Aposkạmi 13:46 - সান্তালী বাইবেল

⁴⁶ Unre Pạul ar Barnabas do dilkate kin roṛ ruạṛatʼkoa, “Pạhilre ape ṭhen Isorakʼ katha lạlại jạruṛ tahẽkan tạlińa, menkhan tinre ape do bape moneyada ar jaejug jion ńam lạgitʼ apete lek bape bujhạulena unre ạliń do boṅgan hoṛ jạtrenko secʼliń ạcurokʼkana.

Santali Common Language New Testament

⁴⁶ Unre Pạul ar Barnabas do dilkate kin roṛ ruạṛatʼkoa, “Pạhilre ape ṭhen Isorakʼ katha lạlại jạruṛ tahẽkan tạlińa, menkhan tinre ape do bape moneada ar jaejug jion ńam lạgitʼ apete lek bape bujhạulena unre ạliń do boṅgan hoṛ jạtrenko secʼliń ạcurokʼkana.

Aposkạmi 13:46 Referans Kwoze

Aposkạmi 28:28

“Onate baḍae joṅpe, Isorakʼ noa bańcao do boṅgan hoṛ jạtrenko ṭhen kol akana; onkoge ańjom hõko ańjoma.”

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Mathae 21:43

Onateń metapekana, Isorakʼ raj do ape ṭhen khon rejogokʼa ar nonkan hoṛko ṭhen emogokʼa, one okoeyakʼ jionre ona rajosṭi reakʼ jo ńelokʼkan.

Aposkạmi 3:26

Ar ape mimitʼko apeakʼ bạṛicʼ hor khon ạcurokʼte bhorape lạgitʼge Isor do ape ṭhen acʼren Guti Jisui kolledea.”

Romiko lạgitʼ Pạul Apostolakʼ ciṭhi 2:10

Menkhan bhageakʼ kạmikanko do ṭhonok, man ar sulukko hameṭ joṅa. Pạhilre Jihudiko ar ona tayom do boṅgan hoṛ jạtrenkoge.

Romiko lạgitʼ Pạul Apostolakʼ ciṭhi 1:16

Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.

Aposkạmi 22:21

“Unre Probhu Isor do ińe metadińạ, ‘Do calakʼme, ente iń do sạṅgińte boṅgan hoṛ jạtrenko ṭheniń kolmea.’ ”

Aposkạmi 13:26

“E boehako, Abrahamren hoponko ar Isor botoraekanko, kại khon bańcao reakʼ noa khobor do abon ṭhenge kolakana.

Johan 1:11

Uni do acʼrenko ṭhene hecʼlena, menkhan acʼren hoṛge bako ataṅledea.

Jesaea 55:5

Sạrige, ape do boṅgan hoṛ jạtrenkope hohoakoa, okoe do bako oromakatʼpe, onko do ape ṭhenko ńir hijukʼa. Aperen Probhu Isor, Israelren uni sonoticʼ lạgitʼge onko doko hijukʼa, ente uni do apeye ṭhonok ocoakatʼpea.”

Aposkạmi 7:51

E keṭecʼ hoṭokʼanko! Be-Jihudiko lekage apeakʼ lutur ar ontor do, ar apehõ ṭhik aperen hapṛamko leka kanape. Ape do jaoge sonot Jiupe tạkicʼ daramedekana.

Luk 24:47

Arhõ ol menakʼa, Jerusalem khon ehopʼkate sanam jạtrenko ṭhen kại ikạkʼ lạgitʼ mon ạcur porcarokʼa.

Philipiko lạgitʼ Pạul apostolakʼ ciṭhi 1:14

Ona chaḍa noa hajotre minạń khạtirte ḍher boehakoge Probhu Isorre arhõ bạ̃ṛti ṭehãḍokʼko cetʼakada ar onate onko do begor botorokʼte Isorakʼ katha porcar lạgitʼ arhõ dilanko hoyakana.

Dosar Biboron 32:21

Isore baṅkan nonkanicʼko sewawaekante ar bako botorạńkante onko do ińko ãṭ ocoakadińa; ar onkoren boṅga murhutʼko iạte ińko khĩs ocoakadińa. Okoe do jạtrenko baṅkan onkoakʼ tire soprotkate onkoń jaljalao ocokoa; ar mitʼṭen bebuj jạtrenkoakʼ tire soprotkate onkoń khĩs ocokoa.

Aposkạmi 13:14

Tayomte onko do Perga khon Pisidiạ disạm reakʼ Antiokiạ nagrahateko senena ar jirạukʼ mãhãre sunạgogre bolokateko duṛupʼena.

Aposkạmi 13:5

Salamisre seṭerkate unkin do Jihudikoakʼ sunạgogkore Isorakʼ kathakin porcarkeda. Unre goṛoyicʼ lekate Johan hõ unkin sãoteye tahẽkana.

Aposkạmi 4:13

Ado Patras ar Johanakʼ dil ńelte ar bin bidiyạwan ar ne hoṛkanakin menteko baḍaeketʼ khan onko mukhiyạko doko hahaṛayena, ar noa hõko bujhạukeda je unkin hõ Jisu sãotekin tahẽkana.

Johan 4:22

Ente ape do okaṭakʼ bape baḍaekan onape sewawakʼ kana, menkhan ale okaṭakʼle baḍaeakatʼ onagele sewawakʼ kana, ente kại khon bańcaokʼ do Jihudiko khonge hecʼakana.

Mathae 10:6

menkhan Israel jạtren atʼakan bhiḍiko ṭhen calakʼpe.

Kạhtukko 28:1

Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.

Ibriko 11:34

ar jolokʼ seṅgel reakʼ daṛeko nimbhạuleda, tarwaṛe khonko rukhiyạlena, nijor khonko daṛe ocolena, lạṛhạire daṛeko udukʼleda ar bidisiạ palṭonkoko laga ńirletʼkoa.

Jeheskel 2:5

Onko do amakʼ katha bako ańjoma, ente onko do huhul jạtren kanako; enhõ onko doko baḍae daṛeakʼa, onko talare mitʼṭecʼ nạbi do menaegea.

Mathae 21:41

Sostor baḍaekoko menkeda, “Uni do onko bạṛicʼ hoṛkoe maraokoa ar okoe cacasako okte nạpitre acʼakʼ jo reakʼ bhagko emae onko ṭhene bạisạu oṭokakʼa.”

Mathae 25:46

Ona tayom Jisui menkeda, “Noko hoṛ do jaejug sạjạiteko calakʼa, menkhan dhoromko do jaejug jionko ńama.”

Aposkạmi 9:20

Ona tayom uni do bin bilomte eṭakʼ eṭakʼ sunạgogkore noa menkate porcare ehopʼena je, Jisu kangea Isorren Hopon do.

Aposkạmi 19:9

Menkhan onko modren adomkoakʼ mon do goṛdhoge tahẽkante bako pạtiạulena ar sanamko samaṅre Jisuakʼ hor reaṅ ạḍi leka opomanko ehopʼena. Unre Pạul do onko bạgiyatʼkoteye calaoena. Uni do celakoe soṅgeketʼkote Turanus ńutuman mitʼṭecʼ iskulre senkate dinạm hilokʼe lại bujhạuako kan tahẽkana.