Aposkạmi 16:36 - সান্তালী বাইবেল

³⁶ Unre daroga do Pạule metadea, “Disạm cakʼlaoyicʼ do Silạs ar am aṛakʼ ben lạgitʼe roṛgotʼ akada. Onate ma ńitokʼ do oḍokokʼ ben ar sulukte calao joṅben.”

Santali Common Language New Testament

³⁶ Unre daroga do Pạule metadea, “Disạm cakʼlaoicʼ do Silạs ar am aṛakʼ ben lạgitʼe roṛgotʼ akada. Onate ma ńitokʼ do oḍokokʼ ben ar sulukte calao joṅben.”

Aposkạmi 16:36 Referans Kwoze

Aposkạmi 15:33

Unkin do Antiokiạre thoṛa din kin tahẽyena. Ar Jerusalemren okoe do Jihudạ ar Silạs Antiokiạteko kolletʼkin, Antiokiạren boehako do sulukteko bidạkatʼkinte Jihudạ ar Silạs do arhõ onko ṭhenko kol ruạṛkatʼ kinạ,

Johan 14:27

“Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

Aposkạmi 16:27

Unre hajot oṛakʼren daroga doe ebhenena ar hajot oṛakʼ reakʼ silpińko jhicʼgeye ńelketʼ khan tarwaṛe bocʼkate acʼte gujukʼe menana. Uni doe hudiskeda sanam kạidikoko dạṛ cabakeda.

Mark 5:34

Jisu do uniye metadea, “E mạ̃i, amakʼ pạtiạugeye boge akatʼmea. Sulukte calao joṅme, ar amakʼ duk khon boge akae tahenme.”

2 Rapajko 5:19

Elisaeye menkeda, “Sulukte senjoṅ joṅme.” Naman do uni ṭhen khon thoṛa sạṅgińe senen khan Isorren hoṛ Elisaeren guti Gehosi do mone moneteye menkeda, “Aramren Naman okae ạguletʼ ona baṅ hataokate ińren mạlik do maṅnategeye aṛakʼkadea. Jiwetʼ Probhu Isor ńutumteń kiriạkʼ kana, uniń khudạu tiyogea ar uni ṭhen khon jãhãnakʼ iń hataogea.”

1 Samuel 29:7

Onate am do ruạṛ calakʼme; ar nonkan jãhãnakʼ alom kạmiya one onate Philisṭikoren rapajko am cetanre bekusi aloko tahen.

1 Samuel 25:35

Ona tayom Dạud do acʼ lạgitʼe ạgu akatʼ jotowakʼ jinisko Abigaelakʼ ti khon hataoketʼteye metadea, “Ńitokʼ do sulukte ruạṛ calakʼme. Iń do amakʼ joto kathań ańjomakada ar amakʼ nehõriń dohoakada.”

1 Samuel 20:42

Jonathan do Dạude metadea, “Aben do nirạite calakʼben, ente alaṅ do Probhu Isor ńutumte kiriạkate laṅ men akada, ‘Aben ar ạliń talare ar aben ar ạlińren bõsko talare jaejugren goha do Probhu Isorgeye tahẽyena.’ ” Inạ tayom Dạud do bidại hataokeda ar Jonathan do nagrahateye ruạṛ calaoena.

1 Samuel 1:17

Unre Eliye menkeda, “Amakʼ jiwi baṛe raṛejokʼtam ma. Israelkoren Isor ṭhen okam khojakatʼ ona jemone emam.”

Bikʼcạrko 18:6

Naeke do onkoe roṛ ruạṛatʼkoa, “Ape do sulukte calao joṅpe; Ente Probhu Isorakʼ sana lekape senokʼ kana.”

Exodus 4:18

Noa tayom Mose do acʼren hońhartetʼ Jethro ṭhen ruạṛ senkateye metadea, “Misor disạmre ińren peṛa pạrbhạko ṭhen ruạṛ sen ocoạliń ben. Ạliń do senkate liń ńelkoa ńit hõ jiwetʼ menakʼkoa se baṅa.” Jethro do Moseye metadea, “Ṭhikgea Do calakʼben, ar abenakʼ bhạlạiy hoyokʼ taben ma.”

Aposkạmi 16:23

Onko do kajak dalko dalketʼkinte hajotreko bhoraokatʼkinạ, ar kajakte pahrae lạgitʼ hajotren darogako hukumadea.

Aposkạmi 16:35

Dosar hilokʼ setakʼ jokhecʼ hạkimko do akoren kạmiyạko hoteteko roṛgotʼkada “Unkin hoṛ do aṛakʼ kạkinpe.”