Aposkạmi 18:25 - সান্তালী বাইবেল

²⁵ Uni do Probhu Isorakʼ hor reaṅ sikhnạte ńam akatʼ tahẽkana. Ar ạḍi mon lagaokate kathae roṛetʼ tahẽkana ar Jisu reaṅ ṭhiktegeye cetʼako kan tahẽkana, menkhan Johanakʼ bạptisma chaḍa ar eṭakʼ bạptisma reakʼ katha uni do bae baḍaekan tahẽkana.

Santali Common Language New Testament

²⁵ Uni do Probhuakʼ hor reaṅ sikhnạte ńamakatʼ tahẽkana. Ar ạḍi mon lagaokate kathae roṛetʼ tahẽkana ar Jisu reaṅ ṭhiktegeye cetʼakokan tahẽkana, menkhan Johanakʼ bạptisma chaḍa ar eṭakʼ bạptisma reakʼ katha uni do bae baḍaekan tahẽkana.

Aposkạmi 18:25 Referans Kwoze

Aposkạmi 19:3

Unre Pạule metatʼkoa, “Enḍekhan okaṭakʼ bạptismape ńamleda?” Adoko metadea, “Johanakʼ bạptismage.”

Romiko lạgitʼ Pạul Apostolakʼ ciṭhi 12:11

Probhu Isor secʼ jao ghuṛi apeakʼ mon ahkaokʼtape ma. Apeakʼ ontor do bhoktite perecʼ tahen ma. Ar Probhu Isorakʼ kạmire lạgiyạ paṛao akan tahenpe.

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

Aposkạmi 19:23

Ona jokhecʼ Jisuakʼ hortetʼ babotre ạḍi gulmal ehopʼena.

Aposkạmi 19:9

Menkhan onko modren adomkoakʼ mon do goṛdhoge tahẽkante bako pạtiạulena ar sanamko samaṅre Jisuakʼ hor reaṅ ạḍi leka opomanko ehopʼena. Unre Pạul do onko bạgiyatʼkoteye calaoena. Uni do celakoe soṅgeketʼkote Turanus ńutuman mitʼṭecʼ iskulre senkate dinạm hilokʼe lại bujhạuako kan tahẽkana.

Mark 12:14

Onko do Jisu ṭhen hecʼkateko menkeda, “E Guru, alele baḍaea, mitʼṭen sạri hoṛ kanam. Ar hoṛ cetʼko hudisme ar bako hudisme, ona do bam moneyakʼ kana, ente am do okoeyakʼ mẽtʼãhã hõ bam beṅgetʼakʼ kana. Ar sạri sạrige Isorakʼ hor reaṅem cetʼako kana. Ado lạiyaleme, Moseyakʼ ạn lekate Romren maharaj khajna emae do ganokʼa se baṅa?

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.

2Timothi 2:4

Lạṛhại senkate okoe hõ gharońj reakʼ do bako dạndikʼa, jemon sipạhi lekate okoeye bhurtikede uniye kusi ocoye.

Aposkạmi 16:17

Uni kạ̃ṛmĩ do Pạul ar ale tayom tayomte hijukʼte hohowateye menetʼ tahẽkana, “Nukin hoṛ do maraṅ Isorren guti kanakin. Ar cetʼlekate kại khon bańcao ńamokʼa onagekin lạiyape kana.”

Aposkạmi 13:10

“Am do Soetanren hopon ar joto bhageakʼren bạiri kanam. Amre do joto lekan phạsiara ar bedhoromge menakʼa. Probhu Isorakʼ sojhe horko konḍeae do cetʼ bam bạgiya?

Luk 7:29

Arko ańjomketʼ sanam hoṛko ar mạsul uṭhạuko do Johanakʼ porcarte Isor do dhorom menteko aṅgockedete bạptismako ataṅkeda.

Mark 1:3

Hahaṅkarre mitʼṭen hohokạnicʼ reaṅ aṛaṅ, Probhu Isorakʼ hor tearkataepe, Uniyakʼ suṛucʼ horko sojhe kataepe.

Jirimiạ 6:16

Probhu Isor do acʼren hoṛko nonkae metakokana, “Dobạṭiạkore teṅgokate ńelpe ar sedae jug reakʼ suṛucʼ horko kulijoṅpe; bhage hor do okare menakʼa mente ar ona horte calakʼpe. Onate ape do apan ạpin jiwi lạgitʼ jirạupe ńama. Menkhan apepe meneda, ‘ale do ona horte bale taṛama.’

Jesaea 40:3

Mitʼṭecʼ ãṛaṅ doe hohokana “Hahaṅkarre Probhu Isor reakʼ hor tearkataepe; khaṅkarre aboren Isor lạgitʼ mitʼṭecʼ ḍahar mitʼsãope.

Sereńko 119:1

Bhạgangeako onko do, okoe sạbitko colonetʼkan ar Probhu Isorakʼ hukum lekako calakʼkan.

1 Samuel 12:23

Iń do ape lạgitʼ koejoṅ tishõ aloń thirokʼte Probhu Isor upạrte aloń kại. Iń do dhorom ar sạriyakʼ reakʼ horte calakʼ reakʼiń cetʼapea.

Bikʼcạrko 2:22

Ar akoren hapṛamko leka ińakʼ horteko calakʼa se baṅa ona do noko jạtrenko hoteteń biḍạukoa.”

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

Sereńko 67:2

jemon dhạrtiren sanamko amakʼ horko baḍae daṛeakʼ ar sanam jạtrenko am emakʼ bańcao ńamkate ona do kạmireko lagao daṛeakʼ.

Luk 1:4

Onate am okaṭakʼem ańjomakatʼ ona sạrikana se baṅa, onam baḍae daṛeakʼa.

Aposkạmi 18:26

Uni do ạḍi dil salakʼ sunạgogre katha roroṛe ehopʼena. Unre Priskilla ar Akuilạ do Apollosakʼ kathakin ańjomketʼ khan ạkinakʼ oṛakʼtekin neotakedea ar Isorakʼ horko reaṅ arhõ mońjtekin bujhạuadea.