Aposkạmi 20:29 - সান্তালী বাইবেল

²⁹ Ińiń baḍaea je, iń sen tayom hoṛko do hunḍạr leka ape talareko hijukʼa ar palren bhiḍikoko loksankoa.

Santali Common Language New Testament

²⁹ Ińiń baḍaea je, iń sen tayom hoṛko do hunḍạr leka ape talareko hijukʼa ar palren bhiḍikoko loksankoa.

Aposkạmi 20:29 Referans Kwoze

Mathae 7:15

“Eṛe nạbiko khon sontor akae tahenpe. Onko do bhiḍi chinte ape ṭhenko hijukʼa, menkhan bhitri bhitrite onko do jojom hunḍạr kanako.

2 Patras 2:1

Menkhan Israelko talare cetʼleka eṛe nạbikoko tahẽkan, onkage apeko talarehõ eṛe cecetʼkoko tahena. Onko do hape hapete nonkan bhul cecetʼakʼko ạguiya one okaṭakʼte manwako nosṭokʼ; ar okoeye kiriń chaḍao akatʼko uni Probhu Isor hõ bako aṅgocea. Nonkate onko do ạḍi usạra apnarte nosṭokʼko ạgujoṅa.

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan uni lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

Johan 10:12

Eken din ṭalao lạgitʼ okoe gupi kạmiye kạmikan uni do gupiyicʼe baṅkana ar bhiḍiko hõ acʼren doko baṅkana. Uni do hunḍạr hijukʼe ńellere bhiḍikoe ńir bạgiyakoa, ente uni do eken din ṭalaotae lạgitʼ noae kạmikana ar bhiḍiko lạgitʼ hõ jãhãnakʼ bae dạndikʼa. Ar hunḍạr do onkoe ạtkirkoa ar bhiḍiko doko chirchạturokʼa.

Luk 10:3

Do calakʼpe; iń do hunḍạrko talare bhiḍi hoponko lekań koletʼpea.

Mathae 10:16

“Ńelpe, iń do hunḍạrko talare bhiḍiko lekań koletʼpea. Onate biń leka husiạrokʼpe ar parwa leka soṛa hoyokʼpe.

Sakariạ 11:17

“Hae, uni lelha gupiyicʼ do, one okoe do palrenko bạgikateye calakʼ kan! Tarwaṛe do uniyakʼ ti ar jojomsa reakʼ mẽtʼgeye ghạltaea. Onate uniyakʼ ti do borojokʼtaea ar uniyakʼ jojomsa reakʼ mẽtʼ do kãṛãkʼtaea.”

Jirimiạ 23:1

Probhu Isore meneda, “Hae, onko gukʼpiko do, one okoe do ińakʼ gupi ṭạnḍiren bhiḍikoko maraoetʼko arko chirchạtur cabayetʼkotiń.”

Sephaniạ 3:3

Uniren rajren kạmiyạko do hạnḍrạukʼkan dhạcri kul leka ar disạm cakʼlaoko do ńindạren hunḍạr leka kanako; one setakʼ lạgitʼ cetʼge bako sarecʼ dohokakʼ kan.

Jirimiạ 13:20

Probhu Isore meneda, “E Jerusalem, beṅgetʼ rakabme, ńelme utạr secʼ khon bạiriko daraekana. Okaṭakʼ palrenko do amakʼ tireko em hoylen, ar okoeko bhiḍiko iạtem bạḍạiyetʼ tahẽkan onko doko okayena?

Jeheskel 22:27

Hunḍạr cetʼleka sikạrko sapʼko onkage onḍenko rajkạmiyạko do mãyãmko joro ocoyeda ar behok lekate lab iạte manwako khũnetʼkoa.

Jeheskel 34:8

Iń Probhu Isorge iń ńutumte kiriạkateń menetʼkana, gukʼpiko begorte ińren palko do luṭren jinisko hoyakana ar bir janwarkoren adharko hoyakana. Ińren gukʼpiko do ińren palrenkoakʼ khoj tolas bako hatao akada ar ńel hõ bako ńel todarotletʼkoa; ona bodolte onko do ako apnargeko ńel todarotokʼ kana.

Daniel 11:34

Ar unre gurokʼko do thoṛa goṛoko ńamgea ar aema hoṛ do cĩkạ̃ṛ cĩkạ̃ṛ kathakoteko onko tulujokʼa.

Luk 12:32

“Alope botorokʼa, E huḍiń palrenko, ente aperen Baba do apege acʼakʼ rajosṭi emapeye menjoṅkana.

Johan 21:15

Adoko jom sạtketʼ khan Jisu do Simon Patrase metadea, “E Jona hopon Simon, noko khon bạ̃ṛtim dulạṛedeń kana?” Simon Patrase menkeda, “Hẽ Probhu, baḍaegeam tinạkʼ iń dulạṛetʼmea mente.” Jisu do uniye metadea, “Ińren bhiḍiko gupikom.”

1 Patras 5:2

Ape talare menakʼ Isorakʼ palren gupiko hoyokʼpe. Ńel todarotkope hoyokʼkante onkope ńelkoa ona do baṅ, bickom apnarakʼ monejoṅ lekatege gupikope, ente Isor do ape ṭhen onageye khojkana. Porho ńam lạgitʼ do alope kạmiya, menkhan gagoj monte kạmipe;

Jihudạwakʼ ciṭhi 1:18

Onko do noa kathako lạiyape kan tahẽkana, “Okoeko siṛog baṛayetʼ tahẽkan onko do mucạtʼ oktereko hijukʼa ar Isor bebhokti ar bạṛicʼ sanako senakʼa.”