Aposkạmi 18:26 - সান্তালী বাইবেল

²⁶ Uni do ạḍi dil salakʼ sunạgogre katha roroṛe ehopʼena. Unre Priskilla ar Akuilạ do Apollosakʼ kathakin ańjomketʼ khan ạkinakʼ oṛakʼtekin neotakedea ar Isorakʼ horko reaṅ arhõ mońjtekin bujhạuadea.

Santali Common Language New Testament

²⁶ Uni do ạḍi dil salakʼ sunạgogre katha roroṛe ehopʼena. Unre Priskilla ar Akuilạ do Apollosakʼ kathakin ańjomketʼ khan ạkinakʼ oṛakʼtekin neota kedea ar Isorakʼ hor reakʼakʼko reaṅ arhõ mońjtekin bujhạuadea.

Aposkạmi 18:26 Referans Kwoze

Ibriko 6:1

Noa iạte etohopʼre Mạsi reaṅ oka cecetʼakʼ bon ńamakatʼ, ona bon parom idite sạbitokʼ secʼ bon laha idikʼma. Bin joanakʼ kạmiko khon mon ạcurkate, Isorre pạtiạukʼte,

1 Korinthiko 12:21

Mẽtʼ do ti ohoe men daṛelea, “Amakʼ do jạruṛ bạnukʼtińạ,” Bohokʼ hõ jaṅga ohoe men daṛelekina, “Abenakʼ do jạruṛ bạnukʼtińạ.”

Aposkạmi 18:25

Uni do Probhu Isorakʼ hor reaṅ sikhnạte ńam akatʼ tahẽkana. Ar ạḍi mon lagaokate kathae roṛetʼ tahẽkana ar Jisu reaṅ ṭhiktegeye cetʼako kan tahẽkana, menkhan Johanakʼ bạptisma chaḍa ar eṭakʼ bạptisma reakʼ katha uni do bae baḍaekan tahẽkana.

Aposkạmi 14:3

Pạul ar Barnabas do ona nagrahare thoṛa dinkin tahẽyena ar dil salakʼ Probhu Isorakʼ kathakin galmaraoatʼkoa. Ar Probhu Isorakʼ daya reaṅ okakin porcaretʼ tahẽkan ona katha sạrikana mente sạbud lạgitʼ Probhu Isor do Pạul ar Barnabas hotete cinhạko ar hahaṛawakʼkoe hoyocokeda.

2 Patras 3:18

Ape do aboren Probhu Isor ar babańcaoicʼ Jisu Mạsiyakʼ daya ar uni reaṅ akelte hara rakabokʼpe. Ńit ar jaejug hạbicʼ uniyakʼge ṭhonok hoyokʼtae ma. Amen.

1 Korinthiko 3:18

Okoe hõ apnarte aloe bulạukʼ ma. Ape modren jãhãe niạ jugren akelanicʼ menteye hudisokʼkan khan, enḍekhan uni do lelhayicʼ lekae hoyokʼma, jemon sạri akelanicʼe hoydaṛeakʼ,

Aposkạmi 28:23

Onko do Pạul são ńapamokʼ lạgitʼ mitʼṭecʼ dinko goṭakeda. Ar Pạul okareye tahẽkan onḍe do onko chaḍa arhõ aema hoṛko hecʼena. Unre Pạul do setakʼ khon ạyupʼ hạbicʼ Isorakʼ raj reaṅe galmaraoatʼkoa are bujhạuatʼkoa. Uni do Moseyakʼ ạn-ạri ar nạbikoakʼ puthi khon hõ Jisu reaṅe bujhạu akokan tahẽkana.

Aposkạmi 8:31

Uni kạmiạyicʼe menkeda, “Jãhãe bae bujhạuạń khan cekateń bujhạu daṛekea?” Uni do Philipe nehõradea jemone dejokʼte acʼ ṭhene duṛupʼ.

Johan 7:17

Jãhãe uniyakʼ sanaleka senokʼe menjoṅ khan enḍekhane bujhạu daṛeakʼa noa cecetʼakʼ do Isor secʼ khonakʼ kana se iń nij khoniń roṛeda.

Luk 24:27

Inạ tayom uni do Moseyakʼ ar joto nạbikoakʼ olakʼ khon ehopʼkate sanam sonot sostorre acʼ reaṅ okako olakan ona jotoe bujhạuatʼkinạ.

Luk 19:26

Raje menkeda, ‘ińiń metapekana, okoeyakʼ menakʼtae uni do arhõe em ocokʼa, menkhan okoeyakʼ bạnukʼtae uni do oka menakʼtae ona hõe recʼocokʼa.

Mark 10:15

Sạrigeń metapekana, okoe kạticʼ gidrạko leka Isorakʼ raj bae ataṅ, uni do okalekate hõ, Isorakʼ rajre bae bolo daṛeakʼa.”

Jesaea 58:1

Probhu Isore meneda, “Kajakte hohoeme, amakʼ goṭa daṛete hohoeme; sakwa saḍe leka ãṭ aṛaṅte hohoeme. Ińren hoṛko ṭhen onkoakʼ bedhorom reakʼ katha ar Jakobren bõsko ṭhen onkoakʼ ghạṭ akatʼ reakʼ katha baḍae ocokom.

Kạhtukko 25:12

Sona reakʼ pagra se bhage sona reakʼ abhran cetʼleka, onka kangea ạkilan hoṛkoakʼ nisṛạu katha do.

Kạhtukko 9:9

Ạkilan hoṛ solha emaeme, inạkhan arhõ ạkilanicʼe hoyokʼa; Isor botorae hoṛ cetʼaeme, uni do arhõ cecetʼakʼe hameṭjoṅa.

Kạhtukko 1:5

Ạkilan hoṛ do noa sopolhako ańjomma arko cetʼjoṅ ma. Ar budanko do ańjomkate calakʼ horreko gạkhuṛokʼma.

1 Korinthiko 8:2

Jãhãe jãhãnakʼe baḍaea menteye menjoṅkan khan, uni do cetʼleka baḍae jạruṛ tahẽkantae onka do ńit hõ bae baḍae akada.

Aposkạmi 18:18

Pạul do ḍher din Korinthreye khemaoketʼ khan biswạsi boehako ṭhen khon bidạye hataokeda ar Akuilạ ar Priskillạ sãote jahajte Siriạ disạme hecʼena. Pạul do mitʼṭecʼe goṭa dohoakatʼ tahẽkante mohnḍakʼ lahare Kenkhreare uni doe hoyo munḍrạyena.

Aposkạmi 19:8

Inạ tayom Pạul do sunạgogkoteye boloyena ar pe cando hạbicʼ dil salakʼ kathakoe galmaraoatʼkoa. Uni do Isorakʼ raj reaṅakʼko khode khod galmaraoatʼkote biswạs janam ocoytako lạgitʼe kurumuṭukeda.