Aposkạmi 21:33 - সান্তালী বাইবেল

³³ Unre maraṅ subedar do senkate Pạule giriptarkedea ar barea sikṛite tole lạgitʼe hukumkeda. Ona tayom uni doe kuliketʼkoa, “Nui hoṛ doe okoe kana? Ar cetʼe ceka akada?”

Santali Common Language New Testament

³³ Unre maraṅ subedar do senkate Pạule giriptarkedea ar barea sikṛite tole lạgitʼe hukumkeda. Ona tayom uni doe kuliketʼkoa, “Nui hoṛ doe okoe kana? Ar cetʼe ceka akada?”

Aposkạmi 21:33 Referans Kwoze

Ephesiko lạgitʼ Pạul Apostolakʼ ciṭhi 6:20

Noa bhage sombat porcar lạgitʼ iń do sikṛi akan raj paṭhaona kạnạń. Koejoṅpe jemon hajotre tahen jokhecʼ cetʼleka bhage sombat porcar reakʼ lek kantiń onkage dil salakʼ onań porcar daṛeakʼ.

Aposkạmi 21:11

Uni do ale ṭhen hecʼkate Pạulakʼ ḍanḍa paṭheakʼe raṛaketʼtaea ar onate acʼakʼ ti jaṅga tolketʼtaeteye menkeda, “Sonot Jiue meneda, “Jerusalemren Jihudiko do noa paṭheakʼren mạlik hõ nonkageko tolea ar boṅgan hoṛ jạtrenkoakʼ tireko jimạyea.”

Aposkạmi 20:23

Eken niạ kathań baḍaea, sonot Jiu do sanam nagrahare noa kathae baḍae ocoyediń kana je, hajotokʼ ar duk jojom hoyokʼtińạ.

Aposkạmi 12:6

Oka hilokʼ Herod do Patras bicạre lạgitʼe oḍok ạguiye ona laha ńindạ Patras do barea palṭon talareye jạpitʼ akatʼ tahẽkana. Uni do barea sikṛiteko tolakade tahẽkana ar pahradarko do duạrreko pahrakan tahẽkana.

Aposkạmi 28:20

Onate iń do apeko sãote ńapamokʼ ar galmarao lạgitʼ iń khojkeda. Ar Israel jạtrenkoakʼ oka as menakʼ ona lạgitʼge iń do noa sikṛiteń tol ocoakana.”

Aposkạmi 22:29

Noa kathako ańjomketʼ khan cạbukte dale lạgidokʼkanko do unreko calao baṛayena. Ar maraṅ subedar do mitʼṭen Romi hoṛe tol akadea menteye baḍaeketʼ khan botor hecʼadea.

2Timothi 2:9

ar noa bhage sombat porcar iạte iń do duk sasetiń jomakada; ar dusiakatʼ hoṛ leka tol hõń tol ocolena. Menkhan Isorakʼ katha do baṅ tolakana.

2Timothi 1:16

Onesiphoros gharońjrenko Probhu Isore mãyãwakoma; uni do ạḍi dhaogeye cerṭha ocoakadińa, ar ińakʼ hajot iạte bae lajaolena.

Aposkạmi 26:29

Pạule menkeda, “Thoṛare hõ se ḍherre hõ, iń do Isor ṭheniń koejoṅ kana, eken am eskar do baṅ bickom teheń tinạkʼ do ińakʼ kathako ańjometʼkan onko sanamko jemon iń lekako hoyokʼ, eken noa sikṛi chaḍa.”

Aposkạmi 25:16

“Iń do onkoń metatʼko tahẽkana, ‘jãhãe hoṛ upạrte jãhãeye lạlis khan enḍekhan okoeko lạlis akatʼ onko samaṅre bin dusạn sạbudokʼ reakʼ ạt ạuriye ńam hạbicʼ sạjại emae do Romikoakʼ niạmre bạnukʼa.’

Bikʼcạrko 16:21

Unre Philisṭiko do uniko sapʼkedete uniyakʼ banar mẽtʼko hoṭor totʼketʼtaea ar Gasateko idikedea. Onko do pitạl reakʼ sikṛiteko tolkadea ar hajot khanare idikate jante riritʼ kạmireko dhurạukedea.

Bikʼcạrko 16:12

Unre Dolila do nãwã barahikote Samsone tolkedea. Ar thoṛa hoṛ do oṛakʼ bhitrire tãṛãkʼ akaeko tahẽkana. Dolilae menkeda, “E Samson, Philisṭiko do tolme lạgitʼko hecʼakana.” Menkhan Samson do sutạm leka onako barahiye topakʼ giḍikada.

Bikʼcạrko 16:8

Philisṭiren disạm cakʼlaoicʼ do unre onkanakʼ eae goṭecʼ nãwã tãt Dolilae emadea. Ar onate uni do Samsone tolkedea.

Bikʼcạrko 15:13

Onkoko roṛ ruạṛadea, “Bale onkamea. Ale do eken tolkate onkoakʼ tirele jimạkama; ar sạrige bale gocʼmea.” Noa menkate onko do barea nãwã baberte uniko tolkedete buru khonko idikedea.

Aposkạmi 22:30

Jihudiko cedakʼ Pạulko dusiyede kana ona ṭhik lekate baḍae lạgitʼ dosar hilokʼ maraṅ subeder do Pạule raṛakedea ar maraṅ naekeko ar maraṅ bạisiren hoṛko mitʼ ṭhen jarwakʼ lạgitʼe hukumatʼkoa. Ona tayom Pạul ạgukate onko samaṅreye teṅgokedea.

Philipiko lạgitʼ Pạul apostolakʼ ciṭhi 1:7

Ape sanamko lạgitʼ ińakʼ monejoṅakʼ do nonka leka hoyokʼge lek kana, ente ape do ińren dulạṛiạko kanape. Iń do hajotreń tahen se bhage sombatreń roṛ dogokʼre hõ ona reakʼ sạritetʼ iń gohayeda, ar onate ape sanamko iń tulucʼ Isorakʼ dayaren bhạgiyạdarkope hoyokʼ kana.