Aposkạmi 13:48 - সান্তালী বাইবেল

⁴⁸ Noa katha ańjomkate boṅgan hoṛ jạtrenko doko rạskạyena ar Probhu Isorakʼ kathako sarhaokeda; ar jaejug jion ńam lạgitʼ Isor tinạkʼe niṭ dohoakatʼko tahẽkan onko doko pạtiạuena.

Santali Common Language New Testament

⁴⁸ Noa katha ańjomkate boṅgan hoṛ jạtrenko doko rạskạyena ar Probhuakʼ kathako sarhaokeda; ar jaejug jion ńam lạgitʼ Isor tinạkʼe niṭ dohoakatʼko tahẽkan onko doko pạtiạuena.

Aposkạmi 13:48 Referans Kwoze

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana, Jisu Mạsi hotete acʼren hoponko lekateye ataṅ bona mente.

Romiko lạgitʼ Pạul Apostolakʼ ciṭhi 11:7

Enḍekhan bujhạukʼ kana, Israelko okaṭakʼ ńam reakʼko kurumuṭuyetʼ tahẽkan ona do bako ńamleda, menkhan Isor okoekoe bachao doho akawan tahẽkan onkoge ona doko ńamakada, ar eṭakʼkoakʼ mon do dhiri leka keṭecʼ akantakoa.

Johan 10:16

Arhõ bhiḍiko menakʼkotińạ one okoe do noa khạṛrenko baṅkan; onko hõ ạguko hoyokʼtińạ. Onko do ińakʼ aṛaṅko ańjoma ar onate mitʼ khạṛ bhiḍiko hoyokʼa ar gupiyicʼ hõ mitʼṭenge.

Johan 11:52

Ar eken Jihudi jạtrenko lạgitʼ do baṅa, menkhan Isorren chirchạtur akan gidrạko samṭaoko lạgitʼ hõ uni doe gujukʼa.

Aposkạmi 2:41

Ado uniyakʼ kathare okoeko pạtiạuen onko doko bạptisena ar enhilokʼ onko sãote pe hajar hoṛko juṭucʼena.

Aposkạmi 22:10

Adoń menkeda, ‘E Probhu iń do cetʼ iń cekaea?’ “Probhu Isore menkeda, ‘ma beretʼme, ar Damesekte calakʼme. Ar am lạgitʼ oka ṭhik doho akan ona do onḍegem baḍae ocokʼa.’

Luk 7:8

Iń do noa kathań baḍaea, ente iń hõ eṭakʼicʼakʼ katha leka calakʼ hoyokʼtińạ ar sipạhikohõ ińakʼ katha lekako calakʼ kana. Iń do mitʼṭecʼ ‘calakʼiń metae khan’ uni doe calakʼa, ar eṭagicʼ ‘hijukʼiń metae khan’ uni doe hijukʼa, ar ińren gutiń metae khan ‘noa kạmime’ uni doe onkaea.”

Romiko lạgitʼ Pạul Apostolakʼ ciṭhi 13:1

Sanamkoge disạm cakʼlaoko tabereko tahenma; ente Isor okoeye hoeocoye uni chaḍa ar okoe hõ ektiạrianicʼ do bae hoedaṛeakʼa. Isorge disạm cakʼlaokoe bahal akatʼkoa;

Aposkạmi 28:23

Onko do Pạul são ńapamokʼ lạgitʼ mitʼṭecʼ dinko goṭakeda. Ar Pạul okareye tahẽkan onḍe do onko chaḍa arhõ aema hoṛko hecʼena. Unre Pạul do setakʼ khon ạyupʼ hạbicʼ Isorakʼ raj reaṅe galmaraoatʼkoa are bujhạuatʼkoa. Uni do Moseyakʼ ạn-ạri ar nạbikoakʼ puthi khon hõ Jisu reaṅe bujhạu akokan tahẽkana.

Aposkạmi 2:47

Onko do jao ghuṛi Isorko sarhaoede tahẽkana ar sanam hoṛge onkoko manotetʼko tahẽkana. Ar okoe kại khon bańcaokʼko ńametʼ tahẽkan Probhu do biswạsiko tulucʼ jao hilokʼ onkoe juṭucʼ idiketʼkoa.

Aposkạmi 20:13

Ale do lahare senkate jahajre decʼkate Assos bondor secʼle monḍhayena. Onḍe khon ale do Pạul deje reakʼ katha tahẽkantalea. Uni do onkageye metatʼle tahẽkana, ente taṛam horte onḍe calakʼe goṭawan tahẽkana.

Mathae 28:16

Ado Jisu Gạlil reakʼ okaṭakʼ burute calakʼe metatʼko tahẽkan onko gel mitʼ celako do ona buruteko calaoena.

Sereńko 138:2

Amakʼ sonot oṛakʼ secʼ samaṅkateń ḍoboga, ar amakʼ asambheṛ dulạṛ ar pạtiạrtetʼ iạte amiń gun manao joharama; ente amakʼ gokʼakʼ purạu lạgitʼ oka lekam sodorakan ona do amakʼ namḍak khon hõ maraṅgea.

2 Thessalonikiko 3:1

E boehako mucạtʼ katha do noage, ale lạgitʼ koepe cetʼleka Probhu Isorakʼ katha ape talare usạra pasnaolen onkage ona do pasnao idikʼte ṭhonokokʼtege tahena.

1 Korinthiko 16:15

E boehako baḍaegeape, Stephan gharońjren hoṛkoge Akhaearen pạhil biswạsi kanako mente, ar Isorren hoṛko sapʼ dapʼako lạgitʼ onko do apnargeko jamaṛ akana.

Aposkạmi 15:31

Hoṛko do ona ciṭhiko paṛhaokeda ar onare oka jiwi raṛecʼ reakʼ katha tahẽkan onate ạḍiko kusiyena.

Aposkạmi 15:2

Onate Pạul ar Barnabas sãote onko hoṛ doko apṭha ạpṭhiyena. Onko doko goṭakeda je, Pạul ar Barnabas do Antiokiạren thoṛa biswạsiko soṅgekate Jerusalemkin calakʼa ar apostolko ar manḍerren mukhiyạko tulucʼ noa reaṅko galmaraoa.

Aposkạmi 13:42

Ado Pạul ar Barnabas sunạgog khonkin oḍok calakʼkan tahẽkan jokhecʼ hoṛkoko nehõratʼkinạ jemon hijukʼkan jirạukʼ mãhãre noako reaṅ arhõkin galmaraoako.

Aposkạmi 8:8

Onate ona nagraharen hoṛ do ạḍiko rạskạyena.

Mathae 25:46

Ona tayom Jisui menkeda, “Noko hoṛ do jaejug sạjạiteko calakʼa, menkhan dhoromko do jaejug jionko ńama.”

Aposkạmi 13:12

Noako ńelte uni disạm cakʼlaoyicʼ do Probhu Isorreye biswạsena, ente Probhu Isor babotre oka cecetʼakʼe ńamletʼ onate uni doe hahaṛalena.

Romiko lạgitʼ Pạul Apostolakʼ ciṭhi 8:28

Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ domteye kạmikana.

Ephesiko lạgitʼ Pạul Apostolakʼ ciṭhi 1:11

Isor do acʼakʼ bud ar akelte apnarakʼ kusileka jotowakʼgeye kạmiyeda. Acʼakʼ monsubạ leka laha khon okaṭakʼe niṭ dohoakatʼ tahẽkan onkage Mạsi hotete acʼren hoṛko hoyokʼ lạgitʼ uni do aboe bachao dohoakatʼ bona.