Aposkạmi 16:33 - সান্তালী বাইবেল

³³ Ar inạ ńindạge daroga do Pạul ar Silạse idiketʼkinte unkinakʼ hoṛmo reakʼ ghạlkoe ạrupʼketʼ tạkina, ar acʼ gharońjren sanamkoko bạptisena.

Santali Common Language New Testament

³³ Ar inạ ńindạge daroga do Pạul ar Silạse idiketʼkinte unkinakʼ hoṛmo reakʼ ghạlkoe ạrupʼketʼ tạkina, ar acʼ gharońjren sanamkoko bạptisena.

Aposkạmi 16:33 Referans Kwoze

1 Korinthiko 1:16

Stephan gharońjren hõń bạptis akatʼkogea, menkhan ar jãhãe iń bạptis akatʼko reakʼ do bạń disạyeda.

Aposkạmi 16:15

Ar noate uni ar acʼ gharońjren sanamkogeko bạptisena. Inạ tayom uni do noa menkateye neotaketʼlea, “Probhu Isorre biswạs akanpe hudisedeń khan dela ińakʼ oṛakʼre hijukʼte tahenpe.” Ar noa katha menkate acʼakʼ oṛakʼteye idiketʼlea.

Aposkạmi 16:25

Un jokhecʼ do tala ńindạ okte tahẽkana. Pạul ar Silạs do Isorkin sarhaoedekan tahẽkana arkin koejoṅkan tahẽkana. Ar eṭakʼ kạidiko hõ onako ańjomkan tahẽkana.

Galathiko lạgitʼ Pạul Apostolakʼ ciṭhi 5:13

E boehako, sạdhin ocokʼ lạgitʼge Isor doe hohoakatʼpea. Menkhan apeakʼ jel reakʼ kusi sana purạu lạgitʼ noa sạdhintetʼ do alope laṛcaṛa. Ona khon bickom dulạṛte mitʼ hoṛ eṭakʼ hoṛe sapʼ soraema,

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsiren kan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

Aposkạmi 16:23

Onko do kajak dalko dalketʼkinte hajotreko bhoraokatʼkinạ, ar kajakte pahrae lạgitʼ hajotren darogako hukumadea.

Luk 19:9

Unre Jisui menkeda, “Teheń do noa gharońjre bańcao hoyakana, ente nui hõ Abraham bõsren hoṛ kanae.”

Kạhtukko 16:7

Manwa jion ńelte tinre Probhu Isor doe kusikʼa unre uni do acʼren bạiriko hõ sulukteye girobas ocokoa.

Mathae 3:6

Ar tinre onko do apan ạpin kạiko aṅgocketʼtakoa unre Johan do Jordan gaḍareye bạptisketʼkoa.

Aposkạmi 16:32

Unre Pạul ar Silạs do daroga ar uniyakʼ oṛakʼren sanamko Probhu Isorakʼ kathakin galmaraoatʼkoa.

1 Patras 3:21

Noa do hoyokʼ kana bạptisma reakʼ mitʼṭecʼ nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilại ocokʼ giḍi daṛeakʼa ona do baṅ; Isor ṭhen noa do mitʼṭecʼ bhage bibek reakʼ hohokana. Ape do Jisu Mạsiyakʼ gujukʼ ar jiwetʼ beredokʼ hotetepe bańcao ocoakana.