Aposkạmi 13:41 - সান্তালী বাইবেল

⁴¹ Ape okoe do Isor sãotepe khiloḍkan, ańjompe ape do bhaṛokʼpe ar mohor meṭaokʼpe; ente ape bidạlrege iń do nonkanakʼ iń kạmiya one uniyakʼ katha ohogepe pạtiạulen, jãhãeye lạiyapere hõ baṅa.”

Santali Common Language New Testament

⁴¹ Ape okoe do Isor sãotepe khiloḍkan, ańjompe Ape do bhaṛokʼpe ar mohor meṭaokʼpe; ente ape bidạlrege iń do nonkanakʼ iń kạmiya one uniakʼ katha ohogepe pạtiạulen, jãhãeye lạiapere hõ baṅa.”

Aposkạmi 13:41 Referans Kwoze

Habakkuk 1:5

Probhu Isore menkeda, “Jạt jạtrenko secʼ beṅgedpe, enḍekhanpe ṭhak utạrokʼa, ente ape bidạlrege nonkanakʼ iń kạmiya one ona reakʼ kathań lại apere hõ ohogepe pạtiạulena.

1 Patras 4:17

Bicạr reakʼ okte do hoyakana ar ona do Isorakʼ gharońjren hoṛko khonge ehobokʼa. Ar ona bicạr do abo khonge ehopʼlen khan, enḍekhan okoe Isorakʼ bhage sombat bako manao akatʼ onko do cetʼ dosa hoyokʼtakoa?

Kạhtukko 5:12

Amem mena, “Hae! Iń do ḍanṭaoiń kurud akada, ar ińakʼ ontor do sudhrạukʼ reakʼ kathae nihạ̃t akada.

1 Thessalonikikko 2:16

Onko do aleko tạkicʼ darametʼlea jemon boṅgan hoṛ jạtrenko kại khon bańcaoko lạgitʼ jãhãn kathako alole lại daṛeako. Nonkate onko Jihudiko do siń sạṭupʼ kại cetan kạiko bojha joṅkana, ar Isorakʼ edre do purạte onkore hecʼ paṛaokʼ kana.

Aposkạmi 13:47

Ente Probhu Isor do noa kathae men akada, ‘boṅgan hoṛ jạtrenko ṭhen iń do mitʼṭecʼ marsal lekań dohoakatʼmea, jemon am hotete goṭa dhạrtiren hoṛ do kại khon bańcaoko ńam.’ ”

Aposkạmi 22:21

“Unre Probhu Isor do ińe metadińạ, ‘Do calakʼme, ente iń do sạṅgińte boṅgan hoṛ jạtrenko ṭheniń kolmea.’ ”

Luk 16:14

Ado noako katha ańjomkate Phạrusiko do Jisu siṛogaeko ehopʼena, ente onko do ṭaka-poesage bạ̃ṛtiko dulạṛetʼ tahẽkana.

Jesaea 65:15

Ińren bachao akan hoṛko do jãhãe henostako lạgitʼ apeakʼ ńutumko ńumtapea. Probhu Isor do apeye gocʼpea, menkhan acʼren golamko do ar mitʼṭecʼ ńutume emakoa.

Jesaea 5:24

Onatege seṅgel reakʼ alaṅ do cetʼleka busupʼe loyetʼ ar seṅgel reakʼ lepʼre rohoṛ ghãsko jarkharokʼkan, onkage onkoakʼ benaoakʼ do seakʼtakoa ar dhuṛi lekage onkoakʼ baha do oṭaṅokʼtakoa; ente onko do phạdkoren Probhu Isorakʼ hukumko bebatao akada ar Israelren uni sonoticʼakʼ kathako lebetʼ gańjao akada.

Aposkạmi 3:23

Ar okoe uniyakʼ katha bae ańjom uni do acʼren hoṛko khone marao giḍiyea.’

Aposkạmi 6:14

Ale do noa katha roroṛle ańjomakadea, Nasaretren uni Jisu do noa mundile rạputʼ giḍiya ar Mose oka ạn-ạrikoe emakatʼbon onako hõe pheraoa.”

Luk 23:35

Ar hoṛko do teṅgokateko ńeńelkan tahẽkana. Khan sostor baḍaeko do Jisu siṛogadeteko menkeda, “Uni ma eṭakʼkoe bańcaoetʼko tahẽkan. Uni do Mạsi, Isorren bachaoicʼ kanae; enḍkhan acʼ baṛeye bańcaokʼma!”

Jeheskel 33:9

Menkhan uni bedhorom hoṛ acʼakʼ bạṛicʼ hor khon ruạṛokʼ lạgitʼem cehaoe ar enhõ bae ruạṛ enḍekhan uni do acʼakʼ ghạṭ iạteye gujukʼa, menkhan am do amakʼ jiwim rukhiyạitama.