Aposkạmi 17:14 - সান্তালী বাইবেল

¹⁴ Unre biswạsi boehako do jalapuri aṛe secʼ Pạulko kolgotʼkadea, menkhan Silạs ar Timothi do Beroea regekin tahẽyena.

Santali Common Language New Testament

¹⁴ Unre biswạsi boehako do jalapuri aṛe secʼ Pạulko kolgotʼkadea, menkhan Silạs ar Timothi do Beroea regekin tahẽyena.

Aposkạmi 17:14 Referans Kwoze

Aposkạmi 17:10

Ńindạyen khan biswạsi boehako do Pạul ar Silạs tạkin Beroeateko kolkatʼkinạ. Unkin do onḍe seṭerkate Jihudikoakʼ sunạgogtekin boloyena.

Mathae 10:23

Mitʼ nagrahare santao arko khedlepere eṭakʼ nagrahate dạṛpe. Sạrigeń metapekana, Israel disạm reakʼ sanam nagraha ar atokore ạuripe kạmi purạurege Manwa Hopon doe hijukʼa.

Aposkạmi 16:1

Tayomte Pạul do Derbe ar Lustrạ nagrahateye calaoena. Onḍe Timothi ńutuman mitʼṭen celae tahẽkana. Uniren eṅgattetʼ hõ Mạsire pạtiạu akan mitʼṭen Jihudi maejiue tahẽkana, menkhan apattetʼ do mitʼṭen Junạni hoṛge.

Aposkạmi 9:30

Ado biswạsi boehako noako ańjomketʼ khan Kạisạriạ nagrahateko idikedea ar tayomte Tạrsus nagrahateko kolkadea.

Aposkạmi 9:25

Menkhan mitʼ din ạyupʼ jokhecʼ Sạulren celako do mitʼṭecʼ khạclạkʼte pạcri reakʼ jalna secʼte latarteko pheḍgotʼ kadea.

Titus lạgitʼ Pạul Apostolakʼ ciṭhi 1:5

Kret dipre okaṭakʼ kạmi ńit hõ ạuri sạtokʼ ona sạt lạgitʼge iń do amiń doho oṭoakatʼmea. Ar ińiń hukum akatʼme leka mitʼke mitʼ nagraha reakʼ manḍerkore maraṅ mukhiyạko do kạmirem bahalkoa.

1Timothi 1:3

Makedoniạte calakʼ jokhecʼ cetʼ lekań galmaraoatʼme tahẽkan ńitokʼ hõ onkageń metam kana, am do Ephesus nagraharege tahẽ hataṛokʼme, jemon adom adom hoṛem hukumako onko do eṛe cecetʼakʼ aloko emokʼ.

Aposkạmi 19:22

Tayomte Timothi ar Erastus ńutuman acʼren barea goṛokin do Makedoniạteye kolketʼkinạ, ar acʼ do arhõ thoṛa din Asiạreye tahẽyena.

Aposkạmi 15:22

Unre apostolko, manḍerren murubbiko ar manḍerren eṭakʼ sanam hoṛkoko goṭakeda je, onko do akoren adom hoṛko bachaokate Pạul ar Barnabas sãote Antiokiạteko kolkoa. Onko do Jihudạ ar Silạs tạkinko bachaoketʼkinạ. Nui Jihudạge Barsabako metaekan tahẽkana. Ente biswạsi boehako modre nukin bana hoṛge mukhiyạkin tahẽkana.

Josuạ 2:16

Ar unkine metatʼkinạ, “Aben sasapʼ okoeko senakan onko jemon aloko sendra ńam ben onate buru secʼte calakʼ ben. Ar onḍe pe din oko akan tahen ben; ar ona tayom onko hoṛko ruạṛ hecʼlen khan abenakʼ horte ruạṛ calakʼ ben.”

Aposkạmi 1:15

Onako dinre Patras do Mạsire pạtiạu akan mitʼ sae bargel hoṛko talare teṅgokateye menkeda,

Aposkạmi 17:4

Noa katha ańjomkate adom Jihudiko doko pạtiạuente Pạul ar Silạs tạkin sãoteko mitʼena. Ona chaḍa Isor botorae aema Junạniko ar bhodro maejiuko hõ unkin sãoteko mitʼena.

Aposkạmi 17:6

menkhan unkin do onḍe bako ńamletʼkina. Unre onko do Jason ar adom biswạsi boehako or oḍok idikate nagraha cakʼlaoko ṭhenko idiketʼkoa ar hohowateko menkeda, “Okoe hoṛ goṭa dhạrtiko gulmaletʼ onko do ńitokʼ nonḍe hõko hecʼakana;

Aposkạmi 17:15

Ar okoeko hoṛ do soṅgete Pạulko idiyede tahẽkan onko do Athens hạbicʼko ạgu seṭerkadea. Ona tayom onko do Silạs ar Timothi lạgitʼ noa hukumante Beroeateko ruạṛ calaoena je, Silạs ar Timothi do senkate usạra jemon Pạul sãotekin midokʼ.

Aposkạmi 18:5

Silạs ar Timothi Makedoniạ khonkin hecʼen khan Pạul do eken Isorakʼ katha porcarte acʼakʼ okteko khemaoe ehopʼena. Uni do Jihudiko ṭhen Jisuge Mạsi kanae mente gohae emetʼ tahẽkana.