Aposkạmi 18:22 - সান্তালী বাইবেল

²² Ado Kạisạriạ nagrahateye seṭeren khan jahaj khon pheḍkate uni do Jerusalemteye calaoena. Ar onḍe manḍerren hoṛkoe joharatʼko tayom uni do Antiokiạteye senena.

Santali Common Language New Testament

²² Ado Kạisạriạ nagrahateye seṭeren khan jahaj khon pheḍekate uni do Jerusalemteye calaoena. Ar onḍe manḍerren hoṛkoe joharatʼko tayom uni do Antiokiạteye senena.

Aposkạmi 18:22 Referans Kwoze

Aposkạmi 8:40

Menkhan Philip do Asdod nagrahareye ńelena. Ar uni do ato ato bhage sombat porcar porcarte mucạtʼre Kạisạriạteye calaoena.

Aposkạmi 25:9

Khan Phestus do Jihudiko kusi ocoko lạgitʼ Pạule metadea, “Noako dos reakʼ Jerusalemre jemoniń bicạr daṛeakʼ ona lạgitʼ cetʼ onḍe calakʼem khaṛagea?”

Aposkạmi 25:1

Ado Phestus ona ṭoṭhareye hecʼen khan pe din tayom Kạisạriạ khon Jerusalemteye rakapʼ calaoena.

Aposkạmi 23:23

Maraṅ subeder do acʼren barea subedar hohowatʼkinteye metatʼkinạ, “Bar sae palṭon, eaegel aswariko ar barsae borlom palṭonko teheń ńindạ are baja okte Kạisạriạte calakʼ lạgitʼ ben sapṛao dohokoa.

Aposkạmi 15:35

Menkhan Pạul ar Barnabas do Antiokiạrege kin tahẽyena. Onḍe unkin do arhõ ḍher hoṛko ṭhen Probhu Isorakʼ katha cetʼako ar porcar kin dhurạuena.

Aposkạmi 15:30

Ado Pạul, Barnabas ar unkin hoṛko kolketʼkin khan onko do Antiokiạteko calaoena. Onḍe onko do manḍerren hoṛko mitʼ ṭhenko jarwaketʼkote ona ciṭhiko ematʼkoa.

Aposkạmi 15:23

Ado onko hotete noa ciṭhiko kolkeda: Antiokiạ, Siriạ ar Kilikiạren biswạs akan boṅgan hoṛ jạtren boehako ṭhen ale apostolko ar manḍerren murubbiko, metakʼme aperen boehako do noa ciṭhile olape kana. Apeakʼ suluk hoyokʼma.

Aposkạmi 15:4

Pạul ar Barnabas Jerusalemtekin hecʼen khan manḍerren hoṛko, mukhiyạko ar apostolko do ạḍi rạskạ salakʼko ataṅ daramketʼkinạ. Ar unkin hotete Isor okakoe cekaletʼ tahẽkan ona sanamakʼkin lạiyatʼkoa.

Aposkạmi 14:26

Ar Attaliạ khon jahajte Siriạ disạm reakʼ Antiokiạte kin ruạṛ hecʼena. Ar oka kạmi ńitkin mucạtʼketʼ ona kạmi lạgitʼge noa Antiokiạ khonge Isorakʼ dayarekin jimạ ocolena.

Aposkạmi 13:1

Antiokiạ manḍerre do thoṛa nạbi ar cecetʼkoko tahẽkana. Onkoakʼ ńutum do Barnabas, Nigerko metaekan Simeon, Kurene nagraharen Lukius, disạm cakʼlaoyicʼ Herod sãoteye ạsul haralen Manaen ar Sạul.

Aposkạmi 11:11

“Ar ona são sãote okaṭakʼ oṛakʼreń tahẽkan ona oṛakʼre pe hoṛ do hecʼkateko teṅgoyena. Onko do Kạisạriạ khonko kol ocoakan tahẽkana.

Aposkạmi 10:24

Ar tesar hilokʼ do Kạisạriateko seṭerena. Unre Kornelius do acʼren peṛa ar gateko hoho jarwakate onko lạgitʼe koyokʼ horakatʼ tahẽkana.

Aposkạmi 10:1

Kạisạriạ nagrahare Kornelius ńutuman mitʼṭen hoṛ do Itạliạ Palṭon dolren subedare tahẽkana.