Aposkạmi 19:34 - সান্তালী বাইবেল

³⁴ Menkhan hoṛko do Aleksander Jihudi kanae menteko baḍaeketʼ khan sanamkoge mitʼ sãote bar ghonṭa ganko hohokeda, “Ephesuskoren Artemis debgeye maraṅa”

Santali Common Language New Testament

³⁴ Menkhan hoṛko do Aleksander Jihudi kanae menteko baḍaeketʼ khan sanamkoge mitʼ sãote bar ghonṭa ganko hohokeda, “Ephesuskoren Artemis debgeye maraṅa”

Aposkạmi 19:34 Referans Kwoze

Aposkạmi 19:28

Noa kathako ańjomketʼ khan onko do edreteko perecʼena ar ãṭ aṛaṅte memenko ehopʼena, “Ephesuskoren Artemis debgeye maraṅa.”

Johan sodor 13:4

Biń do uni janwar ektiạriye emade tahẽkante hoṛko do uni biń Isor lekako sewawadea ar janwar hõ onkage sewawadeteko menkeda, “Nũi janwar leka cele menakʼkoa? Ar okoe baṅ uni sãoteye lạṛhại daṛeke?”

Aposkạmi 16:20

Ona tayom disạm cakʼlaoyicʼ ṭhen idiketʼkinteko menkeda, “Nukin hoṛ do aboakʼ nagrahare gulmalkin ehopʼakada. Nukin dokin Jihudi kana.

Mathae 6:7

“Apepe koejoṅre boṅgan hoṛ jạtrenko leka ạuṛiyakʼ do alope boktaokʼa. Ente onko doko hudisa, bạ̃ṛti katha roṛle khan Isor do koejoṅe ańjomtakoa.

Romiko lạgitʼ Pạul Apostolakʼ ciṭhi 2:22

Am dom menetʼkana, “Alom laṭghaṭa,” Menkhan amge cetʼ bam laṭghaṭeda? Am ma murtikom hirkhạwako kan, menkhan amge cetʼ murtikoakʼ mundilte bolokate bam kombṛoyeda?

Aposkạmi 19:26

Menkhan ar hõpe ńeletʼkana arpe ańjometʼgea, Pạul ńutuman uni hoṛ do aboakʼ noa Ephesusre ar goṭa Asiạ Prodesren ḍher hoṛkoe biswạs ocoyetʼkote bhul horteye idiyetʼkoa. Uni doe metako kana tite benaoetʼko debota do cele hõko baṅkana.

1 Rapajko 18:26

Okoeṭakʼ ḍaṅgra onkoko hataoan uniko getʼ khanḍa khunḍikedete mońjteko tearkedea. Ona tayom onko do setakʼ khon tikin hạbicʼ Bakʼal debotako hohoadea. Ar ãṭ aṛaṅte hohoaeko ehopʼena, “E Bakʼal debota, de roṛ ruạṛaleme baṛe.” Menkhan cetʼ roṛ ruạṛge bako ńamleda. Ar onko do pinḍko beṛahaete enejokʼko ehopʼena.

Aposkạmi 19:24

Demetrius ńutuman mitʼṭen sonhar do Artemis reakʼ mundil leka huḍiń huḍiń rupạ reakʼ mundilkoe benaoetʼ tahẽkana. Ar nonkate kạrigolkoakʼ ạḍi lab hoyokʼkan tahẽkana.

Aposkạmi 19:33

Khange Jihudiko do Aleksander samaṅ secʼko ṭhelao idikede khan, cetʼe roṛa mente adom hoṛko lạiyadea. Unre Aleksander do katha roṛ lạgitʼ titeye isạrawatʼkote thirokʼ lạgitʼe kurumuṭukeda.

Aposkạmi 19:35

Ado mucạtʼre nagraharen mitʼṭen sorkari kạmiạyicʼ do hoṛkoe thir ocoketʼkoteye metatʼkoa, “E Ephesusren hoṛko, noa katha do sanam hoṛgeko baḍaea baṅma, maraṅ Artemis debakʼ mundil ar Jupiter khon uniyakʼ oka muṭhạn ńur akan onaren rukhiyạko do Ephesus nagraharenge.