Aposkạmi 13:39 - সান্তালী বাইবেল

³⁹ Ape do Moseyakʼ ạn-ạri hotete kại reakʼ sạjại khon bape rukhiyạ akana, menkhan jãhãege Jisureye pạtiạukʼ, uni do kại reakʼ sạjại khon bańcaoe ńama.

Santali Common Language New Testament

³⁹ Ape do Moseakʼ ạn-ạri hotete kại reakʼ sạjại khon bape rukhiyạu akana, menkhan jãhãege Jisureye pạtiạukʼ, uni do kại reakʼ sạjại khon bańcaoe ńama.

Aposkạmi 13:39 Referans Kwoze

Galathiko lạgitʼ Pạul Apostolakʼ ciṭhi 2:16

Menkhan enhõ noa bon baḍaegea, Isor do manwa ạn-ạrikoe manaoetʼ iạte dhorom mente bae aṅgocea, bickom Jisu Mạsire pạtiạukʼ hotetegeye aṅgocea. Onate abo hõ Mạsire bon pạtiạu akana, jemon ạn-ạriko manao iạte do baṅ bickom Jisu Mạsire pạtiạukʼ iạte dhorom mente bon aṅgocokʼ; ente ạn-ạri manao iạte okoe hõ dhorom mente ohoko aṅgoclena.

Romiko lạgitʼ Pạul Apostolakʼ ciṭhi 10:4

Mạsige ạnkoe purạuketʼte ona reakʼ daṛe doe mạutạkeda, jemon acʼre okoeko pạtiạukʼ onko do Isor ṭhen dhorom menteko ataṅ ocokʼ.

Romiko lạgitʼ Pạul Apostolakʼ ciṭhi 8:3

Manwawakʼ kại gunạkʼte ạnko do nijor akan tahẽkana, ona iạte ạn oka bae daṛeakʼkan tahẽkan, Isor ona do acʼgeye onka akada. Uni do kại meṭao lạgitʼ acʼren bin-dusạn Hopon manwa muṭhạn emkateye kolkedea ar acʼren Hoponakʼ gujukʼ hotete kại reakʼe bicạrketʼte ona reakʼ daṛeye ocokʼkeda.

Romiko lạgitʼ Pạul Apostolakʼ ciṭhi 10:10

ente ontorre biswạs iạte Isor do manwa dhorom menteye lekhayea ar mocateye aṅgocetʼkante kại khone bańcaoea.

Romiko lạgitʼ Pạul Apostolakʼ ciṭhi 8:1

Okoe Jisu Mạsireko kolom mitʼakan Isor do onko sạjạiyokʼ lek kanako mente bae hudiskoa.

Romiko lạgitʼ Pạul Apostolakʼ ciṭhi 4:15

Ente ạn-ạri do Isorakʼ sạjạiye ạguiya. Sạri katha do noage, okare ạnko baṅ tahen onḍe do ạn bemanot reakʼ kukli hõ baṅ rakapʼlena.

Romiko lạgitʼ Pạul Apostolakʼ ciṭhi 3:19

Baḍaegea bon Moseyakʼ ạn do onko lạgitʼge one okoe do ona ạn gobolre menakʼko. Onate Jihudi ar boṅgan hoṛ jạtrenko okoe hõ jãhãnakʼ mementeakʼ do bạnukʼtakoa, sanam manwage Isor samaṅreko dusigea.

Romiko lạgitʼ Pạul Apostolakʼ ciṭhi 5:20

Ạn-ạriko emena jemon behokakʼko ḍherokʼ, menkhan okare behokakʼ ḍherena onḍege Isorakʼ daya hõ artetʼge bạ̃ṛtiyena.

Romiko lạgitʼ Pạul Apostolakʼ ciṭhi 5:9

Enḍekhan Mạsiyakʼ mãyãm hotete tinre abo do dhorom mente bon ataṅ ocoakana unre abon do Mạsi hotetege Isorakʼ sạjại khon khạṭige rukhiyạ bon ńama.

Johan 1:17

Mose hotete ạn-ạriko em hoylena, menkhan daya ar sạriyakʼtetʼ do Jisu Mạsi hotetege hecʼakana.

Ibriko 10:11

Mimitʼ naekeko do dinạmge teṅgokate Isorko sewawae kana ar mitʼ talao inạ mitʼlekage dãṛẽko samaṅeda, menkhan nonkan dãṛẽte kại do tishõ ohoko ocokʼ daṛelea.

Ibriko 10:4

Ente ḍaṅgra ar meromkoakʼ mãyãmte kại do tishõ baṅ meṭao daṛeakʼa.

Romiko lạgitʼ Pạul Apostolakʼ ciṭhi 5:1

Biswạs hotetege bon dhorom ocoakana ar ona iạtege Probhu Jisu Mạsi hotete Isor ar abo talare suluk do hoyakana.

Romiko lạgitʼ Pạul Apostolakʼ ciṭhi 4:24

aboko lạgitʼ hõ olakana. Biswạs iạte Isor do abo hõ dhorom menteye lekha bona, ente aboren Probhu Jisu gocʼko khon okoeye jiwetʼ beretʼkede, abo do unirege bon pạtiạu akana.

Aposkạmi 10:43

Ar sanam nạbikoge uni reaṅ noa gohako emetʼkana, unire pạtiạukʼ mitʼke mitʼ hoṛ do uniyakʼ ńutumte kại reakʼ ikạko ńama.”

Sereńko 143:2

Iń amren golam do alom bicạrińạ, ente amakʼ mẽtʼãhã samaṅre sanam jiwiyankoge dhorom doko baṅkana.

Jobakʼ 25:4

Enḍekhan Isor ṭhen manwa do cetʼ miridos bae hoyokʼa? Maejiuakʼ kukhi khon okoeye janam akan uni do cetʼ sapha bae hoedaṛekokʼa?

Jobakʼ 9:20

Miridosiń tahenre hõ ińakʼ moca do ińe dusiyińạ; ariń dhoromgere hõ enhõ ińakʼ moca do bedhoromicʼ menteye mitạńa.

Galathiko lạgitʼ Pạul Apostolakʼ ciṭhi 5:3

Sanamko ṭhen arhõ noa gohań emeda, okoeye khatnakʼkan uni do sanam lekan ạn-ạriko purạu reakʼ dae paṛaoaea.

Galathiko lạgitʼ Pạul Apostolakʼ ciṭhi 3:8

Sonot sostorre laharege olakan tahẽkana, biswạs iạtege Isor do boṅgan hoṛ jạtrenko dhorom menteye aṅgockoa. Abraham do noa kathage bhage sombat menteye baḍae ocolen tahẽkana, “Am hotetege sanam jạtrenko do bhorko ńama.”

Galathiko lạgitʼ Pạul Apostolakʼ ciṭhi 2:19

Ar ạn-ạriko hotete iń do ạn secʼteń gocʼena jemon Isor lạgitʼ jiwetʼ iń tahẽ daṛeakʼ.

1 Korinthiko 6:11

Ape modre adomko do onkageko tahẽkana, menkhan Probhu Jisu Mạsi ńutumte ar aboren Isorren Jiu hotete ape dope ạrupʼ sapha ocoakana, ar Isor lạgitʼpe sonot ocoakana arpe dhorom ocoakana.

Romiko lạgitʼ Pạul Apostolakʼ ciṭhi 9:31

Menkhan Israelko do ạn-ạri hotete Isorakʼ dhoromko khudạuletʼ tahẽkana, menkhan bako hoedaṛeada.

Johan 5:24

“Sạrigeń metapekana, Ińakʼ katha okoeye ańjom ar kol akadińicʼreye pạtiạukʼ uni do jaejug jion menakʼtaea. Uni do dusi mente bae lekhakʼa, ente uni do moron khon jionteye parom akana.

Luk 18:14

“Ińiń metapekana, Isor do mạsul-uṭhạuicʼge bin dusi menteye ataṅkedea ar uni do oṛakʼteye ruạṛ calaoena. Menkhan uni Phạrusi doe dusikedea. Okoe acʼteye usulokʼ uni doe copotʼ ocokʼa ar okoeye copotʼ ocokʼ uni doe usul ocokʼa.”

Luk 10:28

Jisu do uniye metadea, “Am do ṭhikgem roṛ ruạṛ akada. Arem onka idiyetʼkan khan enḍekhan jionem ńama.”

Luk 10:25

Mitʼṭen dhorom guru do Jisu ṭhene hecʼena. Ar biḍạue lạgitʼe menkeda, “E Guru, iń do cetʼ iń cekalere jaejug jioniń ńam daṛekea?

Habakkuk 2:4

“Bạḍạite perecʼ Babel do dhoromicʼ doe baṅkana, menkhan okoe miridos menteye ataṅ ocokʼkan uni do acʼakʼ biswạs khạtirtege jiwetʼe tahena.

Jirimiạ 31:32

Onkoren hapṛamko Misor disạm khon ti sapʼkateń oḍok ạguko jokhecʼ onko lạgitʼ oka bondobos iń doholetʼ noa nãwã bondobos do ona leka do baṅ hoyokʼa. Iń do unkinren jãwãe lekań tahẽkanre hõ enhõ unkin do ińakʼ bondobos kin rạputʼ akada.

Jesaea 53:11

Uni do acʼakʼ jiwi reakʼ duke ńela are tirpitokʼa; Probhu Isore meneda, ‘ińre dhorom golam do acʼakʼ baḍaete ḍher hoṛkoe dhorom ocokoa, ente uni do onkoakʼ sanam ghạṭkoe gogtakoa.

Romiko lạgitʼ Pạul Apostolakʼ ciṭhi 3:20

Ạn-ạri manao lekhange Isor do manwa dhorom menteye ataṅkoa ona do baṅa, menkhan ạn hotetege manwa do acʼakʼ kại reaṅ cehaonae ńameda.