Aposkạmi 15:13 - সান্তালী বাইবেল

¹³ Adokin roṛ mucạtʼketʼ khan Jakobe menkeda, “E boehako, ańjompe.

Santali Common Language New Testament

¹³ Adokin roṛ mucạtʼketʼ khan Jakobe menkeda, “E boehako, ańjompe.

Aposkạmi 15:13 Referans Kwoze

Aposkạmi 12:17

Patras do thirokʼ lạgitʼ titeye isạrawatʼkoa ar hajot khon Probhu Isor cetʼlekateye oḍok ạgukede onae baḍae ocoketʼkoa. Ar mucạtʼreye metatʼkoa, “Noa khobor do Jakob ar eṭakʼ boehako hõ lạiyakope.” Noa katha menkate uni doe oḍokente eṭakʼ jaegateye calaoena.

Jakob 1:1

Isor ar Probhu Jisu Mạsiren golam iń Jakob do dhạrti reakʼ sanam jaegareko chirchạtur akan Jihudikoren gelbar bõsrenko johariń emakokana.

Galathiko lạgitʼ Pạul Apostolakʼ ciṭhi 2:12

Jihudikoren biswạsi okoeko dol do be Jihudiko khatna ocoko cetanre jorko emetʼ tahekan, onkoren adom hoṛ Jakob ṭhen khon ạuriko hijukʼre Patras do be-Jihudiko tulucʼe jom-ńũiyetʼ tahẽkana. Menkhan tinre onko dolren hoṛko hecʼena unre uni do onko botorte be-Jihudiko sãote gatekʼe bạgiketʼte apnar do onko khone begarena.

Galathiko lạgitʼ Pạul Apostolakʼ ciṭhi 2:9

Onko manotan hoṛ, metakʼme Jakob, Kephas ar Johan do noako ńelteko bujhạu daṛeatʼ tahẽkana, Isor ṭhen khon dayań ńamakada mente. Onko ar ạliń talare oka helmel menakʼ ona udug lạgitʼ onko do Barnabas ar iń tulucʼ jojomtiko milạukeda. Arko rạjiyena, ạliń do boṅgan hoṛ jạtrenko ṭhenliń calakʼa ar onko do Jihudiko ṭhenge.

Jakob 1:19

Ińren dulạṛiạ boehako, ińakʼ noa katha hetawakʼtińpe, ape mimitʼko ańjom lạgitʼ gagojokʼpe, menkhan usạrate katha alope roṛgoda se alope raṅgao godokʼa;

Galathiko lạgitʼ Pạul Apostolakʼ ciṭhi 1:19

Unre Probhu Isorren boeha Jakob chaḍa eṭakʼ jãhãe apostolko sãote ińakʼ ńapam do baṅ hoylena.

Aposkạmi 22:1

“E boehako ar Babako, ńitokʼ iń do apnarteń roṛ dogokʼkana, ańjomtińpe baṛe.”

Aposkạmi 21:18

Ar dosar hilokʼ Pạul do ale sãote Jakob ńeńele senena. Onḍe do manḍerren sanam murubbikoko tahẽkana.

Aposkạmi 7:2

Stephan do roṛ ruạṛketʼteye menkeda, “E boehako ar babako ińakʼ katha ańjompe. Aboren hapṛam Abraham do Haran nagrahare ạuriye berelokʼre Mesopotamiạ disạmreye tahẽkana ar unre ṭhonokren Isor do uni ṭhen ńel ocoyenteye metade tahẽkana,

Aposkạmi 2:29

“E boehako, noa katha do khạṭigeń men daṛeakʼa je, raj bõsren baba Dạud doe gocʼena ar topa hõe topa ocoakana ar uniyakʼ topa do teheń hõ nonḍe menakʼa.

Aposkạmi 2:22

“E Israelko, noa katha ańjompe. Nasaretren Jisu hotete Isor do ape talare bhage ar hahaṛa kạmikote ape ṭhene sạbud akada je, uni do Jisui kolledea; ar noa katha do ape hõpe baḍaegea.

Aposkạmi 2:14

Unre Patras do onko gelmitʼ celako sãote teṅgokate ãṭ aṛaṅte hoṛkoe metatʼkoa, “E Jihudiren hoṛko ar okoe do Jerusalemrepe tahenkan, ape do baḍae dohokakʼpe ar monte ińakʼ kathako ańjompe.

Mark 15:40

Ar maejiuko hõ sạṅgińre teṅgokateko ạri bạndhiyetʼ tahẽkana. Onko modre Magdalaren Mạriạm, huḍiń Jakob ar Josestekinren eṅgat Mạriạm ar Salomitekoko tahẽkana.

Aposkạmi 15:14

Isor do acʼren hoṛko hoyokʼ lạgitʼ boṅgan hoṛ jạtrenko modkhon thoṛa hoṛ bachaokateye udukʼakada je, boṅgan hoṛ jạtrenko lạgitʼ hõ uni doe dạndikʼ kana. Ar noa kathage Simon Patras do aboe lại akatʼ bona.