Aposkạmi 18:9 - সান্তালী বাইবেল

⁹ Mitʼ din ńindạ jokhecʼ Probhu Isor do mitʼṭecʼ dorson hotete Pạul noa kathae metadea, “Alom botorokʼa, katha roṛ iditege tahenme, alom thir hapekokʼa;

Santali Common Language New Testament

⁹ Mitʼ din ńindạ jokhecʼ Probhu do mitʼṭen dorson hotete Pạul noa kathae metadea, “Alom botorokʼa, katha roroṛtege tahenme, alom thir hapekokʼa;

Aposkạmi 18:9 Referans Kwoze

Aposkạmi 23:11

Dosar hilokʼ ńindạ Probhu Isor do Pạul ṭhen teṅgoyenteye metadea, “Dil joṅme, Jerusalemre cetʼleka iń reaṅ goham emakatʼ onkage Romre hõ ińakʼ goha emokʼ hoyokʼtama.”

Aposkạmi 16:9

Ar Pạul do ńindạ mitʼṭecʼ dorsone ńelkeda, Makedoniạ disạmren mitʼṭen hoṛ do teṅgokate nehõr salakʼe meneda, “Makedoniạte parom hijukʼte dela goṛowaleme.”

1 Thessalonikikko 2:2

Ar noa katha hõpe baḍaegea, noa lahare ale do Philipi nagraharele khed ocolena ar bemanot hõle bemanot ocolena. Menkhan noa tạkicʼakʼko tahẽkanre hõ aboren Isor ṭhen khon dil ńamkate uniyakʼ bhage sombat reakʼ katha ale do khulạsategele lạiyatʼpe tahẽkana.

Mikạ 3:8

Menkhan Jakob do acʼakʼ behokakʼ reakʼ, ar Israel do acʼakʼ kại reaṅ baḍae ocoye lạgitʼ Probhu Isorren Jiu reakʼ daṛete, ar dhorom reakʼ bicạrre dilteń perecʼ akana.

Jirimiạ 1:17

“Am do ḍanḍa paṭhe keṭejokʼte teṅgokʼme ar okaṭakʼ roroṛ iń metam onko ṭhen ona lạime. Ar onko ńelte do alom torasokʼa, jemon onko samaṅre aloń toras ocome.

Jona 3:2

Uni doe menkeda, “Am do ńitokʼ ona maraṅ nagraha Niniwite calakʼme ar oka sombatiń lạiyam onḍe senkate ona lại jạhirme.”

Jesaea 58:1

Probhu Isore meneda, “Kajakte hohoeme, amakʼ goṭa daṛete hohoeme; sakwa saḍe leka ãṭ aṛaṅte hohoeme. Ińren hoṛko ṭhen onkoakʼ bedhorom reakʼ katha ar Jakobren bõsko ṭhen onkoakʼ ghạṭ akatʼ reakʼ katha baḍae ocokom.

Aposkạmi 22:18

Probhu Isor do iń sãote galmarao kaniń ńelkedea. Uni doe metadińạ, ‘usạragodme ar ńitge Jerusalem khon oḍok calakʼme, ente iń reaṅ amakʼ goha do bako aṅgoca.’

Aposkạmi 9:10

Damesek nagrahare Ananiạs ńutuman mitʼṭen celae tahẽkana. Probhu Isor do dorsonte uniye metadea, “Ananiạs.” Adoe menkeda, “Hẽ, Probhu Isor, nõkʼõe minạńgea.”

Aposkạmi 18:10

ente iń do am sãote minạńa. Amre jhãp emkate okoe hõ ohoko hạnlema, ente noa nagrahare ạḍi utạr hoṛ menakʼkotińa.”

1 Korinthiko 9:1

Iń do cetʼ sạdhin doń baṅkana? Iń do cetʼ apostol doń baṅkana? Aboren Probhu Jisu do cetʼ bạń ńelakadea? Probhu Isor lạgitʼ okaṭakʼ iń kạmi akatʼ ona reakʼ jo do cetʼ ape dope baṅkana?

Rak̕joṅ 3:57

Amiń hohoatʼme tahẽkanre am do sorregem ńamena, Arem metadińạ, “Alom botorokʼa. ”