Aposkạmi 20:31 - সান্তালী বাইবেল

³¹ Onate ape do sontor akae tahenpe. Disạipe, iń do pe bochor khon siń ńindạ mẽtʼ dakʼ joro joroteń sontor akatʼpea, ar tisge bạń thirakana.

Santali Common Language New Testament

³¹ Onate ape do sontor akae tahenpe. Disạipe, pe bochor khon siń ńindạ mẽtʼ dakʼ joro joroteń sontor akatʼpea, ar tisge bạń thirakana.

Aposkạmi 20:31 Referans Kwoze

Aposkạmi 20:19

Jihudikoakʼ ạḍi lekan phor phundi iạte bạṛicʼ biḍạukoreń paṛaolena, menkhan iń do nindhạn monte mẽtʼ dakʼ joro jorote Probhu Isorren sapʼ dapʼicʼiń hoyakana.

Aposkạmi 19:10

Ado bar bochor hạbicʼ onkage hoy idiyena. Onate okoe Jihudi ar Junạniko Asiạ Prodesreko tahẽkan onko sanamkoge Probhu Isorakʼ kathako ańjomkeda.

Aposkạmi 19:8

Inạ tayom Pạul do sunạgogkoteye boloyena ar pe cando hạbicʼ dil salakʼ kathakoe galmaraoatʼkoa. Uni do Isorakʼ raj reaṅakʼko khode khod galmaraoatʼkote biswạs janam ocoytako lạgitʼe kurumuṭukeda.

Ibriko 13:17

Aperen ạyurkoakʼ kathako bataotakope ar onko gobolre tahenpe, ente okoe Isor ṭhen lekha jokhako em, onkan hoṛ lekatege coṅ onko ma apeko ńel todarotetʼpe kan. Onko ṭhen gobolokʼpe jemon onko do akoakʼ kạmi rạskạ salakʼko kạmi daṛeakʼ, menkhan duk salakʼ do baṅ. Ar duk salakʼge ona onkae hoyokʼ khan, enḍekhan onate apeakʼ do cetʼ porho hõ baṅ hoyokʼtapea.

Kolossiko lạgitʼ Pạul Apostolakʼ ciṭhi 1:28

Ale do uni Mạsi reaṅle porcareda, metakʼme Isorakʼ asambheṛ akel salakʼ mimitʼ hoṛle sontoretʼkoa arle cetʼako kana, jemon Mạsi hotetele purun daṛeako.

2Timothi 4:5

Menkhan am do sanamakʼre sambṛao akae tahenme, duk sahaome ar Mạsi reaṅ bhage sombat porcarme, ar Isor okako kạmiye emakatʼme ona purạume.

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Mathae 13:25

Menkhan hoṛko jạpitʼ akatʼ tahẽkanre uni hoṛren bạiri doe hecʼena ar guhum talare sama ghãs reakʼ itạ er oṭokateye calaoena.

Johan sodor 16:15

Jisui meneda, “Ńelme, iń do kombṛo lekań hijukʼa. Bhạgangeae uni hoṛ, one okoe do jagware tahenkan ar acʼakʼ kicricʼkoe jogao dohoyetʼ, jemon laṅgaṭ alaoe dãṛãn ar hoṛko hõ uniyakʼ lajaotetʼ aloko ńeltae.”

2 Thessalonikiko 3:8

se begor damte okoeyakʼ jomakʼ hõ bale jomleda. Ale do siń ńindạle mehnot akada arle kosṭo akana, jemon aperen bojhako alole hoyokʼ.

1 Thessalonikikko 5:14

E boehako, ale do noale sikhạuetʼpe kana, okoeko kuṛhiạge onko sontorkope; ar okoeyakʼ dil bạnukʼtako onko do dil emakope; okoeko nijorge onko goṛowakope ar sanamko secʼ sombhurikate sapahaope.

1 Korinthiko 4:14

Lajao ocope lạgitʼ do bạń oletʼ kana, bickom ińren dulạṛiạ gidrạko leka sontorpe lạgitʼgeń oleda.

Aposkạmi 24:17

“Ḍher bochor tayom iń do Jerusalemteń senlena jemon iń jạtren reṅgecʼ-orecʼ hoṛko ṭaka-poesateń goṛo daṛeako ar dãṛẽ hõ jemoniń samaṅ daṛeakʼ.

Aposkạmi 20:11

Inạ tayom Pạul do arhõ cetan kandhate rakapʼkate Probhu Isorakʼ bhoje ataṅkeda ar ạḍi ghạṛicʼ aṅga marsalokʼ hạbicʼe galmaraoatʼko tayom uni doe calaoena.

Aposkạmi 20:7

Ado hapta reakʼ pạhil din Probhu Isorakʼ bhoj ataṅ lạgitʼ ale do mitʼ ṭhenle jarwayena. Unre Pạul do hoṛko porcarakoe ehopʼena. Uni do dosar hilokʼ calakʼ reakʼ katha tahẽkantaete tala ńindạ hạbicʼe galmarao idikeda.

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńir pharakokʼ lạgitʼ do okoeye cetaoketʼpea?

Jeheskel 3:21

Menkhan alo kại lạgitʼ jodi uni dhorom hoṛem sontore ar uni bae kại enḍekhan sontorokʼ reakʼ katha ańjom khạtirte uni do khạṭigeye bańcaokʼa ar am hõ apnarte rukhiyạm ńama.”

Philipiko lạgitʼ Pạul apostolakʼ ciṭhi 3:18

Iń do aema dhaoiń lại akawatʼpea ar ńitokʼ hõ mẽtʼdakʼ joro joroteń lạiyape kana, nonkan aema hoṛ menakʼkoa one okoe do Mạsiyakʼ kurusren bạiri lekako colonetʼkan.

2 Thessalonikiko 2:5

Iń do tinre ape ṭheniń tahẽkana unre noako kathageń lạiyape kan tahẽkan, ona do cetʼ bape disạyeda?