Biblia Todo Logo
Bib sou entènèt

- Piblisite -




Aposkạmi 16:19 - সান্তালী বাইবেল

19 Ado rojgar cabayena menteko ńelketʼ khan uni kuṛiren kisạ̃ṛko do Pạul ar Silạs sapʼkate nagraharen mukhiyạ ṭhenko or idiketʼkinạ.

Gade chapit la Kopi

Santali Common Language New Testament

19 Ado rojgar cabayena menteko ńelketʼ khan uni kuṛiren kisạ̃ṛko do Pạul ar Silạs sapʼkate nagraharen mukhiyạ ṭhenko or idiketʼkinạ.

Gade chapit la Kopi




Aposkạmi 16:19
24 Referans Kwoze  

Unre goṭa nagrahare gulmal ehopʼena. Hoṛko do mitʼ sãoteko ńir hecʼente Pạulko jhuṭiạukedea ar mundil khonko or oḍok kedea ar ona são sãote mundil reakʼ duạrkoko sińkada.


menkhan unkin do onḍe bako ńamletʼkina. Unre onko do Jason ar adom biswạsi boehako or oḍok idikate nagraha cakʼlaoko ṭhenko idiketʼkoa ar hohowateko menkeda, “Okoe hoṛ goṭa dhạrtiko gulmaletʼ onko do ńitokʼ nonḍe hõko hecʼakana;


dalle jomkeda ar hajotrele tahẽkanre, hulmal arle khaṭaolena, begor jạpitʼ ar reṅgecʼtele thakao cabalena.


Mitʼ din ona koejoṅ jaegatele calakʼkan tahẽkanre mitʼṭen kạ̃ṛmĩ sãotele ńapamena. Uni do mitʼṭen bạṛicʼ jiue ńamakawan tahẽkante darakan dinko reakʼ sanamakʼe lại daṛeakʼkan tahẽkana. Onate acʼren kisạ̃ṛakʼ do ạḍi lab hoyokʼkantae tahẽkana.


Menkhan Sạul do onako manḍer marao lạgitʼ oṛakʼ oṛakʼ bolokate manḍerren herel ar maejiuko or totʼkate hajotre bhoraokoe ehopʼena.


Barnabas ar Pạul do aboren Probhu Jisu Mạsi iạte gujukʼrekin paṛaolena.


Ado Antiokiạ ar Ikonium khon adom Jihudiko hecʼkate Pạul ar Barnabas upạrte hoṛkoko bhiṅgṛạuketʼkoa. Unre Pạul do dhiriteko tińkedea ar gocʼenae hudiskate nagraha bahreteko or idikadea.


Unre boṅgan hoṛ jạtrenko ar Jihudikoren mukhiyạko do jarwa mitʼkate Pạul ar Barnabas santaokin ar dhirite tińkin lạgitʼko solhawana.


Ar iń iạte tinạkʼ duk jojom hoyokʼtaea onań udukʼaea.”


“Sontor akan tahenpe. Maraṅ bạisiren hoṛko ṭhenko soprotpea ar sunạgogkoreko dalpea. Iń iạte disạm cakʼlaoko ar rapajko samaṅre teṅgokʼ hoyokʼtapea; ar onko samaṅre iń reaṅ goha emokʼ hoyokʼtapea.


“Unre santaope lạgitʼko soprotʼpea arko gocʼpea. Iń iạte sanam hoṛko hirkhạwapea.


Menkhan onko reṅgecʼ hoṛkoge ape dope henosta akatʼkoa. Kĩsạ̃ṛ hoṛkoge cetʼ bako kosṭoyetʼpea ar adalotte bako or idiyetʼpea?


Unre apostolko, manḍerren murubbiko ar manḍerren eṭakʼ sanam hoṛkoko goṭakeda je, onko do akoren adom hoṛko bachaokate Pạul ar Barnabas sãote Antiokiạteko kolkoa. Onko do Jihudạ ar Silạs tạkinko bachaoketʼkinạ. Nui Jihudạge Barsabako metaekan tahẽkana. Ente biswạsi boehako modre nukin bana hoṛge mukhiyạkin tahẽkana.


Ente sanam lekan bạṛicʼakʼ reakʼ rehetʼ do ṭaka-poesa bạ̃ṛti dulạṛ khonge. Ḍher hoṛge ona reakʼ lalocte Mạsiyakʼ dhorom pạtiạu khonko ocokʼ akante apnarre ạḍi okocʼ dukteko sobokʼ tapʼakana.


Onate onko do raj ṭhen ruạṛ senkate uniyakʼ hukum reakʼ kathako disạ ocokedea arko metadea, “E maharaj, am do cetʼ noa hukum bam emlena, jãhãe hoṛ pe gel dinre am chaḍa eṭakʼ debota se manwa ṭhene koejoṅ enḍekhan uni do dhạcri kulakʼ ghaḍlakʼreye giḍi ocokʼa mente?” Raj doe roṛ ruạṛkeda, “Madae ar Parasrenkoakʼ ạn lekate noa hukum do ṭikạu menakʼa, ente ona ạn do baṅ bodolokʼa.”


Unre Antiokiạren boehako do Pạul ar Silạs tạkin Probhu Isorakʼ tireko jimạketʼkin khan unkin dokin mohḍhayena.


Ona tayom disạm cakʼlaoyicʼ ṭhen idiketʼkinteko menkeda, “Nukin hoṛ do aboakʼ nagrahare gulmalkin ehopʼakada. Nukin dokin Jihudi kana.


Un jokhecʼ do tala ńindạ okte tahẽkana. Pạul ar Silạs do Isorkin sarhaoedekan tahẽkana arkin koejoṅkan tahẽkana. Ar eṭakʼ kạidiko hõ onako ańjomkan tahẽkana.


Unre daroga do mitʼ hoṛ diuhe ạguiye metadea ar acʼ do bhitriteye ńir boloyena ar botorte thar tharaokʼkan tulucʼ Pạul ar Silạs tạkinakʼ jaṅgareye giḍiyena.


Cetʼleka haron kosṭo sahaope ńel akadiń ar ńitokʼ hõ ona reaṅ okape ańjometʼkan, ape hõ inạ mitʼ lekan haron kosṭoregepe jopoṛao akana.


Ar noa katha hõpe baḍaegea, noa lahare ale do Philipi nagraharele khed ocolena ar bemanot hõle bemanot ocolena. Menkhan noa tạkicʼakʼko tahẽkanre hõ aboren Isor ṭhen khon dil ńamkate uniyakʼ bhage sombat reakʼ katha ale do khulạsategele lạiyatʼpe tahẽkana.


Swiv nou:

Piblisite


Piblisite