Aposkạmi 21:32 - সান্তালী বাইবেল

³² Unre Maraṅ subedar do adom subedarko ar palṭonko soṅgekate bhiṛ akatʼ hoṛko ṭhene ńir calaoena. Ar hoṛko do maraṅ subedar ar palṭonkoko ńelketʼko khan Pạul dadalko thirena.

Santali Common Language New Testament

³² Unre Maraṅ subedar do adom subedarko ar palṭonko soṅgekate bhiṛ akatʼ ṭhene ńir calaoena. Ar hoṛko do maraṅ subedar ar palṭonkoko ńelketʼko khan Pạul dadalko thirena.

Aposkạmi 21:32 Referans Kwoze

Aposkạmi 23:27

“Jihudiko do nui hoṛ sapʼkateko gojekan tahẽkana, menkhan iń do ińren palṭonko idikate uniyiń bańcao ạgukedea, enteń baḍaekeda uni do mitʼṭen Romi hoṛ kanae.

Aposkạmi 5:40

Unre Gamalielakʼ katha leka mukhiyạko doko mitʼ motena. Onko do apostolko bhitrite hoho idikate dalko lạgitʼko hukumkeda. Ar ona tayom doko aṛakʼkatʼkoa arko hukumatʼkoa Jisu reaṅ jemon jãhãnakʼ ar aloko roṛ baṛae.

Jesaea 3:15

Cetʼ iạte ińren hoṛ dope lebetʼ kucạ akatʼkoa ar reṅgecʼ hoṛ dope lebetʼ gańjao akatʼkoa?” Niạ katha do phạdkoren Probhu Isorgeye meneda.

Aposkạmi 24:6

Uni do mundil hõ bhonḍ lạgitʼe kurumuṭiyetʼ tahẽkante ale do unile sapʼkedea ar aleakʼ ạn lekate bicạrile menetʼ tahẽkana, menkhan maraṅ suberdar Lusius doe ãṛgo hecʼena, ar jorkate aleakʼ ti khon uniye idikedea.

Aposkạmi 22:19

Ińiń menkeda, ‘E Probhu Isor, noko hoṛko baḍaegea, okoe amreko pạtiạukʼkan tahẽkan onko dal ar tolkate hajotre bhoraoko lạgitʼ iń do mitʼ sunạgog khon eṭakʼ sunạgogteń calakʼkan tahẽkana.

Aposkạmi 18:17

Unre Jihudiko do sunạgogren mukhiyạ Sosthenesko sapʼkedete adalot samaṅregeko dalkedea; menkhan Gallio do cetʼge bae mẽtʼ luturada.

Johan 18:12

Unre palṭonko ar onkoren subedarko ar Jihudi mukhiyạkoren kạmiyạko do Jisu sapʼkedeteko tolkedea.