Biblia Todo Logo
Bib sou entènèt

- Piblisite -




Aposkạmi 20:30 - সান্তালী বাইবেল

30 Ape bhitriko khon hõ hoṛko teṅgonte Isorakʼ sạriyakʼtetʼ do eṛeteakʼ benaoko kurumuṭuya jemon pạtiạu akanko ako secʼko or idi daṛeako.

Gade chapit la Kopi

Santali Common Language New Testament

30 Ape bhitriko khon hõ hoṛko teṅgonte Isorakʼ sạriakʼtetʼ do eṛeteakʼ benaoko kurumuṭuya jemon pạtiạu akanko ako secʼko or idi daṛeako.

Gade chapit la Kopi




Aposkạmi 20:30
23 Referans Kwoze  

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.


Unre amakʼ mẽtʼ do aema lekanakʼkoe ńela ar mon do aje baje kathakoe hudisokʼa.


ar uniye ńamkede khan Antiokiạteye ạgukedea. Barnabas ar Sạul do goṭa bochor manḍerren hoṛko sãotekin tahẽyena ar ạḍi utạr hoṛkin cetʼatʼkoa. Ar noa Antiokiạrege celako do pạhil Khristanko ńumocoyena.


Okoe khaṭo hudisan hoṛ peṛta kathae roṛ uni khon uni reṅgecʼ hoṛgeye bhagea one okoe do sạriyakʼreye dãṛãnkan.


Menkhan mitʼṭecʼ gun menakʼtama ona do, Nikolạitiko okaṭakʼko cekayetʼkan ona dom hirkhạwakʼ kana, ar iń hõń hirkhạwakʼ kana.


Dhạrtire nonkan aema hoṛko oḍok akana okoe doko bukʼlạuko kan. Ente Jisu Mạsi manwa lekateye hecʼlen ona do bako aṅgoceda. Ar nonkan bulạukan hoṛge Mạsiren do bạiri kanako.


Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼte nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.


ar mon baṅgla bhat akantako hoṛko talare mitʼ talao gulmal. Ar noko hoṛkore Isorakʼ sạritetʼ do bạnukʼa; Mạsiyakʼ dhorom pạtiạu onko do dhạrti secʼte mitʼṭecʼ lab reakʼ upại menteko bujhạueda.


Ona chaḍa onko do oṛakʼ oṛakʼko ajare baṛaete kuṛhnikʼko ceda. Eken kuṛhnikʼko ceda ona do baṅ, menkhan nilạjiạ kathako roṛa ar eṭakʼkoakʼko oktawa ar baṅ ganokʼakʼ katha hõko roṛa.


Misor disạmren uni hoṛ okoe do thoṛa din lahare hulkate pon hajar ḍạkuko hahaṅkarteye idiletʼko am do cetʼ uni hoṛ dom baṅkana?”


“Hae, ape sostor baḍaeko, Phạrusiko ar phạsiạrako do! Eken mitʼ hoṛ apeakʼ dhoromre ạguiye lạgitʼ dhạrti reakʼ oka jaegare bape dãṛãn kana. Ar aperen celae hoylenre uni do ape khon hõ bạ̃ṛti norokre khadlekʼ lekpe hoeocoyedea.


Ente apeakʼ tiko do mãyãmte bhõnḍakana ar apeakʼ kạṭupʼ do ghạṭkote perecʼ akana. Apeakʼ moca do eṛe kathae roṛeda ar apeakʼ alaṅ do dusṭạmigeye phuṭạu akada.


Ar unre gurokʼko do thoṛa goṛoko ńamgea ar aema hoṛ do cĩkạ̃ṛ cĩkạ̃ṛ kathakoteko onko tulujokʼa.


Ente onkanko hoṛ do eṛe apostol ar phạsiara kạmiyạko kanako. Ar Mạsiren apostolko mente udugokʼ lạgitʼ onko do apnartetʼko bodolokʼ kana.


Swiv nou:

Piblisite


Piblisite