Aposkạmi 14:17 - সান্তালী বাইবেল

¹⁷ menkhan enhõ uni do jao okte acʼ reaṅ gohae emakada. Ente uni do serma khon dakʼe emokʼkana ar okte nạpitre phosole dan abonkante dayae udukʼape kana. Uni do asambheṛ jomakʼe dan apekante apeakʼ mon do rạskạteye perecʼetʼtapea.”

Santali Common Language New Testament

¹⁷ menkhan enhõ uni do jao okte acʼ reaṅ gohae emakada. Ente uni do serma khon dakʼe emokʼkana ar okte nạpitre phosole dan abon kante dayae udukʼape kana. Uni do asambheṛ jomakʼe dan apekante apeakʼ mon do rạskạteye perecʼetʼtapea.”

Aposkạmi 14:17 Referans Kwoze

Joel 2:23

E Sionren hoṛko, ma kusikokʼpe, aperen Probhu Isor iạte rạskạkʼpe, ente uniyakʼ dhorom iạte uni do laha dakʼe emapekana. Uni do ape lạgitʼ asecʼ tasecʼ dakʼe emokʼkana, pạhil lekage uni do laha ar tayom dakʼe emapekana.

Jobakʼ 5:10

Uni do dhạrtire jạṛi dakʼe emokʼ kana ar jumire dakʼe koleda.

Dosar Biboron 11:14

Arpe onkae khan Probhu Isor do okte nạpitre, apeakʼ disạmre dakʼe kola ar onate ḍher anaj, darkha jo ar sunumpe ńama.

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼ, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beoharjoṅ lạgitʼ.

Jeheskel 34:26

Iń do onkoń bhorakoa ar ińakʼ buru reakʼ beṛhaeteakʼ ṭhạ̃iko hõń bhorakʼa. Iń do okte nạpitre dakʼ iń kola; ar ona do ạsirbad reakʼ dakʼge hoyokʼa.

Jirimiạ 5:24

Onko do mone monete hõ bako mena, ‘dela, aboren Probhu Isor bon botorae ma, ente uni do jao okte lolo ar rabaṅ dinreye dakʼ abon kana, ar phosol irokʼ jokhecʼ hõ jaogeye rukhiyạyetʼ bona.’

Sereńko 145:9

Probhu Isor do sanamko lạgitʼe bhạlạiyạnicʼ kana; uniyakʼ sirjạu reakʼ jotowakʼ cetanre mãyã menakʼtaea.

Dosar Biboron 28:12

“Apeakʼ disạmre okte nạpitre dakʼkoe kolte apeakʼ sanamakʼ kạmiko lạgitʼ Probhu Isor do acʼakʼ murại khon, metakʼme sermae jhicʼapea. Onate aema jạtrenko rinpe emakoa, menkhan ape do okoe ṭhen khon hõ rin bape hataoa.

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ reakʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Jirimiạ 14:22

Jạt jạtkoren ạuṛiyakʼren boṅga murhutʼko do cetʼ dakʼko ạgu daṛeakʼgea? Serma do cetʼ jạṛi dakʼe em daṛekea? E aleren Probhu Isor, eken amgem daṛeakʼa. Am cetanrege ale do asle dohoyeda, ente amge noakom kạmikana.

Sereńko 52:1

E daṛeanicʼ bir banṭa, cedakʼ am do bạṛicʼakʼko iạtem gorbokʼkana? Isorakʼ dulạṛ reakʼ mucạtʼtetʼge bạnukʼanaṅ.

Jobakʼ 37:6

Ente him doe metakʼ kana, ‘pirthimire ńurokʼme,’ Ar dakʼ doe metakʼ kana, ‘jhomorate dagme.’

Nehemiạ 9:25

Onko do pạcrite esetʼ ḍher nagraha ar bhage jumikoko dokholana; ar bhage bhage jiniste perecʼ oṛakʼ-duạr ar benao ṭhikakʼ kuńko, darkha bagwanko, jạitun bagwanko ar ạḍi utạr jo teakʼ dareko ạidạriana. Onko do jomkateko tirpitena arko moṭayena ar amakʼ maraṅ bhạlạiteko hesecʼ sekrecʼlena.

1 Rapajko 18:1

Inạ ḍher din tayom, bae dakʼetʼ tahẽkan tesarakʼ bochorre Probhu Isor do Eliại metadea, “Do Ahab sãote ńapamokʼme. Ar iń do disạmre dakʼ iń kola.”

Mathae 5:45

Jemon hoṛko ńelpe ape do sạrige serma Babaren hoponko kanape mente. Uni do jotoko cetanre acʼren siń candoe rakapʼ ocoyedea ar dhoromko ar bedhoromkoe dakʼako kana.

Jesaea 22:13

Menkhan ńelpe, ape do onḍe ḍaṅgra ar bheḍape guretʼkoa, jel ar darkha rasape ńũiyetʼte rạskạ arpe hulạsokʼ kana. Arpe meneda, “Dela, bon jom-ńũwanrege, ente gapa do bon gujukʼa.”

Jobakʼ 36:31

Noakote uni do jạt jạtrenkoe bicạretʼkoa ar asambheṛ jomakʼe emako kana.

Sereńko 4:7

Ḍher phosol ar nãwã darkha rasa rakapʼlenre cetʼ leka hoṛkoko rạskạkʼ, ona khon ḍher rạskạte am do ińakʼ ontorem perecʼ akada.

Jesaea 40:21

Ape do cetʼ bape baḍaea? Ape do cetʼ bape ańjomeda? Pạhil khonge cetʼ onako katha do baṅ lại akawatʼpea? Dhạrti rehedokʼ khonge cetʼ bape bujhạu akada?

Aposkạmi 14:18

Noako kathakin galmaraoatʼkore hõ janwar dãṛẽ khon hoṛko thir ocoko lạgitʼ unkin do ạḍi haronokʼ hoyentạkina.

Aposkạmi 17:26

Uni do mitʼṭen manwa khon sanam jạtren hoṛkoe sirjạu akatʼkoa jemon goṭa dhạrtireko girobasokʼ. Onko do tinre okakoreko girobasokʼa ona hõ acʼakʼ sana lekae goṭa dohoakada.