Aposkạmi 18:21 - সান্তালী বাইবেল

²¹ Menkhan onḍe khon calakʼ jokhecʼ uni doe metatʼkoa, “Isorakʼ sana hoylen khan iń do arhõń ruạṛ hijukʼa.” Ar ona tayom uni do Ephesus khon jahajteye mohnḍayena.

Santali Common Language New Testament

²¹ Menkhan onḍe khon calakʼ jokhecʼ uni doe metatʼkoa, “Isorakʼ sana hoelen khan iń do arhõń ruạṛ hijukʼa.” Ar ona tayom uni do Ephesus khon jahajteye mohnḍayena.

Aposkạmi 18:21 Referans Kwoze

1 Korinthiko 4:19

Menkhan Probhu Isorakʼ sana hoylen khan ạḍi usạrage ape ṭheniń hijukʼa, ar onko phulạu akankoakʼ katha do baṅ, menkhan onkoakʼ daṛe hõ ńel lạgitʼgeń hijukʼa.

Jakob 4:15

Ona khon bickom apeakʼ do noa katha roṛ lek kana, “Probhu Isore menle khan ale do jiwetʼle tahena ar noa se hanale kạmiya.”

Ibriko 6:3

Menkhan Isore aṛakʼabo khan bon sạbit utạrokʼa;

Romiko lạgitʼ Pạul Apostolakʼ ciṭhi 15:32

Unre Isorakʼ sanaleka iń do kusi monte ape ṭheniń calao daṛeakʼa ar ape sãote tahẽkate jiwiń ṭanḍhaetińa.

Romiko lạgitʼ Pạul Apostolakʼ ciṭhi 1:10

Ińakʼ koejoṅ do noage, jãhã lekate Isorakʼ sanate jemon ape ṭheniń sen daṛeakʼ.

Aposkạmi 20:16

Asiạ Prodesre Pạul jemon aloe bilomokʼ onate uni do Ephesusre teṅgo baṅkate ona aṛete parom calakʼe goṭa akatʼ tahẽkana. Uni do Jerusalemte seṭerokʼ lạgitʼe usạrayetʼ tahẽkana jemon hoedaṛeakʼ khan penṭekosṭ hilokʼ do onḍeye tahẽdaṛeakʼ.

1 Patras 3:17

Bạṛicʼakʼ kạmikate kosṭo ńam khon bickom Isorakʼ sanate bhageakʼ kạmikate kosṭo ńamge bhagea.

2 Korinthiko 13:11

E boehako, jotowakʼko sudhrạupe ar sạbitokʼpe. Ińakʼ katha luturakʼpe, ar mitʼ monokʼpe, ar sulukte tahenpe. Enḍekhan dulạṛren ar sulukren Isor do ape tulucʼe tahena.

1 Korinthiko 16:7

Parom calakʼ horre ape tulucʼ ńapamokʼ do bạń menjoṅ kana; enteń asokʼ kana, Probhu Isore aṛakʼạń khan ape tulucʼ ḍher diniń tahena.

Aposkạmi 21:14

Ado bae rebenlente ale dole thir hapeyena ar tayomtele menkeda, “Probhu Isorakʼ sana lekage baṛe hoyokʼma.”

Aposkạmi 19:21

Ado noako hoy baṛayen khan Pạul do Makedoniạ ar Akhaea secʼte Jerusalemte calakʼ reakʼe goṭawana. Uni doe menkeda, “Jerusalemte calao tayom iń do Rom nagrahate hõ calakʼ hoyokʼtińạ.

Aposkạmi 15:29

Ona jạruṛokʼakʼko reaṅ do hoyokʼ kana: Boṅga ṭhen samaṅakʼ jãhãnakʼge alope joma, mãyãm hõ alope ńũiya, ar limbạtʼ gocʼkoakʼ jel hõ alope joma, ar sanam lekan loṭghuṭi khon sahaṛ akae tahenpe. Ar noako khon sạṅgińrepe tahen khan bhage hoyokʼtapea. Ma napaete tahen tabonpe.”

Luk 9:61

Ado arhõ eṭakʼ mitʼ hoṛe menkeda, “E Guru, iń do am sãoteń calakʼgea, menkhan iń oṛakʼrenko ṭhen bidạ hatao maṛaṅ ocowạńme.

Mathae 26:39

Khan laha ńokʼ senkate uni doe taberena ar koeketʼteye menkeda, “E Baba, hoedaṛeakʼ khan noa duk reakʼ bạṭi do iń khon pharakokʼma. Enhõ ińiń menjoṅkan leka do baṅ, bickom amakʼ sana lekage baṛe hoyokʼma.”

Dosar Biboron 16:1

“Abib candore ape do aperen Probhu Isor ńutumte bańcaokʼ porobpe porobokʼa. Niạ Abib candorege uni do ńindạ jokhecʼ Misor disạm khon apeye oḍok ạguletʼpea.

Mark 6:46

Ar gadel hoṛkoe bidạ baṛaketʼko khan koejoṅ lạgitʼ buruteye rakapʼena.

Aposkạmi 18:19

Ar Ephesus nagrahae seṭeren khan Priskillạ ar Akuilạ doe bạgiyatʼkinạ. Ar sunạgogre bolokate Jihudiko sãote acʼge Jisu reaṅ galmaraoakoe ehopʼena.

Aposkạmi 18:20

Unre Jihudiko ako sãote thoṛa din tahen lạgitʼko nehõradea, menkhan uni do tahen bae rebenlena.

Aposkạmi 18:24

Onako dinre Apollos ńutuman mitʼṭen Jihudi do Ephesusteye hecʼena. Uniyakʼ oṛakʼ do Aleksandriạ nagrahare tahẽkana. Uni do katha roroṛre mitʼṭen gạkhuṛ hoṛe tahẽkana ar sonot sostor hõ bes okocʼteye baḍaekan tahẽkana.

Aposkạmi 19:1

Apollos Korinthreye tahẽkanre Pạul do Asiạ Prodes talate Ephesusteye hecʼena. Onḍe adom celakoe ńapamketʼkote onkoe kuliketʼkoa, “Probhu Jisurepe pạtiạulenre cetʼ sonot Jiupe ńamledea?” Metadeako, “Sonot Jiu je menae ona reakʼ katha do bale ańjomakada.”

Aposkạmi 19:17

Ado noa khobor Ephesusre girobas akan Jihudi ar Junạnikoko baḍaeketʼ khan sanamkoge ạḍiko botorena ar Probhu Jisuakʼ ńutum do maraṅentaea.

Aposkạmi 21:29

Onko do noa iạtegeko menkeda, ente noa lahare Ephesusren Trophimus hõ Pạul sãote nagrahareko ńelledea. Onateko hudiskeda, Pạul do Trophimus hõ mundilteye ạguakadea.

1 Korinthiko 15:32

Ephesusre bir janwarko tulucʼ okań lạṛhạilen, ona jodi manwako lekań onka lekhan enḍekhan cetʼ porho hoyokʼtińạ? Ar gocʼko bako jiwetʼ beredokʼ khan enḍekhan, “delabon jom ńũite okteko bon khemaoma; ente gapa dobon gujukʼa.”

1 Korinthiko 16:8

Menkhan pentekosṭ hạbicʼ iń do Ephesusregeń tahena,

Ephesiko lạgitʼ Pạul Apostolakʼ ciṭhi 1:1

Iń Pạul do Isorakʼ sanate Mạsi Jisuren mitʼṭen apostoliń hoyakana. Ephesus nagrahare okoe doko Isorren hoṛkan ar okoe do Jisu Mạsireko pạtiạu akan onko ṭhen noa ciṭhiń oletʼkana.

Johan sodor 1:11

Uni doe metadińạ, “Okaṭakʼem ńel ona do mitʼṭecʼ puthire olme, ar Ephesus, Smurnạ, Pergamom, Thuạtirạ, Sạrdis, Philạdelphiạ, ar Laodhar, noa eae goṭecʼ nagraha reakʼ eae goṭecʼ manḍerko ṭhen kolme.”

Johan sodor 2:1

“Ephesus nagraha reakʼ manḍerren goḍet ṭhen noa katha do olme: “Okoe acʼakʼ jojomtire eae goṭecʼ ipil sapʼkate sona reakʼ eae goṭecʼ diuhe dohowakʼ talareye dãṛãbaṛae kan uni do noae meneda.