Aposkạmi 17:24 - সান্তালী বাইবেল

²⁴ “Isor, one uni dhạrti ar onare menakʼ jotowakʼe benao akatʼ, unige serma ar dhạrtiren Probhu Isor kanae. Uni do tite benaoakʼ okaṭakʼ mundilre hõ bae tahenkana.

Santali Common Language New Testament

²⁴ “Isor, one uni dhạrti ar onare menakʼ jotowakʼe benao akatʼ, unige serma ar dhạrtiren Probhu kanae. Uni do tite benaoakʼ okaṭakʼ mundilre hõ bae tahenkana.

Aposkạmi 17:24 Referans Kwoze

1 Rapajko 8:27

“Menkhan Isor do cetʼ sạrige dhạrtiren manwako sãoteye girobasokʼa? Sermare, se coṭ serma reakʼ sanam jaegare hõ amakʼ okulạn hoyokʼkan khan ińakʼ benaoakʼ niạ oṛakʼre amakʼ jaega do cetʼ hoyokʼtama?

Dosar Biboron 10:14

“Serma ar ona cetan reakʼ sanamakʼko ar ot ar ona reakʼ sanamakʼko jotoge aperen Probhu Isorakʼ kana.

Aposkạmi 7:48

“Menkhan maraṅ Isor do manwakoakʼ benaoakʼ oṛakʼre bae tahenkana. Nạbiye menetʼ leka,

Jesaea 66:1

Probhu Isore meneda, “Serma do ińakʼ siṅghạson kana ar ot do ińakʼ jaṅga lebedokʼakʼ ganḍo kana. Iń lạgitʼ oṛakʼ do okarepe benaoa? Ińakʼ koejoṅ reakʼ ṭhạ̃i do okare hoyokʼa?

2 Bõsbudạ 6:18

“Menkhan Isor do cetʼ sạrige dhạrtiren manwako sãoteye girobasokʼa? Sermare, se coṭ serma reakʼ sanamakʼ jaegare hõ amakʼ okulạn hoyokʼ khan ińakʼ benaoakʼ niạ oṛakʼre amakʼ jaega do cetʼ hoyokʼgea?

Mathae 11:25

Ona tayom Jisui menkeda, “E Baba, ot ar sermaren Probhu Isor. Amiń sarhaoetʼmea, ente am do ạkilan ar budanko ṭhen khon noako reaṅ dom oko dohoakada, menkhan kạṭicʼ gidrạ lekanko ṭhen dom sodor akada.

2 Bõsbudạ 2:6

Menkhan uni lạgitʼ oṛakʼ do okoeye benao daṛekea? Ente serma, se serma rajrehõ uniyakʼ jaega do cetʼ okulạn hoyokʼa? Uni samaṅre eṭakʼ eṭakʼ samaṅokʼakʼ jinisko jeredokʼ ṭhạ̃i chaḍa ar cekate iń do uni lạgitʼ mitʼṭecʼ oṛakʼ iń benao daṛekea?

Sereńko 115:16

Serma do Probhu Isorakʼ serma kana, menkhan dhạrti do manwakoe em akatʼkoa.

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

Aposkạmi 14:15

“E ho gateko, ape do cedakʼ noakope onkayeda? Ạliń hõ coṅ ape leka duk suk jojom manwakange liń. Ạliń do ape ṭhen bhage sombat liń porcareda jemon noa ạuṛiyakʼko khon jiwetʼ Isor secʼpe, ạcurokʼ. Unige serma ar ot ar jalapuri ar onare menakʼ jotowakʼe sirjạu akada.

Aposkạmi 4:24

Noa katha ańjomkate onko do mitʼ monte Isor ṭhen nonkako koekeda,” E Probhu Isor, am do serma ar ot ar jalapuri ar onare menakʼ jotowakʼem sirjạu akada.

Jirimiạ 10:11

Hoṛko metakope, noko debota do ot ar serma bako sirjạuakada; onko do pirthimi khon ar serma latar khonko marao utạrokʼa.

Luk 10:21

Unre Jisu do sonot Jiu reakʼ rạskạte hulạsenteye menkeda, “E Baba, am do serma ar dhạrtiren Probhu Isor kanam. Sarhaoetʼme kạnạń, ente am do noako reaṅ ạkilan ar budanko khonem oko dohoakada menkhan albudạha lekanko ṭhen dom sodor akada. Hẽ Baba, amakʼ sana lekage noa do hoyakana.

Jesaea 42:5

Probhu Isor do serma sirjạukateye bel akada; uni do dhạrti ar onare oka janamokʼ onakoe aṭetʼ akada; uni do onare tahenkan hoṛko sãhetʼe emako kana ar onḍe okoeko dãṛãnkan onko do jiue emakokana. Uniye meneda,

2 Rapajko 19:15

Ar Hiskiạ do Probhu Isor ṭhen noae koekeda, “E Probhu Isor Israelkoren raj, am do Kerubkin talarem tahẽnkana, ar am eskarge dhạrtiren sanamakʼ rajosṭiren Isor kanam. Am do serma ar otem benao akada.

Jirimiạ 23:24

Jãhãege cetʼ nonkan danaṅ jaegareye oko daṛeakʼa okare bạń ńelńam daṛeae? Iń do serma ar ot reakʼ sanam ṭhạ̃irege cetʼ bạń tahẽnkana?”

Ibriko 3:4

Mitʼke mitʼ oṛakʼ do jãhãe baṅ jãhãe hotete benaokʼ kana, menkhan Isorge sanamakʼ doe benaoakada.

Mathae 5:34

Menkhan ińiń metapekana, alotetʼgepe kiriạkʼa. Serma ńutumte hõ alo, ente ona do Isorakʼ siṅghạson kana.

Jesaea 40:12

Okoe dakʼko do acʼakʼ loṭteye soṅakada ar sermako do okoe acʼakʼ bitạteye jokha akada? Dhạrti reakʼ dhuṛi do ạṛire okoeye sahopʼ ocoakada ar buru ar ḍuṅgriko hõ okoe tulạteye tulạ akada?

Sereńko 24:1

Dhạrti ar onare menakʼakʼ jotowakʼge Probhu Isorakʼ kana; Prithimi ar onare tahenko hõ uniren kanako;

Ibriko 1:2

Menkhan sesa sisi dinkore uni do acʼren Hopon hotete abokoe galmarao akatʼbona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.

Johan 1:1

Etohopʼrege kathatetʼ tahẽkana, ar kathatetʼ do Isor ṭhen tahẽkana ar kathatetʼ do acʼge Isore tahẽkana.

Jesaea 40:28

Aben do cetʼ baben baḍaea? Aben do cetʼ baben ańjomakada? Probhu Isor okoe doe jaejugren Isorkan, okoe do dhạrti reakʼ mucạtʼ simạko hõe benao akatʼ, uni do bae laṅgakʼa, ar bae nijorokʼa, uniyakʼ ạkil reakʼ khạndritetʼ do celehõ bako jokha daṛeakʼa.

Sakariạ 12:1

Noa kangea Israel babotre Probhu Isorakʼ katha do. Probhu Isor, one okoe do sermae aṭetʼ akatʼ, okoe do dhạrti reakʼ rehetʼe bạisạu akatʼ, okoe do manwa bhitrire Jiue sirjạuakawade, uniye meneda,

Sereńko 148:13

Onko jotoge Probhu Isorko sarhaoema, ente eken unigeye maraṅa; Ot ar serma cetanre uniyakʼ mạhima menakʼa.

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Jirimiạ 32:17

‘E Probhu Isor, am do amakʼ maraṅ daṛete ar amakʼ daṛeanakʼ tite serma ar otem benao akada. Am ṭhen bin leṭecʼakʼ do cetʼge bạnukʼanaṅ.

Jesaea 45:18

Probhu Isor, okoe do sermae sirjạu akatʼ, uni kangeae Isor do; one uni dhạrti do muṭhạne emakawatʼ are benao akatʼ, unige onae bandhoakada. Ar dhạrti do ạlmạl bae benaoleda, bickom girobasokʼ lạgitʼgeye benaokeda. Uni doe meneda, “Iń kangeạń Probhu Isor do, iń chaḍa eṭagicʼ do ar cele hõ bạnuiya.

Sereńko 146:5

Bhạgangeae uni hoṛ, okoe do Jakobren Isore goṛowae kan, okoeyakʼ as do uniren Probhu Isorre.

Genesis 14:19

Uni do Abram bhoradeteye metadea, “Serma ar ot okoeye sirjạu akatʼ uni maraṅ Isor do Abrame bhoraema.

Genesis 14:22

Abram do Sodomren raje metadea, “Serma ar ot okoeye sirjạu akatʼ uni maraṅ Probhu Isorakʼ ńutumte ti tulkań kiriạkʼ kana,

Genesis 1:1

Etohopʼre Isor do ot ar sermae sirjạukeda.

Malaki 2:10

Abo sanamkoren baba do cetʼ uni mitʼ babageye baṅkana? Mitʼṭen Isorge cetʼ abo do bae sirjạu akatʼbona? Enḍekhan cedakʼ mitʼ hoṛ do armitʼ hoṛ sãote bin pạtiạr bon hoyokʼkante aboren hapṛamko lạgitʼ doho akan bondobos bon bemanotetʼ kana?

Romiko lạgitʼ Pạul Apostolakʼ ciṭhi 1:19

Isor reaṅ oka baḍaeyokʼakʼ ona do manwako ṭhen pusṭạugea, ente Isor acʼtetʼge onko ṭhen onae sodor akada.