Aposkạmi 16:39 - সান্তালী বাইবেল

³⁹ Onko do Pạul ar Silạs ṭhen senkate ikạko koekeda ar hajot oṛakʼ khonko oḍok ketʼkinte nagraha bạgiyakʼ lạgitʼko nehõratʼkinạ.

Santali Common Language New Testament

³⁹ Onko do Pạul ar Silạs ṭhen senkate ikạko koekeda ar hajot oṛakʼ khonko oḍok ketʼkinte nagraha bạgiyakʼ lạgitʼko nehõratʼkinạ.

Aposkạmi 16:39 Referans Kwoze

Mathae 8:34

Unre atoren hoṛko do Jisu tulucʼ ńapamokʼ lạgitʼko oḍok hecʼena. Arko ńapamkede khan akoakʼ elaka khon senokʼ lạgitʼko nehõradea.

Mark 5:17

Onate hoṛko do Jisuko nehõradea jemon akoakʼ simạnako khone calao joṅ.

Daniel 6:23

Unre raj do ạḍiye kusiyena ar ona khandṛaṅ khon Daniel rakabe lạgitʼe hukumkeda. Daniele rakapʼ ocoyen khan uniyakʼ hoṛmore ghạl reakʼ jãhãn cinhạge baṅ ńellena, ente uni do acʼren Isor cetanre bhorsa akane tahẽkana.

Daniel 6:16

Sesre raj doe hukumkeda ar hoṛ do senkate Danielko sapʼkedea ar dhạcri kulakʼ khandṛaṅreko khadlekedea. Unre raj do Daniele metadea, “Jaoge amren okoeṭakʼ Isorem sewawae kan unige am doe rukhiyạmema.”

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Jesaea 45:14

Probhu Isor do Israel jạtrenkoe metakokana, “Misorakʼ hameṭakʼ dhon ar Kusren bạnij beparikoakʼ jinis do am ṭhen hijukʼa. Ar Sabarenko hõ apnartege am ṭhenko hijukʼa; onko do amrenko hoyokʼa ar amko pańjamea. Onko do sikṛikote tol akan dosarege am ṭhenko hijukʼa. Onko do otre ombakʼkate amko ḍobokʼama ar nehõrkateko metama, ‘Isor do khạṭige am sãote menaea. Eken uni eskar kangeae Isor do, uni chaḍa ar cele Isor hõ bạnukʼkoa.’ ”

Exodus 11:8

Amren kạmiyạko hecʼkate iń samaṅre ikhṛumkateko mena, ‘amren sanam hoṛkoante oḍok calakʼme!’ Ar ona tayom doń oḍok calakʼa.” Noa katha menkate Mose do Pharao ṭhen khon raṅgaokateye oḍok hecʼena.

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.