Aposkạmi 15:33 - সান্তালী বাইবেল

^33-34 Unkin do Antiokiạre thoṛa din kin tahẽyena. Ar Jerusalemren okoe do Jihudạ ar Silạs Antiokiạteko kolletʼkin, Antiokiạren boehako do sulukteko bidạkatʼkinte Jihudạ ar Silạs do arhõ onko ṭhenko kol ruạṛkatʼ kinạ,

Santali Common Language New Testament

^33-34 Unkin do Antiokiạre thoṛa din kin tahẽyena. Ar Jerusalemren okoe do Jihudạ ar Silạs Antiokiạteko kolletʼkin, Antiokiạren boehako do sulukteko bidạkatʼkinte Jihudạ ar Silạs do arhõ onko ṭhenko kol ruạṛkatʼkinạ,

Aposkạmi 15:33 Referans Kwoze

1 Korinthiko 16:11

Onate okoe hõ jemon aloko neṅghaoema. Menkhan sulukte kolgotʼkaepe, jemon uni do iń ṭhene hecʼ daṛeakʼ. Ente uni do boehako sãoteye hijukʼa menteń ńel horekana.

Ibriko 11:31

Biswạs iạtege Rahab kusmbi do Jerikho nagrahareko tahẽkan bebatao hoṛko sãote bae nosṭolena, ente uni do unkin disạm ciyạkin peṛa lekae ataṅ aderletʼkinạ.

Aposkạmi 16:36

Unre daroga do Pạule metadea, “Disạm cakʼlaoyicʼ do Silạs ar am aṛakʼ ben lạgitʼe roṛgotʼ akada. Onate ma ńitokʼ do oḍokokʼ ben ar sulukte calao joṅben.”

Genesis 26:29

jemon amakʼ jãhãnakʼ ale hõ bale loksantam bickom sulukte cetʼlekale bidạ akatʼme onkage amhõ aleakʼ jãhãnakʼ alom loksantalea. Ńitokʼ am do Probhu Isorren bhoranicʼem hoyakana.”

2 Johan 1:10

Ar jãhãe hoṛ ape ṭhen hecʼkate ona sikhnạt bae emokʼ enḍekhan apeakʼ oṛakʼre uni do alope ataṅ daramea ar johar hõ alope joharaea.

Mark 5:34

Jisu do uniye metadea, “E mạ̃i, amakʼ pạtiạugeye boge akatʼmea. Sulukte calao joṅme, ar amakʼ duk khon boge akae tahenme.”

Exodus 4:18

Noa tayom Mose do acʼren hońhartetʼ Jethro ṭhen ruạṛ senkateye metadea, “Misor disạmre ińren peṛa pạrbhạko ṭhen ruạṛ sen ocoạliń ben. Ạliń do senkate liń ńelkoa ńit hõ jiwetʼ menakʼkoa se baṅa.” Jethro do Moseye metadea, “Ṭhikgea Do calakʼben, ar abenakʼ bhạlạiy hoyokʼ taben ma.”

Aposkạmi 15:22

Unre apostolko, manḍerren murubbiko ar manḍerren eṭakʼ sanam hoṛkoko goṭakeda je, onko do akoren adom hoṛko bachaokate Pạul ar Barnabas sãote Antiokiạteko kolkoa. Onko do Jihudạ ar Silạs tạkinko bachaoketʼkinạ. Nui Jihudạge Barsabako metaekan tahẽkana. Ente biswạsi boehako modre nukin bana hoṛge mukhiyạkin tahẽkana.