Aposkạmi 2:38 - সান্তালী বাইবেল

³⁸ Patrase roṛ ruạṛatʼkoa, “Kại khon mon ạcurtape ar Jisu Mạsi ńutumte bạptisokʼpe. Ar ape do dan lekate sonot Jiupe ńamea.

Santali Common Language New Testament

³⁸ Patrase roṛ ruạṛatʼkoa, “Kại khon mon ạcurtape ar Jisu Mạsi ńutumte bạptisokʼpe. Ar ape do dan lekate sonot Jiupe ńamea.

Aposkạmi 2:38 Referans Kwoze

Aposkạmi 22:16

Am do ńitokʼ cedakʼem bilomeda? Ma beredokʼte bạptis ocokʼme ar uniyakʼ ńutum dohayakʼme ar amakʼ joto kạiko ạrupʼ saphaetam.’

Mark 16:16

Ar jãhãegeye pạtiạukʼ are bạptis ocokʼ unige kại khon bańcaoe ńama; menkhan okoe bae pạtiạukʼ uni do sạjạiyokʼ lạgitʼe bicạr ocokʼa.

Aposkạmi 8:12

Menkhan Philip do tinre Isorakʼ raj ar Jisu Mạsi reaṅ bhage sombate porcarkeda unre hoṛko do uniyakʼ kathareko pạtiạuena ar herel ar maejiukoko bạptisena.

Luk 24:47

Arhõ ol menakʼa, Jerusalem khon ehopʼkate sanam jạtrenko ṭhen kại ikạkʼ lạgitʼ mon ạcur porcarokʼa.

1 Patras 3:21

Noa do hoyokʼ kana bạptisma reakʼ mitʼṭecʼ nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilại ocokʼ giḍi daṛeakʼa ona do baṅ; Isor ṭhen noa do mitʼṭecʼ bhage bibek reakʼ hohokana. Ape do Jisu Mạsiyakʼ gujukʼ ar jiwetʼ beredokʼ hotetepe bańcao ocoakana.

Aposkạmi 10:48

Unre uni do onko hoṛko Jisu Mạsi ńutumte bạptisokʼ lạgitʼe hukumatʼkoa. Ar ona tayom onko do ako ṭhen thoṛa din tahen lạgitʼ Patrasko nehõradea.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

Romiko lạgitʼ Pạul Apostolakʼ ciṭhi 6:3

Noa katha do cetʼ bape baḍaea je, abo okoe do Mạsi Jisure bon bạptis akan, abo do uniyakʼ gujukʼre seletʼkatege bon onka akada mente?

Mathae 4:17

Un khon Jisu do nonka menkate porcare ehopʼena, “Kại khon mon ạcurtape, ente serma raj do sorakana.”

Mathae 3:2

“Mon ạcurtape, ente serma raj do sorakana.”

Aposkạmi 17:30

Ente sedaeren hoṛ do bako baḍaekan tahẽkante Isor do noako secʼ bae beṅgetʼletʼa. Menkhan ńitokʼ uni do sanam jaegare joto hoṛge kại khon mon ạcur lạgitʼe hukumako kana,

Aposkạmi 20:21

Jihudi ar Junạniko ṭhen iń do jorkateń lại akada je, kại khon mon ạcurkate onko do Isor secʼ ruạṛokʼ hoyokʼtakoa ar Probhu Jisure biswạsokʼ jạruṛtakoa.

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Mathae 28:19

Onate sanam jạtren hoṛko ṭhen calakʼpe ar ińren cela hoyocokope. Ar Baba, Hopon, Sonot Jiu ńutumte bạptiskope.

Titus lạgitʼ Pạul Apostolakʼ ciṭhi 3:5

Jãhãn bhage kạmi lạgitʼ do bae bańcao akatʼ bona, menkhan dayategeye bańcaoketʼ bona. Sonot Jiu hotete nãwã janamte ar nãwã arokʼte uni do aboakʼ ontore ạrupʼ saphakeda, ar nonkateye bańcaoketʼ bona.

Mark 1:15

“Okte purạu akana, ar Isorakʼ raj do sorakana. Kại khon mon ạcurtape ar bhage sombatre pạtiạukʼpe.”

Aposkạmi 16:15

Ar noate uni ar acʼ gharońjren sanamkogeko bạptisena. Inạ tayom uni do noa menkateye neotaketʼlea, “Probhu Isorre biswạs akanpe hudisedeń khan dela ińakʼ oṛakʼre hijukʼte tahenpe.” Ar noa katha menkate acʼakʼ oṛakʼteye idiketʼlea.

Aposkạmi 8:20

Unre Patras do uniye metadea, “Amakʼ ṭaka do am sãotege nosṭokʼma, ente am dom hudisetʼkana Isorakʼ dan do ṭakate kirińokʼa.

Aposkạmi 5:31

Isor do unige raj ar babańcaoicʼ menkate acʼakʼ jojomsa aṛere duṛube lạgitʼ ṭhonoke dan akawadea, jemon Israelkoakʼ mon ạcurtako lạgitʼ ạte emakote kại reakʼ ikại emako.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Jesaea 59:21

Onko lạgitʼ ińakʼ bondobos do noage: ińren Jiu okoe do apere menae ar ińakʼ okako katha apeakʼ mocareń emakatʼ ona do ape, aperen hoponko ar onkoren hoponkoakʼ moca khon baṅ adokʼa; ona do ńit khon jaejug hạbicʼ tahẽ akae tahena. Iń Probhu Isorge noa katha doń meneda.”

Jeheskel 39:29

Onko ṭhen khon ińakʼ mẽtʼãhã do ar bạń betʼ esetʼkakʼa, ente Israelko cetanre iń do ińren Jiu iń dulea. Iń Probhu Isorge noa katha doń menetʼkana.”

Jesaea 59:20

Probhu Isore meneda, “Jakobren okoeko kại khon monko ạcur akatʼtako onkoren chaḍaoicʼ do Sionreye hijukʼa.

Mathae 3:6

Ar tinre onko do apan ạpin kạiko aṅgocketʼtakoa unre Johan do Jordan gaḍareye bạptisketʼkoa.

Luk 3:10

Unre hoṛko do Johanko kulikedea, “Enḍekhan ale do cetʼle cekaea?”

Aposkạmi 10:43

Ar sanam nạbikoge uni reaṅ noa gohako emetʼkana, unire pạtiạukʼ mitʼke mitʼ hoṛ do uniyakʼ ńutumte kại reakʼ ikạko ńama.”

Aposkạmi 13:38

Onate E ińren boehako, ape do baḍae joṅpe, Jisu hotetege ape ṭhen kại reakʼ ikạ ńam reaṅ jạhirokʼ kana.

Ephesiko lạgitʼ Pạul Apostolakʼ ciṭhi 1:7

Isorakʼ bin mucạtʼ dayate Mạsi tulucʼ bon jopoṛao akante uniyakʼ mãyãm hotete bon chaḍao ocoakana, metakʼme kại reakʼ ikạ bon ńam akada.