Aposkạmi 17:27 - সান্তালী বাইবেল

²⁷ Isor do noae kạmikeda jemon manwako ṭamḍạuate uniko ńam baṛaye. Menkhan sạrige abo khon sạṅgińre do bạnugicʼan,

Santali Common Language New Testament

²⁷ Isor do noae kạmikeda jemon manwako ṭamḍạuate uniko ńam baṛaye. Menkhan sạrige abo khon sạṅgińre do bạnuia,

Aposkạmi 17:27 Referans Kwoze

Dosar Biboron 4:7

Nonkan ar okoe maraṅ jạtren menakʼkoa one onkoren Isor do ako ṭhenko tahenkan, cetʼleka aboren Probhu Isor bon hohowaere sorreye ńamokʼkan?

Aposkạmi 14:17

menkhan enhõ uni do jao okte acʼ reaṅ gohae emakada. Ente uni do serma khon dakʼe emokʼkana ar okte nạpitre phosole dan abonkante dayae udukʼape kana. Uni do asambheṛ jomakʼe dan apekante apeakʼ mon do rạskạteye perecʼetʼtapea.”

Romiko lạgitʼ Pạul Apostolakʼ ciṭhi 1:20

Isorakʼ oka gun mẽtʼte baṅ ńelokʼkan, metakʼme uniyakʼ jaejug reakʼ daṛe ar uniyakʼ Isortetʼ do sirjon reakʼ etohopʼ khonge pusṭạute sodorgea. Uniyakʼ sirjon khonge manwa do bes okocʼte onako ńel oromeda arko bujhạu daṛeakʼkana. Niạ tayom manwakoakʼ ar jãhãn ạnḍuṅteakʼ do oho tahẽlena.

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

Aposkạmi 15:17

Jemon eṭakʼ sanam hoṛko, metakʼme boṅgan hoṛ jạtrenko okoe do ińren menteko hoho ocokʼkan onko jemonko sendrayiń. Probhu Isor, okoe do noakoe kạmikan, unige noa katha doe menakada.’

1 Rapajko 8:27

“Menkhan Isor do cetʼ sạrige dhạrtiren manwako sãoteye girobasokʼa? Sermare, se coṭ serma reakʼ sanam jaegare hõ amakʼ okulạn hoyokʼkan khan ińakʼ benaoakʼ niạ oṛakʼre amakʼ jaega do cetʼ hoyokʼtama?