Aposkạmi 2:17 - সান্তালী বাইবেল

¹⁷ ‘Mucạtʼ dinkore iń do sanam hoṛko cetanre ińren Jiu iń dulea; onate aperen hopon ar hoponerako do nạbi lekate Isorakʼ kathako lạiya, ar aperen juạnko do dorsonko ńama, ar aperen murubbiko do kukmũko ńela.

Santali Common Language New Testament

¹⁷ ‘Mucạtʼ dinkore iń do sanam hoṛko cetanre ińren Jiu iń dulea; onate aperen hopon ar hoponerako do nạbi lekate Isorakʼ kathako lạiya, ar aperen juạnko do dorsonko ńama, ar aperen murubiko do kukmuko ńela.

Aposkạmi 2:17 Referans Kwoze

Jesaea 44:3

ente tetaṅokʼkan disạmre dakʼ iń dula. Ar amren hoponko cetanre ińren Jiu iń dulea ar amakʼ bõsren hoṛkoń bhorakoa.

Aposkạmi 10:45

Ar okoe Jihudi biswạsiko Patras sãoteko hecʼlen onko do be-Jihudiko cetanrehõ sonot Jiu reakʼ dan dul oḍoken ńelteko hahaṛayena.

Johan 7:39

Noa do uni Jiu reaṅe roṛkeda, one okoe acʼre pạtiạukʼte sonot Jiuko ńame. Unre sonot Jiu do bae emakan tahẽkana, ente unhạbicʼ Jisu hõ bae ṭhonok ocoakan tahẽkana.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Jeheskel 11:19

Iń do nonkan ontoriń emakoa onko do eken iń secʼge bul akanko tahena, ar iń do onko talare nãwã Jiu iń emakoa; ar onkoakʼ keṭecʼ ontor ocokʼkate norom ontoriń emakoa.

Ibriko 1:2

Menkhan sesa sisi dinkore uni do acʼren Hopon hotete abokoe galmarao akatʼbona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.

1 Korinthiko 12:28

Isor do manḍerre pạhilte apostolko, dosarte nạbiko, tesarte cecetʼkoe dohoketʼkoa. Ona tayom noko hoṛkoe bachaoketʼkoa, one okoe do hahaṛa kạmi reakʼ ektiạriko ńamakatʼ, ar okoe do ruạ boge reakʼ daṛe, ar okoe do goṛowako reakʼ daṛe, ar okoe do calao ganao reakʼ daṛe, okoe do pạrsi torjoma reakʼ daṛeko ńamakatʼ, ar onko sanamkoge cetʼ apostol kanako?

Luk 3:6

Manwako kại khon bańcaoko lạgitʼ Isor okae ceka akatʼ, ona do sanam hoṛko ńela.’ ”

Aposkạmi 21:9

Uniren do ponea kũạ̃ri kuṛiko tahẽkantaea. Ar onko doko nạbi baṛayetʼ tahẽkana.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

2 Patras 3:3

Pạhilre noa katha disạ dohokakʼpe, bhageakʼko reaṅ okoe do nisṛạu reakʼ sobhabtako onko do sesa sisi dinrehõko nisṛạugea. Onko do akoakʼ bạṛicʼ kusi sana lekako colona,

1 Korinthiko 12:10

ar adomko do judạ judạ pạrsite roṛ reakʼ daṛe se judạ judạ pạrsite torjoma reakʼ daṛe ini mitʼ Jiugeye kạmi ocoyeda.

Romiko lạgitʼ Pạul Apostolakʼ ciṭhi 5:5

Noa as do bae lajao ocobona, ente Isore emakan sonot Jiu hotete aboakʼ ontor do acʼakʼ dulạṛteye perecʼ akada.

Jeheskel 39:29

Onko ṭhen khon ińakʼ mẽtʼãhã do ar bạń betʼ esetʼkakʼa, ente Israelko cetanre iń do ińren Jiu iń dulea. Iń Probhu Isorge noa katha doń menetʼkana.”

Jesaea 66:23

Molokʼ cando ar jirạukʼmãhã piche sanam hoṛ do iń samaṅre hecʼkateko dewa sewaea.

Sakariạ 2:13

E sanam manwako, ape do Probhu Isor samaṅre hape akan tahenpe, ente uni do bicạr lạgitʼ acʼakʼ sonot ṭhạ̃i khone oḍok hijukʼkana.

Jesaea 2:2

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Kạhtukko 1:23

Ińakʼ ḍanṭaope luturakʼ khan, ińren Jiu do apereń dulkea, ar ińakʼ mon reakʼ kathań baḍae ocokepea.

Sereńko 72:6

Irakatʼ ghãs goḍare jạṛi dakʼ ńurlenre cetʼleka hoyokʼ onkage uni hõe hoyokʼma; jemon uni do hasae lohotʼ akatʼ dakʼ lekae hoyokʼ.

Johan 17:2

Am do sanam manwako cetanre ektiạriyem emakawadea, jemon okoekom emakawade onko sanamko jaejug jione emako.

Mikạ 4:1

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Jesaea 40:5

Unre Probhu Isorakʼ ṭhonokʼ sodorokʼa, ar manwa jạtren sanamko do mitʼte uniko ńela; Probhu Isorge noako katha doe meneda.”

Genesis 49:1

Tayomte Jakob do acʼren hoponko hohowatʼkoteye metatʼkoa, “Jotokoge iń ṭhen hijukʼpe. Ar tayom daram dinkore apeakʼ jionre cetʼko hoyokʼ onań lạiyapea.

Jesaea 49:26

Okoe amko santaome onkoakʼ jel do onkogeń jom ocokoa; onko do bubulakʼ leka akoakʼ mãyãmko ńũiya arko bulokʼa. Unre sanam manwako baḍaea, iń Probhu Isorge amren babańcaoicʼ ar chakʼḍaoicʼ, ar Jakobren uni daṛeanicʼ do.”

Jakob 5:3

Apeakʼ sona ar rupạre joṅ dhorao akana, ar ona joṅ dhoraoge ape upạrte gohae ema ar seṅgel leka apeakʼ jele jomtapea. Ape do sesa sisi dinkore dhon-duribpe sońj akawana.

Daniel 10:14

Ar ńitokʼ doń hecʼakana bujhạu ocome lạgitʼ darakan dinkore amren hoṛkore cetʼ hoyokʼa mente. Ente dorson do darakan dinko reakʼkangea.”

Genesis 6:12

Isor do dhạrti secʼe beṅgetʼkeda ar goṭage kharap caba akane ńelkeda, ente dhạrtiren manwakoakʼ sobhab do sea akan tahẽkana.

Sereńko 65:2

E koejoṅ ańjomicʼ, am ṭhenge sanam manwa doko hijukʼa.

Aposkạmi 11:28

Onko modren Agabus ńutuman mitʼ hoṛ doe teṅgoyente sonot Jiuakʼ ạyurteye lại lahakeda je, goṭa Rom disạmre mitʼṭecʼ maraṅ akal hoyokʼa. (Ona do Klạudius raj oktere hoylena.)

Aposkạmi 2:16

Noa do ona ghoṭna leka, one okoeyakʼ katha Joel nạbi hotete roṛlen,

Aposkạmi 2:18

Onako dinre ińren guti ar kạ̃ṛmĩko cetanre hõ ińren Jiu iń dulea, ar onko do nạbi lekate kathako roṛa.

Aposkạmi 2:33

Isorakʼ jojomsa aṛere duṛubokʼ reakʼ ṭhonok do unigeye dan akawadea are gokʼade tahẽkana sonot Jiu do Isor Baba ṭhen khongeye ńam akadea; ar ńitokʼ ape okape ńeletʼkan arpe ańjometʼkan ona do Jisugeye emakana.

Aposkạmi 11:27

Onako dinre adom nạbiko do Jerusalem khon Antiokiạteko hecʼena.