Aposkạmi 21:24 - সান্তালী বাইবেল

²⁴ Noko hoṛ am sãote iditorakom ar onko soṅgete am hõ saphakʼme ar onkoakʼ bohokʼ upʼ hoyo giḍikatako reakʼ khoroc emokʼme. Unre sanam hoṛko baḍaea daṛeakʼa je, am reaṅ oka khoborko ańjomakatʼ ona do ạuṛiyakʼgea ar ạn-ạriko hõ ṭhik lekam manaoetʼkana mente.

Santali Common Language New Testament

²⁴ Noko hoṛ am sãote iditorakom ar onko soṅgete am hõ saphakʼme ar onkoakʼ bohokʼ upʼ hoyo giḍikatako reakʼ khoroc emokʼme. Unre sanam hoṛko baḍaea daṛeakʼa je, am reaṅ oka khoborko ańjomakatʼ ona do ạuṛiakʼgea ar ạn-ạriko hõ ṭhik lekam manaoetʼkana mente.

Aposkạmi 21:24 Referans Kwoze

Aposkạmi 21:26

Unre Pạul do onko hoṛe iditoraketʼkote acʼhõ onko sãoteye saphayena. Ar dosar hilokʼ uni do mundilteye calaoena, ar onkoakʼ saphakʼ reakʼ kạmi tis cabakʼa mente ar mimitʼko lạgitʼ tis janwar teṅgenko hoyokʼa onakoe baḍae ocoketʼkoa.

Aposkạmi 24:18

Ado ińiń saphayen tayom tinre onań kạmikan tahẽkana unre onko do mundilreko ńelledińa. Ar iń ṭhen hoṛko hõ bako ṭhạurạulena se iń iạte jãhãn gulmal hõ baṅ hoylena.

Aposkạmi 18:18

Pạul do ḍher din Korinthreye khemaoketʼ khan biswạsi boehako ṭhen khon bidạye hataokeda ar Akuilạ ar Priskillạ sãote jahajte Siriạ disạme hecʼena. Pạul do mitʼṭecʼe goṭa dohoakatʼ tahẽkante mohnḍakʼ lahare Kenkhreare uni doe hoyo munḍrạyena.

1 Korinthiko 9:20

Jihudiko labko lạgitʼ do Jihudiko ṭhen Jihudi lekań hoyakana. Ente Moseyakʼ ạn-tạriren iń baṅkanre hõ okoe ạn-tạrire menakʼko onko labko lạgitʼ onko lekań hoyakana.

Exodus 19:14

Inạ tayom Mose do buru khon pheḍ hecʼkate hoṛkoe sapha ocoketʼkoa ar hoṛko hõ akoakʼ kicricʼko saphaketʼtakoa.

Galathiko lạgitʼ Pạul Apostolakʼ ciṭhi 2:12

Jihudikoren biswạsi okoeko dol do be Jihudiko khatna ocoko cetanre jorko emetʼ tahekan, onkoren adom hoṛ Jakob ṭhen khon ạuriko hijukʼre Patras do be-Jihudiko tulucʼe jom-ńũiyetʼ tahẽkana. Menkhan tinre onko dolren hoṛko hecʼena unre uni do onko botorte be-Jihudiko sãote gatekʼe bạgiketʼte apnar do onko khone begarena.

Johan 11:55

Unre Jihudikoakʼ bańcaokʼ porob do sor akan tahẽkana. Ar porob lahare saphakʼ lạgitʼ ạḍi utạr hoṛ do atoko khon Jerusalemteko calao akan tahẽkana.

Johan 3:25

Ar unre dhorom reakʼ niạm lekate saphakʼ babotre Johanren celako do mitʼṭen Jihudi sãoteko reṭepeṭekʼ kan tahẽkana.

Jobakʼ 41:25

Uniye beretʼlenre daṛeanko doko lukutʼ lukudokʼa; onko do botorteko pạcokʼa.

Jobakʼ 1:5

Onkoakʼ bhoj reakʼ dinko sạtlen khan Job do onko hoho ạgukateye sonotetʼko tahẽkana. Uni do setakʼre onko lạgitʼ mimitʼ goṭenkate jeredokʼ samaṅokʼakʼ porobe hoeocoyetʼ tahẽkana. Uni doe hudisetʼ tahẽkana, “Ińren hopon ar hoponerako do pasecʼko kại akada ar mone monete Isorko henosta akadea.” Job do nonka jaogeye kạmikan tahẽkana.

Bikʼcạrko 13:5

Ar okoe gidrạm janame uni do tishõ alom hoyo poṭorea, ente uni do janam khonge Isor ńutumte nạsriye hoyokʼa. Uni do Philisṭikoakʼ ti khon Israelkoe bańcaokoa.”

Numeri 6:18

Ona tayom ńapamokʼ tạmbu reakʼ duạr ṭhen nạsri hoṛ do Probhu Isor ńutumteye dohoakatʼ acʼakʼ upʼe hoyo poṭor ocoytaea. Ar noa upʼ do sulukren samaṅokʼakʼ latarre seṅgelreye khadle giḍikakʼa.

Numeri 6:13

“Probhu Isor ńutumte mitʼṭen nạsri hoṛ do begar tahen reakʼ din purạulentae tayom uni do noa manao hoyokʼtaea. Uni do ńapamokʼ tạmbu reakʼ duạr ṭhene hijukʼa.

Numeri 6:9

“Jãhãe ackage uni samaṅreye gujukʼ ar onate Probhu Isor ńutumteye dohoakatʼ upʼ besaphakʼtae enḍekhan uni do eae mãhã hilokʼ, metakʼme uni do saphakʼ hilokʼ bohokʼ hoyo poṭorokʼ hoyokʼtaea.

Numeri 6:5

“Tinạkʼ din nạsri mente begar tahen reakʼe kiriạ akan unạkʼ din uni do bohokʼ upʼ bae hoyo poṭortaea. Probhu Isor ńutumteye begar akante uni do Probhu Isorrenge tahen hoyokʼtaea. Uni do acʼakʼ upʼe hara jeleń ocoytaea.

Exodus 19:10

Probhu Isor do Mose arhõe metadea, “Teheń ar gapa niạ bar din do hoṛko ṭhen senkate onkom saphakoa. Onko do jemon akoakʼ kicricʼ hõko saphaetako ar tesar hilokʼ lạgitʼ sapṛao akanko tahen, ente tesar hilokʼ iń Probhu Isor do sanam hoṛko samaṅre sinại burureń pheḍ hijukʼa.