Aposkạmi 15:19 - সান্তালী বাইবেল

¹⁹ Jakob do arhõe menkeda, “Noa iạtege ińakʼ bujre boṅgan hoṛ jạtren okoeko Isor secʼko ạcurokʼkan onko duk emako lek do baṅkan tabona.

Santali Common Language New Testament

¹⁹ Jakob do arhõe menkeda, “Noa iạtege ińakʼ bujre boṅgan hoṛ jạtren okoeko Isor secʼko ạcurokʼkan onko duk emako lek do baṅkan tabona.

Aposkạmi 15:19 Referans Kwoze

Aposkạmi 15:28

Sonot Jiu ar ale do noage mońjle metakʼkana, noa jạruṛokʼakʼko reaṅ chaḍa ar okaṭakʼte hõ jemon ape cetanre bạ̃ṛti bojha aloko ladeape.

1 Thessalonikikko 1:9

ente cetʼ lekape ataṅ daram akatʼle ona do hoṛkoko baḍae ocoyetʼlea. Onko do arhõko baḍae ocoakatʼlea je, ape do boṅga buruko ṭhen khon ruạṛkate cetʼleka jiwetʼ ar sạri Isor ṭhenpe hecʼakana jemon unipe sewawaete,

Aposkạmi 15:24

“Alele ańjomkeda je, aleko mod khon adom hoṛ do senkate ạḍi lekan kathate apeakʼ monko ạulạuetʼte kosṭoko emapekana, menkhan ale do nonkan kạmi bale menakatʼkoa.

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Galathiko lạgitʼ Pạul Apostolakʼ ciṭhi 2:4

Adom eṛe boehako oko okoteko bololente katha do rakapʼlena. Jisu Mạsire biswạsiko lekate aboakʼ oka sạdhintetʼ menakʼ ona sạdhintetʼ reakʼ dosko sab lạgitʼ onko do oko okoteko bololena jemon golamko benao daṛeabon.

Aposkạmi 15:10

Enḍekhan aboren hapṛamko se abo okaṭakʼ bojha babon gokʼ daṛe akatʼ ona bojha pạtiạu akan boṅgan hoṛ jạtrenkoakʼ tarenre gokʼakote cedakʼ ape do Isor biḍạue lạgitʼpe kurumuṭukana?

Aposkạmi 21:21

Onko do khoborko ańjomakada, boṅgan hoṛ jạtrenko talare okoe Jihudiko menakʼko onko do Mose reakʼ ạn-ạri bạgikate senokʼ reakʼ sikhnạtem emakokana, metakʼme am do onkoren gidrạko bam khatna ocoako kana ar Jihudikoakʼ cạli leka senokʼ hõm baronetʼkoa. Ńitokʼ ale do cetʼle cekaya?

Aposkạmi 21:25

Menkhan boṅgan hoṛ jạtren biswạsiko lạgitʼ okale goṭa akatʼ ona reaṅ do nonka ol katele baḍae ocoakatʼkoa je, onko do boṅga ṭhen samaṅakʼ bako joma, mãyãm hõ baṅ, limbạtʼ gocʼ janwarakʼ jel hõ bako joma ar jãhãlekan loṭghuṭi hõ bako kạmiya.”