼ lạgitʼe kurumuṭukeda.

Johan sodor 16:16

Ibri pạrsite oka jaega reakʼ ńutum do Harmagedonko metakʼkan, bạṛicʼ jiuko do onko rapajko onḍeko jarwaketʼkoa.

Johan sodor 9:11

Ar athan kunḍren goḍetge noko pohokoren raje tahẽkana. Ibri pạrsite uni goḍetakʼ ńutum do tahẽkana Abaddon, ar Greek pạrsite do Appoluon, metakʼme ḍahao maraoicʼ.

Aposkạmi 13:16

Unre Pạul doe teṅgoyena ar ti tulkateye menkeda, “E Israelko ar Isor botoraekan boṅgan hoṛ jạtrenko ańjompe baṛe.

Aposkạmi 6:1

Inạko dinre celako doko saṅge idikʼkan tahẽkana. Unre celako modre okoe Jihudiko Junạni pạrsiteko roṛetʼkan tahẽkan onko do Ibri pạrsite roroṛkan Jihudiko nonka mente dusikoko ehopʼena je, dinạmge jomakʼ emokʼ jokhecʼ onkoren rạnḍi maejiuko do cetʼge bako ńametʼa.

Johan 19:20

Okare Jisuko kuruskede ona jaega do nagraha sorre tahẽkante Jihudiko modren ḍher hoṛge ona olakʼko paṛhaokeda. Ona do Ibri, Romi ar Junạni pạrsite olakan tahẽkana.

Johan 19:17

Ar Jisu do acʼakʼ kurus gokʼkate khạpriko metakʼ mitʼṭecʼ jaegateye senena. Ona jaega reakʼ ńutum do Ibrite Golgothako metakʼkan tahẽkana.

Johan 19:13

Noa katha ańjomkate Pilạt do Jisu bahreteye ạgukedea ar dhirite tolakʼ mitʼṭecʼ bicạr jaegareye duṛupʼena. Ibrite ona jaega do Gabbathako metakʼkan tahẽkana.

Luk 23:38

Ar uniyakʼ bohokʼ coṭre mitʼṭecʼ olakʼ tahẽkana, “Nui do Jihudikoren raj.”

2 Rapajko 9:13

Unre onko subedarko do usạrate akoakʼ hoṛmo reakʼ kicricʼko bocʼketʼte siṛhi cetanre Jihuakʼ jaṅga latarreko aṭetʼkeda. Ar ona tayom do sakwa oroṅkate ãṭ aṛaṅateko menkeda, “Jihu kangeae raj do.”

Aposkạmi 1:19

Jerusalemren sanam hoṛge ona katha doko ańjomleda. Onate onkoakʼ pạrsite noa jumi do Akeldama se mãyãm reakʼ goḍako metakʼkana.