Aposkạmi 18:8 - সান্তালী বাইবেল

⁸ Sunạgogren mukhiyạ Krispus ar acʼ gharońjren sanamko do Probhu Isorreko pạtiạuena. Ona chaḍa Korinthiko modren ḍher hoṛge Pạulakʼ katha ańjomkateko pạtiạuena arko bạptisena.

Santali Common Language New Testament

⁸ Sunạgogren mukhiyạ Krispus ar acʼ gharońjren sanamkoge Probhureko pạtiạuena. Ona chaḍa Korinthiko modren ḍherkoge Pạulakʼ katha ańjomkateko pạtiạuena ar bạptismako ataṅkeda.

Aposkạmi 18:8 Referans Kwoze

Aposkạmi 11:14

Ar uni okako kathae lạiyam, ona kathatege am ar am gharońjren sanam hoṛ kại khon bańcaope ńama.’

Aposkạmi 8:12

Menkhan Philip do tinre Isorakʼ raj ar Jisu Mạsi reaṅ bhage sombate porcarkeda unre hoṛko do uniyakʼ kathareko pạtiạuena ar herel ar maejiukoko bạptisena.

Aposkạmi 18:17

Unre Jihudiko do sunạgogren mukhiyạ Sosthenesko sapʼkedete adalot samaṅregeko dalkedea; menkhan Gallio do cetʼge bae mẽtʼ luturada.

Aposkạmi 16:34

Ona tayom uni do acʼakʼ oṛakʼte Pạul ar Silạse idiketʼkinte unkine jom-ńũ ocoketʼkinạ. Ar acʼ gharońjrenko do Isorreko biswạsente ạḍitetʼko rạskạyena.

Aposkạmi 13:15

Ado sonot sostor reakʼ ạn-ạri ar nạbikoakʼ puthi khon paṛhao sạten khan sunạgogren mukhiyạko do onkoko metatʼkoa, “E boehako, jãhãn sikhạuna katha menakʼtape khan ma roṛpe.”

Aposkạmi 10:2

Uni do Jihudi hoṛe baṅkanre hõ Isor bhokti hoṛe tahẽkana ar acʼ gharońjren sanamkoge Isorko sewawae kan tahẽkana. Uni do reṅgecʼ orecʼko ṭaka-poesakoe dan akokan tahẽkana ar Isor ṭhen jaogeye koejoṅkan tahẽkana.

Mark 5:35

Jisui roroṛkan tahẽkanrege sunạgogren mukhiyạ hoṛakʼ oṛakʼ khon thoṛa hoṛ do hecʼkate Jaerusko metadea, “Amren kuṛi doe gocʼena; Guru do ar alom haronea.”

Mark 5:22

Unre Jihudikoakʼ sunạgogren Jaerus ńutuman mitʼṭen mukhiyạ hoṛ do onḍeye hecʼena ar Jisui ńelkede khan uniyakʼ jaṅgareye giḍiyena.

Mathae 28:19

Onate sanam jạtren hoṛko ṭhen calakʼpe ar ińren cela hoyocokope. Ar Baba, Hopon, Sonot Jiu ńutumte bạptiskope.

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

Genesis 17:27

Ona sãote oṛakʼren eṭakʼ sanam herel hoponko, metakʼme, okoe do uniyakʼ oṛakʼreko janamlen ar bedisiạ ṭhen khonko kiriń ocolen onko jotogeko khatna ocoyena.

Aposkạmi 18:1

Niạ tayom Pạul do Athens khone oḍok senente Korinth nagrahateye calaoena.

Aposkạmi 19:1

Apollos Korinthreye tahẽkanre Pạul do Asiạ Prodes talate Ephesusteye hecʼena. Onḍe adom celakoe ńapamketʼkote onkoe kuliketʼkoa, “Probhu Jisurepe pạtiạulenre cetʼ sonot Jiupe ńamledea?” Metadeako, “Sonot Jiu je menae ona reakʼ katha do bale ańjomakada.”

2 Korinthiko 1:1

Iń Pạul do Isorakʼ monejoṅ lekage Mạsi Jisuren mitʼṭen apostoliń hoyakana. Iń do aboren boeha Timothi ar Korinthi nagraha reakʼ Isorakʼ manḍer ar Akhaea Prodesre menakʼko Isorren sanam hoṛko ṭhen noa ciṭhiń oletʼkana.

2 Korinthiko 1:23

Iń do Isorge apnar jiwite goha menteń ńumekana, sạjại khon bańcaope lạgitʼge iń do Korinthite bạń sen ruạṛ akana.

2 Korinthiko 6:11

E Korinthiren biswạsiko, ale do khulạsategele roṛ akada ar ape ṭhen aleakʼ ontor do purạtele khulạu akada.

2Timothi 4:20

Erastus do Korinthreye tahẽyena, menkhan Trophimus do Miletusre ruạkʼgeń bạgi oṭoadea.