Aposkạmi 15:20 - সান্তালী বাইবেল

²⁰ Bickom onko ṭhen noa katha bon olma, jemon boṅga tulucʼ jopoṛao sanamakʼ ar joto lekan loṭghuṭi khon sahaṛ akanko tahen, ar limbạtʼ gocʼ janwarakʼ jel ar mãyãm jemon aloko jom.

Santali Common Language New Testament

²⁰ Bickom onko ṭhen noa katha bon olma, jemon boṅga tulucʼ jopoṛao sanamakʼ ar joto lekan loṭghuṭi khon sahaṛ akanko tahen, ar limbạtʼ gocʼ janwarakʼ jel ar mãyãm jemon aloko jom.

Aposkạmi 15:20 Referans Kwoze

Aposkạmi 15:29

Ona jạruṛokʼakʼko reaṅ do hoyokʼ kana: Boṅga ṭhen samaṅakʼ jãhãnakʼge alope joma, mãyãm hõ alope ńũiya, ar limbạtʼ gocʼkoakʼ jel hõ alope joma, ar sanam lekan loṭghuṭi khon sahaṛ akae tahenpe. Ar noako khon sạṅgińrepe tahen khan bhage hoyokʼtapea. Ma napaete tahen tabonpe.”

Johan sodor 2:20

Enhõ am upạrte ińakʼ noa katha roṛ reakʼ menakʼtińạ. Am do Jesebel ńutuman uni maejiuakʼ bedhoromtetʼem sahao akatʼa. Nui Jesebel do acʼte nạbiye ńumogokʼ kana. Ar acʼakʼ cecetʼakʼte uni do ińren gutikoe bulạuetʼkoa, jemon onko do laṭghaṭko kạmi ar boṅga ṭhen samaṅakʼ jomakʼko jom.

Johan sodor 2:14

Menkhan enhõ am upạrte ińakʼ roṛ reakʼ thoṛa menakʼtińạ. Onḍe am ṭhen nonkan hoṛ menakʼkoa okoe do Biliamakʼ sikhnạt lekateko calakʼkan. Balak raj do Biliame cetʼade tahẽkana jemon uni do boṅga samaṅakʼkoe jom ocoko ar laṭghaṭ kạmikote Israelko kại secʼe idiko.

Levitikus 3:17

Jãhãregepe girobasokʼ ape do itil ar mãyãm do alope joma. Ar noage piṛhike piṛhi ape lạgitʼ niạm do tahẽyena. ”

Genesis 9:4

menkhan jiwi sudhạ, metakʼme mãyãm sudhạ jel do alope joma.

Aposkạmi 21:25

Menkhan boṅgan hoṛ jạtren biswạsiko lạgitʼ okale goṭa akatʼ ona reaṅ do nonka ol katele baḍae ocoakatʼkoa je, onko do boṅga ṭhen samaṅakʼ bako joma, mãyãm hõ baṅ, limbạtʼ gocʼ janwarakʼ jel hõ bako joma ar jãhãlekan loṭghuṭi hõ bako kạmiya.”

1 Korinthiko 6:18

Sanam lekan loṭghuṭi khon ńir joṅpe. Ente manwa okakoe kạiyetʼkan ona do acʼakʼ hoṛmo bahrereye onkayeda; menkhan okoeye loṭghuṭiyetʼkan uni do acʼakʼ hoṛmo upạrtegeye kạiyeda.

1 Korinthiko 6:9

Ape do cetʼ bape baḍaea, bedhoromko do Isorakʼ raj bako ạidạrijoṅa mente? Alope bulạukʼa; baṅ do loṭghuṭiko, baṅ do boṅga sewako, baṅ do laṭghaṭko, baṅ do laṅcạṅgiạko, baṅ do jojognako;

Johan sodor 9:20

Menkhan noako duk tayom hõ okoeko manwa jiwetʼko tahẽyen, onko do apnar tite benaoakʼ muṭhạnko khon mon bako ạcurletʼtakoa. Onko do bạṛicʼ jiuko ar baṅ ńeńelko, baṅ ańjomko, baṅ taṛam daṛeakʼ sona, rupạ, pitạl, dhiri ar kaṭren muṭhạnko benaokateko sewawakokan tahẽkana.

1 Patras 4:3

Okoe Isor bako baḍae akade onko leka ape hõ lahate umtạ umti, bạṛicʼ sana, ńũ bhuteṛokʼ, rij roṅ, matalokʼ, ar hirkhạwakʼ boṅga sewarepe taṛametʼ tahẽkana.

Ibriko 13:4

Sanamkoge bapla do manot salakʼko beṅgetʼakʼma. Jãwãe ar bạhu talare bapla tonol do sonot dohoy lek kana, ente jãhãlekanakʼ laṭghaṭkange, ar jãhãe ona dusireko dusige khan Isor do onkoe sạjạikogea.

1 Thessalonikikko 4:3

Isorakʼ monejoṅakʼ do noage, jemon sonotkope hoyokʼ, metakʼme sanam lekan loṭghuṭi khon sahaṛ akae tahenpe,

Kolossiko lạgitʼ Pạul Apostolakʼ ciṭhi 3:5

Onate apeakʼ jel reakʼ sana oka menakʼ ona marao giḍikakʼpe. Ente onare joto lekan loṭghuṭi, bin napaeakʼ, bạṛicʼ sana, laloc ar dhon lalocko menakʼa, one oka do boṅga sewawakʼ lekakan.

Ephesiko lạgitʼ Pạul Apostolakʼ ciṭhi 5:3

Sanam lekan loṭghuṭi, bin napaeakʼ se laloc reakʼ kathako ape talare jemon alo ańjomokʼ, ente noako katha Isorren hoṛkoakʼ do baṅ sajaokʼa.

Galathiko lạgitʼ Pạul Apostolakʼ ciṭhi 5:19

Jel reakʼ kạmiko do pusṭạutege ńel ńamokʼ kana. Ar onako do hoyokʼ kana, laṭghaṭ, bin napae, lucạ lamoṭ,

1 Korinthiko 8:1

Iń do ńitokʼ boṅga ṭhen samaṅakʼ jomakʼko reaṅ iń roṛeda. Baḍaegeabon, sanamkoakʼge akel menakʼtabona. Akel do manwae phulạu ocoyea, menkhan dulạṛ doe benao rakapʼa.

1 Korinthiko 7:2

Menkhan goṭa ṭạnḍige loṭghuṭi hoyokʼ kana, onate mimitʼ herel hoṛren do rinicʼtetʼe tahentaema, ar mimitʼ maejiuren hõ jãwãetetʼe tahentaema.

1 Korinthiko 5:11

Menkhan iń do okań olatʼpe tahẽkan ona do noage, okoe acʼte biswạsi boehae ńumogokʼ kan, menkhan uni do loṭghuṭiyicʼ se dhon lalocicʼ, se boṅga sewayicʼ se oktayicʼ se ńu bulokʼicʼ seye luluṭicʼkan enḍekhan uni tulucʼ do gate hõ alope gatekʼa ar jom hõ alope jom-ńũiya.

Jeheskel 4:14

Unre ińiń menkeda, “E Probhu Isor, nonka do alo baṛe hoyokʼma. Iń do tishõ bạń besapha akana. Gidrạ khon ńit hạbicʼ acʼte gocʼ akan janwar se janwar hotete ciro gocʼicʼakʼ jãhãnakʼge bạń jomakada. Jãhãn besapha jel do ińakʼ mocate baṅ bolo akana.”

Dosar Biboron 15:23

Menkhan uniyakʼ mãyãm do alope joma; dakʼ leka ona do otrepe dul giḍikakʼa.

Dosar Biboron 12:16

Menkhan mãyãm jom do baṅ ganaokʼtapea; ona do dakʼ leka otrepe dul giḍikakʼa.

Johan sodor 10:8

Okoe serma khon katha roroṛiń ańjomlede, uni do arhõe metadińạ, “Okoeṭakʼ serma goḍet jalapuri ar otreye teṅgo akan, uni ṭhen senkate uniyakʼ ti khon oṭakʼ akatʼ puthi hataome.”

Johan sodor 10:2

Uniyakʼ tire do oṭakʼ akatʼ mitʼṭecʼ huḍiń puthi tahẽkana. Uni do acʼakʼ jojom jaṅga jalapurire ar leṅga jaṅga do otre dohokate dhạcri kule hạnḍrạukʼkan leka ãṭ aṛaṅteye hohokeda. Uniyakʼ hoho são sãote eae goṭecʼ huḍur saḍeyena.

Ibriko 12:16

Ńelpe, okoe hõ jemon Esau leka bedhoromicʼ aloe hoyokʼ se Isor bebhoktiyicʼ aloe hoyokʼ ma. Esau do mitʼ sańj jomakʼ lạgitʼ pạhil janam hoke ạkhrińletʼtaea.

2 Korinthiko 12:21

Iń doń botorokʼ kana, pase ape ṭhen arhõń senlenre ińren Isor do ape samaṅreye lajao ocoyiń, ar okoeko lahateko kạiletʼ tahẽkan onko do pase loṭghuṭi, lucạ lamoṭ bin napaeakʼ khon mon bako ạcurakatʼtako, ar onko ḍherko iạte iń do dukiń ńama.

1 Korinthiko 6:13

Ar noa katha hõ roṛakana, “Jomakʼ do lacʼ lạgitʼ, ar lacʼ hõ jomakʼ lạgitʼge.” Menkhan mitʼ din Isor do noakin banargeye maraoa. Hoṛmo hõ loṭghuṭi lạgitʼ do baṅkana bickom ona do Probhu Isor lạgitʼge ar Probhu Isor do hoṛmo lạgitʼge.

Daniel 1:8

Daniel do menkhan mone moneteye goṭakeda, rajakʼ jomakʼ ar darkha rasate apnar do bae besaphakʼa. Ar apnar jemon aloe besaphakʼ onate uni cạkrạkoren sordar ṭhene arojkeda.

Jeheskel 33:25

Ona iạte am do onkom metakoa, Probhu Isore menetʼkana, ‘ape do mãyãm sudhạ jelpe jomeda, ar boṅgakope sewa akokana ar mãyãmpe joroyetʼkana; enḍekhan ape do cetʼ disạmpe ạidạri joṅa?

1 Samuel 14:32

Onate onko do luṭ reakʼ jinisko cetanre hatko emketʼte bhiḍi, ḍaṅgra, mĩhũ sapʼkate otre gurkate mãyãm sudhạ jel jojomko ehopʼena.

Dosar Biboron 14:21

“Gocʼ akan nonkan jãhãn jiwiyanko hõ alope jomkoa, ente ape do aperen Probhu Isor ńutumte mitʼṭecʼ begar akan jạtrenko kanape. Apeakʼ ato se nagrahareko girobasokʼkan eṭakʼ jạtren hoṛko ona dope em daṛeakoa ar ona do onkoko jom daṛeakʼa, se eṭakʼ porjạtrenko ṭhen dope ạkhriń daṛeakoa.

Numeri 25:2

Noko maejiuko do akoren debotako ńutumte janwar dãṛẽko reakʼ porobre Israelkoko neotaketʼkoa, ar Israelko hõ onko sãote jom-ńũkate onkoren debotakoko ḍobokʼatʼkoa.

Exodus 20:23

Onate jãhãnakʼ benaokate sewawakʼ lạgitʼ iń sãote alope teṅgoea. Sona se rupạte ape lạgitʼ jãhãn Isorko alope benaojoṅa.

Genesis 35:2

Unre Jakob do acʼren hoṛko ar sãoten eṭakʼ hoṛkoe metatʼkoa, “Ape ṭhen tinạkʼ boṅga murhutʼko menakʼko onko joto do giḍikakope ar apnar baṛe saphakʼpe ar apeakʼ kicricʼko bodoltape.

Levitikus 18:6

“Ape jãhãege aperen nijerren hoṛko tulucʼ alope giticʼmidokʼa. Iń kangeạń Probhu Isor do.

Levitikus 19:26

“Mãyãm sudhạ jãhãn jel alope joma. Alope guniya ar alope bhabaoa.

1 Samuel 14:33

Unre hoṛko do senkate Sạulko metadea, “Ńelme, onko do mãyãm sudhạ jelko jomketʼte Probhu Isor upạrteko kạiyeda.” Uniye menkeda, “Ape do bepạtiạrkope hoyakana. Do, begor bilomte mitʼṭecʼ maraṅ dhiri nonḍe giṛgạu ạguiype.”