Aposkạmi 17:16 - সান্তালী বাইবেল

¹⁶ Pạul do Athens nagrahare Silạs ar Timothiye tạṅgiyetʼkin tahẽkanre ona nagraha do boṅga murtikote perecʼ akane ńelkeda. Onate uniyakʼ mon do ạḍi jal jalaoentaea.

Santali Common Language New Testament

¹⁶ Pạul do Athens nagrahare Silạs ar Timothiye tạṅgiyetʼkin tahẽkanre ona nagraha do boṅga murtikote perecʼ akane ńelkeda. Onate uniakʼ mon do ạḍi jal jalaoentaea.

Aposkạmi 17:16 Referans Kwoze

Sereńko 119:158

Bepạtiạrko ńelte iń doń hirkhạkʼ kana, ente onko do amakʼ katha leka bako calakʼ kana.

2 Patras 2:7

Menkhan uni do Loṭe rukhiyạledea. Loṭ do Isor bhokti hoṛe tahẽkana. Uni do onḍenko ạn-ạri bebataoetʼkan hoṛkoakʼ lucạlamoṭ iạte duke ńametʼ tahẽkana.

Sereńko 119:136

Ińakʼ mẽtʼdakʼ do ạtukʼkantińạ ente hoṛko do amakʼ hukum bako manaoeda.

Mark 3:5

Unre Jisu do edrete onkoe beṅgetʼatʼkoa ar onkoakʼ keṭecʼ mon iạte bhabna salakʼ uni hoṛe metadea, “Amakʼ ti tiạyrtam.” Adoe tiyạrketʼ khan ti do boge utạrentaea.

Mikạ 3:8

Menkhan Jakob do acʼakʼ behokakʼ reakʼ, ar Israel do acʼakʼ kại reaṅ baḍae ocoye lạgitʼ Probhu Isorren Jiu reakʼ daṛete, ar dhorom reakʼ bicạrre dilteń perecʼ akana.

Jirimiạ 20:9

Ińiń menkhan, “Uniyakʼ katha do bạń lạiya se uniyakʼ ńutumte ar cetʼge bạń roṛa,” enḍekhan uniyakʼ katha do ińakʼ ontorre lokʼkan bursi seṅgel leka jaṅ bhitri hạbicʼ bond akange tahẽnkana. Iń do bhitrire doho dohoteń laṅga cabakʼkana; sạrige ona do ar bạń doho daṛeakʼkana.

Sereńko 69:9

Amakʼ oṛakʼ lạgitʼ ińakʼ oka dulạṛ menakʼ, ona dulạṛge ińakʼ ontor doe jaljalao ocoyeda. Ar okoe amko bemanotetʼme onkoakʼ sanam opomange ińre paṛaokʼkana.

1 Rapajko 19:14

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhoktiye ńam onate iń do ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Eken iń eskarge sarecʼ minạńa ar ńitokʼ do iń hõ gojeń reakʼko kurumuṭu kana.”

1 Rapajko 19:10

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhotiye ńam onate ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Ar iń eskarge sarecʼ minạńa ar nitokʼ do ińhõ gojeń reakʼko kurumuṭu kana.”

Aposkạmi 17:23

ente ińiń dãṛã baṛaekan tahẽkanre apeakʼ sewa jiniskoń ạribạndhiyetʼ tahẽkana ar nonkan mitʼṭecʼ pinḍ hõń ńamkeda one ona cetanre ol akan, ‘Baṅ baḍae akadeicʼ deb lạgitʼ.’ Ar ape do bin baḍaete okoepe sewawaekan uni reaṅge iń doń porcarape kana.

Johan 2:13

Jihudikoakʼ bańcaokʼ porob soren khan Jisu do Jerusalemteye rakapʼ calaoena.

Aposkạmi 17:15

Ar okoeko hoṛ do soṅgete Pạulko idiyede tahẽkan onko do Athens hạbicʼko ạgu seṭerkadea. Ona tayom onko do Silạs ar Timothi lạgitʼ noa hukumante Beroeateko ruạṛ calaoena je, Silạs ar Timothi do senkate usạra jemon Pạul sãotekin midokʼ.

Aposkạmi 17:21

Onko do noa iạtegeko menkeda, ente Athensren sanam hoṛko ar ona nagrahare okoe upriạko tahẽkan onko do nãwã nãwãnakʼ babotre katha roṛ ar ańjomte okteko khemaoetʼ tahẽkana.

Aposkạmi 18:1

Niạ tayom Pạul do Athens khone oḍok senente Korinth nagrahateye calaoena.

Aposkạmi 20:22

“Sonot Jiureń tolakante iń do ńitokʼ Jerusalemiń calakʼ kana. Onḍe iń cetanre cetʼ hoyokʼa ona do bạń baḍaea.

1 Thessalonikikko 3:1

Ale do tinre ar bale sahao daṛeada unre Athens nagrahare eskarge tahenle goṭaketʼte aleren boeha Timothile kolledea. Uni do Mạsi reaṅ bhage sombat lại jạhir kạmire Isorren sapʼdapʼicʼ kanae. Ale dole kolledea jemon apeakʼ biswạse kajak ocoytape are udgạu daṛeape,