Aposkạmi 20:24 - সান্তালী বাইবেল

²⁴ Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Santali Common Language New Testament

²⁴ Menkhan iń ṭhen do ińakʼ jiwi reakʼ jãhãn dam bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Aposkạmi 20:24 Referans Kwoze

2 Korinthiko 4:1

Noa bondobos reakʼ katha baḍae reakʼ bhar Isor do ale dayateye em akatʼlete bale as chuṭạukʼ kana.

2 Korinthiko 12:10

Onate Mạsi iạte nijorakʼkore, bemanot ocokʼre, kucit ocokʼre, santao ar khed ocokʼre ar joṅjalkore iń doń rạskạkʼ kana, ente tinreń nijorokʼa, unrege daṛeanakʼiń hoyokʼa.

Aposkạmi 21:13

Unre Pạule menkeda, “Rakʼ rakʼte monre cedakʼ dukpe imạń kana? Probhu Jisu lạgitʼ iń do Jerusalemre eken bondi ocokʼ do baṅ, bickom gocʼ ocokʼ hõń sapṛaogea.”

1 Korinthiko 15:58

Onate, E ińren boehako, kajakte teṅgo ṭak akae tahenpe; jemon okaṭakʼte hõ alope ocogokʼ; ar jaoge Probhu Isorakʼ kạmire sareṛokʼpe, entepe baḍaegea, uniyakʼ kạmire mehnot do baṅ ạuṛiyagokʼ tapea.

Romiko lạgitʼ Pạul Apostolakʼ ciṭhi 11:6

Isor do dayategeye bachao dohoakatʼko khan, enḍekhan ona do jãhãn kạmi reakʼ jo do baṅkana. Ar onkage hoylen khan daya do daya mente baṅ tahẽkokʼa.

Aposkạmi 14:3

Pạul ar Barnabas do ona nagrahare thoṛa dinkin tahẽyena ar dil salakʼ Probhu Isorakʼ kathakin galmaraoatʼkoa. Ar Probhu Isorakʼ daya reaṅ okakin porcaretʼ tahẽkan ona katha sạrikana mente sạbud lạgitʼ Probhu Isor do Pạul ar Barnabas hotete cinhạko ar hahaṛawakʼkoe hoyocokeda.

1 Patras 5:12

Siluạnus, okoe do ińren pạtiạrạnicʼ boehań metaekan, uni hotete noa ciṭhi do thoṛa kathate ape ṭheniń olkeda, jemon iń do apeń udgạu daṛeape ar Isorakʼ sạriạkʼ reakʼ dayaren gohań em daṛeakʼ. Ape do Isorakʼ noa dayare ṭarhao akan tahenpe.

Titus lạgitʼ Pạul Apostolakʼ ciṭhi 1:3

Aboren babańcaoicʼ Isorakʼ hukum leka okań lại jạhiretʼkan ona hotete Isor do acʼakʼ katha ṭhik okteregeye sodor akada.

Galathiko lạgitʼ Pạul Apostolakʼ ciṭhi 1:1

Iń Pạul do Mạsiren mitʼṭen apostol kạnạń. Noa apostol hudạ jãhãe manwa ṭhen khon se jãhãe manwa hotete do bạń ńamakada, bickom Jisu Mạsi ar Isor Baba, one okoe do Mạsi gocʼko khone jiwetʼ beretʼkede, uni hotetegeń ńamakada.

2 Korinthiko 5:8

Aboakʼ dil do menakʼgea ar hoṛmo oṛakʼ khon pharakokʼte Probhu Isor ṭhen thamgạḍi akanbon kusiyakʼ kana.

Aposkạmi 20:32

“Menkhan ńitokʼ do Isor ar uniyakʼ kathareń jimạkape kana. Isorakʼ katha do uniyakʼ daya reaṅe roṛa, ar apeko benao rakapʼpe reakʼ daṛe hõ ona katharege menakʼa. Ona chaḍa Isor do acʼren hoṛko lạgitʼ okae dohoakatʼ ona katha do apeko hõe em daṛeapea.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Philipiko lạgitʼ Pạul apostolakʼ ciṭhi 2:17

Oka biswạs reakʼ samaṅokʼakʼte Isorpe sewawaekan onare ińakʼ mãyãm do dãṛẽ mente coḍorlen khan hõń kusikokʼa ar ape tulucʼ iń rạskạkokʼa.

Aposkạmi 9:15

Menkhan Probhu Isor do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

Aposkạmi 1:17

Uni do alerenge mitʼ hoṛe tahẽkana ar ale sãote kạmi lạgitʼe bachao ocolena.”

Johan 17:4

Am do okaṭakʼ kạmim emakawadiń ona sạtkate noa dhạrtireń ṭhonok ocoakatʼmea.

Johan sodor 12:11

Bheḍa Hoponakʼ mãyãm ar apnarakʼ gohate onko do uniko bhagao akadea. Onko do apnar dulạṛ baṅkate akoakʼ jiwi emokʼge rạjiko tahẽkana.

1 Johan 3:16

Mạsi do abon lạgitʼ acʼakʼ jiwiye emena, onate dulạṛ do cetʼkana mente bon baḍae orom akada. Enḍekhan boeha lạgitʼ apnar jiwi emokʼ aboakʼ hõ lek kan tabona.

2Timothi 1:12

Ar ona iạte noako dukiń jomakada; ar enrehõ bạń lajaokʼkana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiyakʼ hijukʼ din hạbicʼ rukhiyạ lạgitʼ daṛe menakʼtaea mente.

Kolossiko lạgitʼ Pạul Apostolakʼ ciṭhi 1:24

Ape lạgitʼ oka duk sasetiń jometʼkan onate iń doń rạskạkʼ kana. Mạsiyakʼ hoṛmo reakʼ, metatʼme manḍerko lạgitʼ uniyakʼ oka duk saset ńit hõ sarecʼ menakʼ ona do ińakʼ hoṛmoreń purạueda.

Ephesiko lạgitʼ Pạul Apostolakʼ ciṭhi 3:13

Onateń nehõrokʼ kana, ape lạgitʼ duk ar sasetiń jometʼte dil alope adtapea, ente ona jotowakʼ do apeakʼ man lạgitʼ hoyakana.

2 Korinthiko 7:4

Apere ạḍi pạtiạu menakʼtińạ ar ape iạte ạḍitetʼ iń sarhaokʼ kana. Aleakʼ joto duk sasetre ińakʼ rạskạ do sareṛokʼ kana ar ạḍi jiwi raṛecʼ iń ńameda.

Ibriko 10:34

ar okoeko hajot ocoakan tahẽkan onkoakʼ duktepe duklena. Apeakʼ jinisko luṭlenre rạskạ salakʼpe manaoleda, entepe baḍaekan tahẽkana, arhõ bhage ar jaejug dhon menakʼtapea mente.

Titus lạgitʼ Pạul Apostolakʼ ciṭhi 2:11

Isorakʼ oka daya hotete kại khon bańcao ńamokʼ ona do sanam manwako ṭhenge sodor akana.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Aposkạmi 22:21

“Unre Probhu Isor do ińe metadińạ, ‘Do calakʼme, ente iń do sạṅgińte boṅgan hoṛ jạtrenko ṭheniń kolmea.’ ”

1 Thessalonikikko 3:3

jemon noako duk ar sasetrepe paṛaolenre okoe hõ alope pạc ruạrokʼ. Ar ape hõpe baḍaegea, duk ar saset do abon lạgitʼ dohoakana.

1 Thessalonikikko 2:2

Ar noa katha hõpe baḍaegea, noa lahare ale do Philipi nagraharele khed ocolena ar bemanot hõle bemanot ocolena. Menkhan noa tạkicʼakʼko tahẽkanre hõ aboren Isor ṭhen khon dil ńamkate uniyakʼ bhage sombat reakʼ katha ale do khulạsategele lạiyatʼpe tahẽkana.

Aposkạmi 20:21

Jihudi ar Junạniko ṭhen iń do jorkateń lại akada je, kại khon mon ạcurkate onko do Isor secʼ ruạṛokʼ hoyokʼtakoa ar Probhu Jisure biswạsokʼ jạruṛtakoa.

Ephesiko lạgitʼ Pạul Apostolakʼ ciṭhi 1:6

Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniyakʼ sarhao hoyokʼtae.

2Timothi 3:11

Ona chaḍa Antiokiạre, Ikoniumre ar Lustrạre paṛao ạdiń tahẽkan santaokoń sahao akatʼ reakʼ katha hõm baḍaegea, menkhan Probhu Isor do onako khone rukhiyạ akadińạ.

Romiko lạgitʼ Pạul Apostolakʼ ciṭhi 4:4

Kạmikate okaṭakʼ kuṛại ńamokʼ, ona do dan do baṅkana, menkhan paona kana.

Johan 15:27

Ape hõ iń reaṅ gohape ema, ente pạhil khonge ape do iń são sãote menakʼpea.

Luk 16:28

jemon ińren mõṛẽ goṭen boehakoe sontor daṛeako; ar baṅ khan onko hõ noa sasetokʼ jaegareko hijukʼa.’

Aposkạmi 13:25

Johan do acʼakʼ kạmiye mucạtʼ ạguiyetʼ tahẽkanreye menleda, ‘iń doń okoe kana mentepe hudisetʼkana? Iń do uni Mạsi doń baṅkana. Uni do iń tayomteye daraekana, iń do uniyakʼ panahi raṛaetae lek hõń baṅkana.’

Aposkạmi 15:7

Ado aemako galmaraoketʼ khan Patras do teṅgoyenteye metatʼkoa, “E boehako, ape mape baḍaege, ḍher din lahare apeko tala khon Isor do ińe bachao akadińạ jemon boṅgan hoṛ jạtrenko hõ ińakʼ moca khon bhage sombat reakʼ katha ańjomkateko pạtiạukʼ.

Aposkạmi 18:5

Silạs ar Timothi Makedoniạ khonkin hecʼen khan Pạul do eken Isorakʼ katha porcarte acʼakʼ okteko khemaoe ehopʼena. Uni do Jihudiko ṭhen Jisuge Mạsi kanae mente gohae emetʼ tahẽkana.

Aposkạmi 20:23

Eken niạ kathań baḍaea, sonot Jiu do sanam nagrahare noa kathae baḍae ocoyediń kana je, hajotokʼ ar duk jojom hoyokʼtińạ.

Philipiko lạgitʼ Pạul apostolakʼ ciṭhi 2:30

Mạsiyakʼ kạmi lạgitʼ uni do gujukʼ dạkhile hoylena. Ar hạjir bape tahẽkante iń lạgitʼ oka bape ceka daṛeakatʼ tahẽkan ona lạgitʼ uni do acʼakʼ jiwi sudhạ emokʼ hõ rạjigeye tahẽkana.

Johan sodor 6:11

Unre onko mimitʼ hoṛ do mitʼṭecʼkate ponḍ oyon kicricʼko ematʼkoa arko metatʼkoa, onkoren são gutiko ar boehako, okoe do ako lekako gocʼ ocokʼ onkoakʼ lekha ạuri purạukʼ hạbicʼ jemon arhõ thoṛa ghạṛicʼ ńel hor akaereko tahen.

1 Bõsbudạ 11:18

Niạ katha ańjomkate onko pene birbanṭa hoṛ do Philisṭiren lạṛhại phạdko talate senkate Bethlehem reakʼ phaṭok-duạr ṭhenakʼ kuń khon dakʼ lo rakapʼkate Dạud ṭhenko idikeda. Menkhan Dạud do ona bae ńũleda; ona bodolte ona dakʼ do Probhu Isor ńutumte otreye dulkeda.

2 Korinthiko 4:12

Onate alere do morone kạmikana menkhan apere do jionge.