Aposkạmi 13:42 - সান্তালী বাইবেল

⁴² Ado Pạul ar Barnabas sunạgog khonkin oḍok calakʼkan tahẽkan jokhecʼ hoṛkoko nehõratʼkinạ jemon hijukʼkan jirạukʼ mãhãre noako reaṅ arhõkin galmaraoako.

Santali Common Language New Testament

⁴² Ado Pạul ar Barnabas sunạgog khonkin oḍok calakʼkan tahẽkan jokhecʼ hoṛkoko nehõratʼkinạ jemon hijukʼkan jirạukʼ mãhãre noako reaṅ arhõkin galmaraoako.

Aposkạmi 13:42 Referans Kwoze

Aposkạmi 28:28

“Onate baḍae joṅpe, Isorakʼ noa bańcao do boṅgan hoṛ jạtrenko ṭhen kol akana; onkoge ańjom hõko ańjoma.”

Aposkạmi 13:14

Tayomte onko do Perga khon Pisidiạ disạm reakʼ Antiokiạ nagrahateko senena ar jirạukʼ mãhãre sunạgogre bolokateko duṛupʼena.

Aposkạmi 10:33

Onate iń do am hoho ạgume lạgitʼ unrege hoṛiń kolketʼkoa, ar amem hecʼente dom bhageakatʼgea. Nonḍe ale do ńitokʼ sanamkoge Isor samaṅre menakʼlea. Ar Probhu Isor okaṭakʼ ale ṭhen galmarao lạgitʼe hukum akatʼme ona jotowakʼgele ańjoma.”

Mathae 19:30

Menkhan lahatenko aema doko tayomokʼa, ar tayomtenko doko lahakʼa.”

Mathae 11:21

“Hae amre, E Khorashin, hae amre E Bethsaeda! Aben talare oka hahaṛa kạmiko hoyakan, ona do Tur ar Sidon reakʼ nagrahare hoylen khan ḍher din laharege onko do gõṛẽ kicricʼ horokʼkate ar torocʼre duṛupʼkate kại khon monko ạcurketakoa.

Jeheskel 3:6

Okoekoakʼ katha bam bujhạu onkan ạnạṛi ar kuṭhin pạrsi roroṛ ḍher jạtrenko ṭhen do bam kol ocokʼkana. Onko ṭheniń kollem khan khạṭige onko do amakʼ kathako ańjomkea.

Mathae 9:18

Jisu noakoe galmarao akokan tahẽkanre Jihudikoren mitʼṭen mukhiyạ hoṛ do hecʼkate ḍobokʼadeteye metadea, “Hoponerań do ńitgeye gocʼena. Menkhan enhõ senkate capoyem, ar inạtege uni doe jiwedokʼa.”