Aposkạmi 16:9 - সান্তালী বাইবেল

⁹ Ar Pạul do ńindạ mitʼṭecʼ dorsone ńelkeda, Makedoniạ disạmren mitʼṭen hoṛ do teṅgokate nehõr salakʼe meneda, “Makedoniạte parom hijukʼte dela goṛowaleme.”

Santali Common Language New Testament

⁹ Ar Pạul do ńindạ mitʼṭecʼ dorsone ńelkeda, Makedoniạ disạmren mitʼṭen hoṛ do teṅgokate nehõr salakʼe meneda, “Makedoniạte parom hijukʼte dela goṛowaleme.”

Aposkạmi 16:9 Referans Kwoze

Aposkạmi 19:21

Ado noako hoy baṛayen khan Pạul do Makedoniạ ar Akhaea secʼte Jerusalemte calakʼ reakʼe goṭawana. Uni doe menkeda, “Jerusalemte calao tayom iń do Rom nagrahate hõ calakʼ hoyokʼtińạ.

Aposkạmi 18:5

Silạs ar Timothi Makedoniạ khonkin hecʼen khan Pạul do eken Isorakʼ katha porcarte acʼakʼ okteko khemaoe ehopʼena. Uni do Jihudiko ṭhen Jisuge Mạsi kanae mente gohae emetʼ tahẽkana.

Romiko lạgitʼ Pạul Apostolakʼ ciṭhi 15:26

ente Jerusalemre Isorren hoṛko modre okoe reṅgecʼ hoṛ menakʼko onko lạgitʼ Makedoniạ ar Akhaea manḍerren hoṛko do thoṛa danko uṭhạu akada.

Aposkạmi 20:1

Gulmalko thiren khan Pạul do celakoe hoho ạguketʼkoa. Ar onkoe udgạuketʼko khan onko ṭhen khon bidạ hataokate uni do Makedoniạ secʼe mohnḍayena.

1 Thessalonikikko 4:10

Ape do sạrige Makedoniạ disạmren sanam boehakope dulạṛetʼkoa. Menkhan E boehako, ape ṭhen aleakʼ nehõr do noage, apeakʼ dulạṛ do arhõ sareṛokʼtape ma.

2 Korinthiko 12:7

Iń ṭhen ạḍi lekanakʼko sodorakante alo jemoniń usulokʼ, onate kosṭo emạń lạgitʼ ińakʼ hoṛmore mitʼṭecʼ jạnum, metakʼme Soetanren goḍete emadiń tahẽkana.

2 Korinthiko 11:9

Ape ṭhen tahẽkateń ṭonṭalenre okoe hõ bhar do bạń ladeyatʼpe tahẽkana, ente Makedoniạ khon okoe boehako hecʼlen onkoge ińakʼ ṭonṭawakʼko purunletʼa. Ar okalekate hõ iń do aperen bojha bạń hoyokʼa ar bạń hoyakana.

2 Korinthiko 9:2

ente noa kạmire apeakʼ khaṛa moniń baḍaegea. Iń do ape iạte Makedoniạren hoṛko ṭhen noa menteń sarhaokʼ kanaje, Akhaearen hoṛko do dinkalom khon, metakʼme noa dan lạgitʼ sapṛao menakʼpea. Apeakʼ noa khaṛa monge onkoren ḍher hoṛkoe udgạu akatʼkoa.

2 Korinthiko 8:1

E boehako, Makedoniạ reakʼ manḍerkore Isor ṭhen khon oka daya ńamakan ona reaṅle baḍae ocoyetʼpea.

2 Korinthiko 7:5

Makedoniạte seṭerkatere hõ hoṛmore jãhãn aosan bale ńamlakʼa; ale do joto secʼ khonge dukle ńametʼ tahẽkana; ar sanam secʼge gulmal ar ontorre botor tahẽkana.

Aposkạmi 10:30

Unre Korneliuse menkeda, “Pon din lahare ṭhik niạ jokhecʼ pe baja okte iń do ińakʼ oṛakʼreń koejoṅkan tahẽkana. Unre ackage pĩṛĩtʼ pĩṛĩtʼ ponḍ kicricʼ horokʼ akatʼ mitʼṭen hoṛ do iń samaṅre hecʼenteye metadińạ,

Aposkạmi 10:3

Mitʼ din pe baja okte uni do mitʼṭecʼ dorsone ńelkeda. Uni do pusṭạuteye ńelkeda Isorren mitʼṭen goḍet do hecʼkateye metaekana, “E Kornelius.”

Aposkạmi 9:38

Jappo do Ludda sorre tahẽkana; onate celako do Patras Luddare menaea menteko ańjomketʼ khan bar hoṛ uni ṭhen kolketʼkinteko nehõradea, “Am do usarate ale ṭhen baṛe hijukʼme.”

Aposkạmi 16:10

Ado Pạul noa dorsone ńelketʼ khan ale do Makedoniạte calakʼ lạgitʼ unregele sapṛaoena, entele bujhạu daṛeada Makedoniạren hoṛko ṭhen Mạsi reaṅ bhage sombat porcar lạgitʼ Isor doe hohowale kana.

Aposkạmi 16:12

Ar onḍe khon ale do Philipi nagrahatele calaoena. Noa Philipige Makedoniạ ṭoṭha reakʼ maraṅ nagraha tahẽkana. Ar onḍenko hoṛ do Rom rajren porjako tahẽkana. Ale do thoṛa din ona nagraharele tahẽyena.

Aposkạmi 19:22

Tayomte Timothi ar Erastus ńutuman acʼren barea goṛokin do Makedoniạteye kolketʼkinạ, ar acʼ do arhõ thoṛa din Asiạreye tahẽyena.

Aposkạmi 19:29

Ar goṭa nagraha do ạḍi usạrage ạulạu cabayena. Unre Gạius ar Aristarkhos ńutuman Makedoniạren okoekin hoṛ do Pạul sãotekin calakʼkan tahẽkan, hoṛko do unkinko sapʼketʼkinạ ar sanamkoge bạisiteko gad gadao boloyena.

Aposkạmi 27:2

Ale do Adramuttium bondorre mitʼṭecʼ jahajre decʼkatele mohnḍayena. Ona do Asiạ reakʼ eṭakʼ eṭakʼ bondorkote calakʼ lạgitʼ sapṛaoge tahẽkana. Makedoniạ disạmren Thessalonikiạ nagraharen Aristarkhos hõ ale sãoteye tahẽkana.

Dosar Biboron 30:13

Noa do jalapuri cetan reakʼ jãhãn jinis hõ baṅkana, onepe menke, ‘jalapuri paromkate do okoe bhala onae ańjom ocolea jemon onale manao ar ona lekale sen daṛekokʼ?’