Aposkạmi 16:22 - সান্তালী বাইবেল

²² Ado eṭakʼ hoṛko hõ onko sãote mitʼkate Pạul ar Silạs upạrteko teṅgoyena. Unre disạm cakʼlaoyicʼ doe hukumkeda unkinakʼ kicricʼ jemonko oṛejtạkin arko dalkin.

Santali Common Language New Testament

²² Ado eṭakʼ hoṛko hõ onko sãote mitʼkate Pạul ar Silạs birudreko teṅgoyena. Unre disạm cakʼlaoicʼ doe hukumkeda unkinakʼ kicricʼ jemonko oṛejtạkin arko dalkin.

Aposkạmi 16:22 Referans Kwoze

1 Thessalonikikko 2:2

Ar noa katha hõpe baḍaegea, noa lahare ale do Philipi nagraharele khed ocolena ar bemanot hõle bemanot ocolena. Menkhan noa tạkicʼakʼko tahẽkanre hõ aboren Isor ṭhen khon dil ńamkate uniyakʼ bhage sombat reakʼ katha ale do khulạsategele lạiyatʼpe tahẽkana.

2 Korinthiko 6:5

dalle jomkeda ar hajotrele tahẽkanre, hulmal arle khaṭaolena, begor jạpitʼ ar reṅgecʼtele thakao cabalena.

Ibriko 11:36

Arhõ eṭakʼko do cigạri arko dal ur ocoyena, hẽ biṛikoteko tol ocolena ar hajot hõko hajot ocolena.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Aposkạmi 18:12

Ado Gallio tinre Akhaearen disạm cakʼlaoyicʼ tahẽkana unre Jihudiko do jomkao mitʼkate Pạulko sapʼkedea ar bicạre lạgitʼ adalotteko ạgukedea.

Aposkạmi 17:5

Menkhan Jihudiko do hiskạte bajar khon adom bạṛicʼ hoṛko ńam jarwaketʼkote nagrahare gulmalko ehopʼkeda. Ona tayom Pạul ar Silạs ńamkate hoṛko ṭhen ạgukin lạgitʼ onko do Jasonakʼ oṛakʼre jhãpko emkeda,

Aposkạmi 16:37

Unre Pạul do onko kạmiyạkoe metatʼkoa, “Ạliń do Romi hoṛ kanaliń, ar begor bicạr dusite hoṛko samaṅreko dalketʼlińạ ar hajotreko bhoraokatʼlińạ. Ar ńitokʼ disạm cakʼlaoyicʼ do hape hapete aṛakʼgotʼ kạlińe menjoṅ kana? Ona do baṅ hoyokʼa; onkoge apnarte hecʼkateko oḍok idi lińma.”

Aposkạmi 5:40

Unre Gamalielakʼ katha leka mukhiyạko doko mitʼ motena. Onko do apostolko bhitrite hoho idikate dalko lạgitʼko hukumkeda. Ar ona tayom doko aṛakʼkatʼkoa arko hukumatʼkoa Jisu reaṅ jemon jãhãnakʼ ar aloko roṛ baṛae.

Mathae 27:26

Unre Pilạt do Barabbageye aṛakʼatʼkoa, menkhan Jisu do cạbuk baṛakate kuruskae lạgitʼe soprotkedea.

Mathae 10:17

Sontor akae tahenpe, ente maraṅ bạisiren hoṛkoakʼ tireko soprotpea ar onkoakʼ sunạgogkore cạbukteko dalpea.

Luk 12:11

Sunạgogkore ar disạm cakʼlaoko ar ektiạrianko samaṅreko idilepere cetʼ leka se cetʼpe roṛ ruạṛa ona reaṅ do alope bhabnakʼa.