Aposkạmi 13:45 - সান্তালী বাইবেল

⁴⁵ Ar nunạkʼ hoṛakʼ bhiṛ ńelte Jihudiko do hiskạteko perecʼena ar Pạul okae menetʼkan tahẽkan ona upạrte aema lekan kathakote nisṛạueko ehopʼena.

Santali Common Language New Testament

⁴⁵ Ar nunạkʼ hoṛakʼ bhiṛ ńelte Jihudiko do hiskạteko perecʼena ar Pạul okae menetʼkan tahẽkan ona birudre aema lekan kathakote nisṛạueko ehopʼena.

Aposkạmi 13:45 Referans Kwoze

Jihudạwakʼ ciṭhi 1:10

Menkhan noko bhonḍ cecetʼko do oka bako bujhạu akatʼ ona reaṅ bạṛicʼ kathako roṛa ar bebuj janwarko leka akote okaṭakʼko bujhạuakatʼ onategeko marao utạrokʼa.

Aposkạmi 18:6

Menkhan Jihudiko do tinre Pạul upạrte katha roṛ ar uni opomaneko ehopʼena unre Pạul do onko upạrte acʼakʼ kicricʼkoe koṭakeda are metatʼkoa, “Apeakʼ mãyãm do apeakʼ bohokʼrege paṛaokʼma. Noa babotre ińakʼ jãhãn dos do bạnukʼtińạ. Ńit khon iń do boṅgan hoṛ jạtrenko ṭhengeń calakʼa.”

1 Thessalonikikko 2:16

Onko do aleko tạkicʼ darametʼlea jemon boṅgan hoṛ jạtrenko kại khon bańcaoko lạgitʼ jãhãn kathako alole lại daṛeako. Nonkate onko Jihudiko do siń sạṭupʼ kại cetan kạiko bojha joṅkana, ar Isorakʼ edre do purạte onkore hecʼ paṛaokʼ kana.

Aposkạmi 19:9

Menkhan onko modren adomkoakʼ mon do goṛdhoge tahẽkante bako pạtiạulena ar sanamko samaṅre Jisuakʼ hor reaṅ ạḍi leka opomanko ehopʼena. Unre Pạul do onko bạgiyatʼkoteye calaoena. Uni do celakoe soṅgeketʼkote Turanus ńutuman mitʼṭecʼ iskulre senkate dinạm hilokʼe lại bujhạuako kan tahẽkana.

Aposkạmi 5:17

Unre maraṅ naeke ar acʼ sãoten Sạdukiko do ạḍi bạṛicʼko edreyena.

1 Patras 4:4

Menkhan ńitokʼ do onko hoṛge ape ńelteko hahaṛakʼkana, ape do onkoakʼ bạṛicʼ lucạ lamoṭkore ar bape seledokʼkana, onate onko do apeko dusạuetʼpea.

1 Korinthiko 3:3

ente ńit hõ jel gobolrege menakʼpea. Ape talare hiskạ ar reṭha reṭhiko menakʼ khan enḍekhan cetʼ jelrenko dope baṅkana? Manwako leka do cetʼ bape coloneda?

Aposkạmi 17:5

Menkhan Jihudiko do hiskạte bajar khon adom bạṛicʼ hoṛko ńam jarwaketʼkote nagrahare gulmalko ehopʼkeda. Ona tayom Pạul ar Silạs ńamkate hoṛko ṭhen ạgukin lạgitʼ onko do Jasonakʼ oṛakʼre jhãpko emkeda,

Mathae 27:18

Ente Pilạt doe baḍaekan tahẽkana, onko do hiskạ iạte Jisuko soprot akadea.

Jakob 4:5

Ape do cetʼpe hudiseda, sonot sostorre ạuṛiyakʼge noa kathae meneda je, sonot Jiu, one Isor do aboakʼ ontorreye emakade, uni do aboakʼ bhokti ńam lạgitʼe koyokʼ hor akada mente?

Galathiko lạgitʼ Pạul Apostolakʼ ciṭhi 5:21

bhinạ bhini, dola duli, hiskạ, ńu bulokʼ, rij roṅ, arhõ onkanakʼko. Iń do cetʼ leka noa lahareń sontorletʼpe ńitokʼ hõ onkageń metapekana, ar nonka kạmikanko do Isorakʼ raj baṅgeko ạidạri joṅa.

Romiko lạgitʼ Pạul Apostolakʼ ciṭhi 1:29

Jotolekan bedhorom, dusṭạmi, laloc, nicạṛakʼ, hiskạ, khũn, kạphạriạu, eṛe ar eṭakʼkoakʼ loksantako reakʼ sanateko perecʼ akana. Onko do eṭakʼ hoṛ reaṅko cuglia,

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

Sosolhayic̕ 4:4

Ińiń ńelkeda, ạḍepaseren hoṛ cetanre hiskạ iạte manwa do joto lekanakʼe khaṭaokʼ kana ar joe ńameda. Ar niạ hõ ạuṛiyakʼ kana, eken hoe tayomte ńir calakʼ chaḍa ar cetʼge baṅkana.

Numeri 11:29

Moseye roṛ ruạṛkeda, “Ińakʼ manotge am ṭhen do maraṅena? Ińiń khojogokʼakʼ do noage Probhu Isorren sanam hoṛge jemon nạbiko hoyokʼ ar Probhu Isor do acʼren Jiu onko cetanreye emokʼ.”

Genesis 37:11

Niạ tayom Joseph iạte acʼren boehako do hiskạte mon perecʼentakoa, menkhan uniren apat do noako katha monreye rebetʼ dohokada, ar okoehõ bae lạiyatʼkoa.

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Aposkạmi 13:50

Menkhan Jihudiko do Isor bhoktiae bhodro maejiuko ar nagraharen manotan hoṛkoko udgạuketʼkoa. Nonkate onko do Pạul ar Barnabas upạrte khedko calaoketʼte ona ṭoṭha khonko oḍok gotʼkatʼ kinạ.

Aposkạmi 14:2

Menkhan okoeko Jihudi bako pạtiạulen onko do boṅgan hoṛ jạtrenkoko uskurketʼkote biswạsi boehako upạrte onkoakʼ monko bạṛicʼketʼtakoa.

Aposkạmi 14:4

Onate nagraharen hoṛko doko begarena; adomko do Jihudiko secʼ ar adomko do apostol secʼko calaoena.

Aposkạmi 14:5

Unre boṅgan hoṛ jạtrenko ar Jihudikoren mukhiyạko do jarwa mitʼkate Pạul ar Barnabas santaokin ar dhirite tińkin lạgitʼko solhawana.

Aposkạmi 14:19

Ado Antiokiạ ar Ikonium khon adom Jihudiko hecʼkate Pạul ar Barnabas upạrte hoṛkoko bhiṅgṛạuketʼkoa. Unre Pạul do dhiriteko tińkedea ar gocʼenae hudiskate nagraha bahreteko or idikadea.

2 Korinthiko 11:26

Aema disạmiń dãṛã akada. Ḍubạ dakʼ, ḍạkuko hotete, apnar jạtren hoṛ ar boṅgan hoṛ jạtrenko hotete muhinreń paṛaolena. Ona chaḍa iń do nagrahakore, hahaṅkar jaegare, doreãore ar phạsiạra boehako talarehõ muhinreń paṛaolena.

2Timothi 3:11

Ona chaḍa Antiokiạre, Ikoniumre ar Lustrạre paṛao ạdiń tahẽkan santaokoń sahao akatʼ reakʼ katha hõm baḍaegea, menkhan Probhu Isor do onako khone rukhiyạ akadińạ.