Aposkạmi 17:20 - সান্তালী বাইবেল

²⁰ Ente adomakʼko nonkam galmarao ale kana one oka do ạnạ̃ṛigele ańjometʼkan. Onate baḍae sanayetʼ lea onako reakʼ mane do cetʼkana mente.”

Santali Common Language New Testament

²⁰ Ente adomakʼko nonkam galmaraoale kana one oka do ạnạṛigele ańjometʼ. Onate baḍae sanayetʼlea onako reakʼ mane do cetʼkana mente.”

Aposkạmi 17:20 Referans Kwoze

1 Patras 4:4

Menkhan ńitokʼ do onko hoṛge ape ńelteko hahaṛakʼkana, ape do onkoakʼ bạṛicʼ lucạ lamoṭkore ar bape seledokʼkana, onate onko do apeko dusạuetʼpea.

1 Korinthiko 2:14

Okoe Jiurene baṅkan, uni do Isorren Jiu ṭhen khon oka hijukʼ ona bae aṅgoca; ente uni ṭhen ona do lelhateakʼ kana. Uni do onako bae baḍae daṛeakʼa, ente sonot Jiu bae cetʼae khan onako do ohoe tojbij daṛelea.

1 Korinthiko 1:23

menkhan ale do kuruslen Jisu Mạsiyakʼ kathale porcareda. Ona katha Jihudiko ṭhen do mitʼṭecʼ tạkicʼakʼ kana ar boṅgan hoṛ jạtrenko ṭhen do lelhawakʼge,

Hosea 8:12

Ińakʼ ạn-ạri reakʼ ḍher kathage onko lạgitʼ iń olleda, menkhan onko do bidisiạ hoṛkoakʼ jãhãnakʼ jinis menteko hudisleda.

1 Korinthiko 1:18

Okoe nosṭokʼ reakʼ horteko taṛametʼ onko ṭhen Mạsiyakʼ gujukʼ reakʼ katha do lelhawakʼ chaḍa ar cetʼge baṅkana; menkhan okoe bańcao bon ńam lạgidokʼkan abo ṭhen ona do Isorakʼ daṛekana;

Ibriko 5:11

Noa reaṅ ạḍi utạr katha mementeakʼ menakʼ talea, menkhan ona reakʼ bhed bhaṅgao do muskilgea, ente Jiu reakʼ sạritetʼ ape do algate bape bujhạu daṛeakʼkana.

Aposkạmi 10:17

Patras do okaṭakʼ dorsone ńelketʼ ona reakʼ cetʼ mane hoydaṛekokʼa menteye hudisokʼkan tahẽkanrege, Korneliuse kolakatʼko hoṛ do Simonakʼ oṛakʼ sendra ńamkate duạr ṭhenko teṅgoyena.

Aposkạmi 2:12

Onko do hahaṛa arko tharbasaoente ako akore kupulikʼko ehopʼena, “Noa reakʼ mane do cetʼkana?”

Johan 6:60

Ar uniren celako modre ḍher hoṛge noa katha ańjomkateko menkeda, “Noa do ạḍi keṭecʼ sikhạuna kana. Ar noa do okoeye ańjom daṛekea?”

Mark 9:10

Celako do Jisuakʼ hukumko bataoketʼtaea, menkhan gocʼko khon jiwetʼ beredokʼ reakʼ mane cetʼkana mente ona do ako akore galmaraoko ehopʼena.

Aposkạmi 17:19

Unre onko guruko do Areopagos reakʼ bạisi samaṅre Pạulko idikedea. Arko kulikedea, “Okaṭakʼ nãwã sikhnạtem emokʼkan ona do cetʼ le baḍae daṛekea?

Aposkạmi 17:21

Onko do noa iạtegeko menkeda, ente Athensren sanam hoṛko ar ona nagrahare okoe upriạko tahẽkan onko do nãwã nãwãnakʼ babotre katha roṛ ar ańjomte okteko khemaoetʼ tahẽkana.