Aposkạmi 13:32 - সান্তালী বাইবেল

³² “Ạliń do apeko ṭhen noa bhage sombat liń emape kana, aboren hapṛamko ṭhen Isor okaṭakʼe gokʼletʼ tahẽkan,

Santali Common Language New Testament

³² “Ạliń do apeko ṭhen noa bhage sombat liń emape kana, aboren hapṛamko ṭhen Isor okaṭakʼe gokʼletʼ tahẽkan,

Aposkạmi 13:32 Referans Kwoze

Romiko lạgitʼ Pạul Apostolakʼ ciṭhi 4:13

Abraham ar uniren bõsko ṭhen Isor doe gokʼleda je, noa dhạrti do Abrahamakʼge hoyokʼa. Ạn-ạriko pańjaete do baṅ, menkhan biswạs hotete uni do dhorom menteye lekhayena ar onatege ona gokʼakʼ do doholena.

Aposkạmi 26:6

Isor do aboren hapṛamko ṭhen okaṭakʼe gokʼletʼ tahẽkan onareń asokʼkante ńitokʼ ińakʼ bicạr hoyokʼkantińạ.

Jeheskel 34:23

Onko cetanre mitʼṭen gukʼpiyicʼ, metakʼme ińren guti Dạudiń ojokʼ bahalea; uni acʼge onkoe ńel todarotkoa ar onkoren gukʼpiyicʼe hoyokʼa.

Romiko lạgitʼ Pạul Apostolakʼ ciṭhi 9:4

Onko ma Israel jạtren hoṛ kanako. Isor do hopon hoyokʼ reakʼ ạidạriye em akawatʼkoa, uni do acʼakʼ ṭhonoke udukʼ akawatʼkoa, onko lạgitʼ bondobose dohoakada, ạn-ạrikoe emakada, acʼ sewawae reakʼ ponthae emakana ar ạḍi utạr gokʼakʼ hõe gokʼ akawatʼkoa.

Aposkạmi 13:38

Onate E ińren boehako, ape do baḍae joṅpe, Jisu hotetege ape ṭhen kại reakʼ ikạ ńam reaṅ jạhirokʼ kana.

Sakariạ 6:12

Arem metaea, phạdkoren Probhu Isore meneda, ‘nuige uni hoṛ do, one uniyakʼ ńutum do dare reakʼ kahle kan; uni do acʼakʼ ṭhạ̃i khone hara rakabokʼa ar Probhu Isorakʼ oṛakʼe benaoa.

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Jirimiạ 23:5

Probhu Isore meneda, “Ona dinko hijukʼkana tinre iń do Dạudakʼ bõsre mitʼṭecʼ dhorom reakʼ kahleń omon ocoya; uni do raj lekate ạkil salakʼ rajosṭiye calaoa ar disạmre hok ar dhorom reakʼe kạmiya.

Romiko lạgitʼ Pạul Apostolakʼ ciṭhi 10:15

Ona chaḍa jãhãe bako kol ocolen khan cekate poporcarko doko porcara? Sonot sostorre ol akana, “Bhạgangea onkoakʼ jaṅgako okoe do bhage sombat porcar lạgitʼko hijukʼkan.”

Aposkạmi 5:42

Onko do jaoge mundilre ar oṛakʼ oṛakʼ senkate cetʼakoko ehopʼena ar Jisuge Mạsi kanae mente noa bhage sombat porcar iditegeko tahẽyena.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

Luk 2:10

Serma goḍet do onkoe metatʼkoa, “Alope botorokʼa, ente ape ṭhen ạḍi rạskạ reakʼ sombat iń ạguakada. Noa rạskạ do sanam hoṛko lạgitʼ kana.

Luk 1:19

Serma goḍete menkeda, “Iń doń Gabriel kana; iń do Isor samaṅre teṅgo akaniń tahenkana. Am saõte galmarao ar noa bhage sombat emam lạgitʼge Isor doe kol akadińạ.

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Sakariạ 13:7

Phạdkoren Probhu Isore meneda, “E tarwaṛe, am do ińren gukʼpiko upạrte, ińren sãoten hoṛko upạrte, ebhenokʼme. Gukʼpiyicʼ iń mageya, enḍekhan bhiḍiko doko chir chạturokʼa; ar iń do bhiḍi hoponko upạrte hõ tiyiń tula.

Sakariạ 13:1

“Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Hagae 2:7

Ar sanam jạtrenkoń thar tharao ocokoa ar onate onko do akoakʼ dhon nonḍeko ạguiytakoa. Ar unre noa oṛakʼ do ṭhonokteń pereja.

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Jesaea 52:7

Buruko cetanre uniyakʼ jaṅga do heṛan mońj, okoe boge hukigot emokʼ lạgitʼe hijukʼkan, suluke lại jạhiretʼkan ar bhạlại reakʼ sombate ạguiyetʼkan, babańcaoe lại sodoretʼkan ar Sione metaekan, ‘amren Isor doe rajokʼ kana,’

Jesaea 41:27

Iń do pạhilre Sioniń men akadea ar ńelkom onko doko hecʼakana. Jerusalem do mitʼṭecʼ bhage sombat emokʼicʼ hoṛiń em akadea.

Jesaea 40:9

E Sion, bhage sombat jạkʼhiricʼ, am do usul burute rakapʼ calakʼme. E Jerusalem, bhage sombat jạkʼhiricʼ, am do ãṭ aṛaṅte hohoeme, ar alom botorokʼa; Jihudạ reakʼ nagraharen hoṛko metakom, “Hạni ńelepe aperen Isor!”

Jesaea 11:1

Jesaeakʼ gonḍa khon mitʼṭecʼ nãwã kahle do oḍokokʼa; ar rehetʼ reakʼ ona kahlre do jo bahakʼa.

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Dosar Biboron 18:15

Aperen Probhu Isor do Israel boehako tala khon iń leka mitʼṭen nạbiye teṅgoapea. Ar uniyakʼ katha leka ape do calakʼ hoyokʼtapea.

Genesis 49:10

Ar Silote uni ạuriye hijukʼ hạbicʼ jạt jạtrenko uniyakʼ hukum ạuriko bataotae hạbicʼ, uniyakʼ raj ṭheṅga do Jihudạ bõsrege tahena; ar cakʼlao ṭheṅga do uniyakʼ gunṭhikin talare.

Genesis 26:4

Iń do am bõsren hoṛko sermaren ipilko lekań saṅge ocokoa ar noa disạm do onkoń emakoa. Ar amren bõs hotete dhạrtiren sanam jạtrenko do bhorko ńama,

Genesis 22:18

Ar amren bõsko hotete dhạrtiren sanam jạtrenko do bhorko ńama. Am do ińakʼ hukumem manao akatʼte onań onkaea.”

Genesis 12:3

Okoe amko bhoram iń hõ onkoń bhorakoa ar okoe amko sarapam onko hõ ińiń sarapakoa. Ar am iạtege dhạrtiren sanam jạtrenko do bhorko ńama.”

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Aposkạmi 10:36

Isor do Israelko ṭhen noa bhage sombate kolletʼ tahẽkana je, Jisu Mạsi, one okoe do sanamkoren Probhu Isorkan, uni hotetege suluk do ńamokʼa mente.

Aposkạmi 13:23

Isor do acʼakʼ gokʼakʼ lekage noko hoṛkoakʼ bõs khon babańcaoicʼ Jisuge Israelko ṭhene sodorkedea.

Aposkạmi 14:15

“E ho gateko, ape do cedakʼ noakope onkayeda? Ạliń hõ coṅ ape leka duk suk jojom manwakange liń. Ạliń do ape ṭhen bhage sombat liń porcareda jemon noa ạuṛiyakʼko khon jiwetʼ Isor secʼpe, ạcurokʼ. Unige serma ar ot ar jalapuri ar onare menakʼ jotowakʼe sirjạu akada.

Romiko lạgitʼ Pạul Apostolakʼ ciṭhi 1:2

Isor do acʼren nạbiko hotete sonot sostorkore noa bhage sombat reakʼ laharegeye gokʼ dohoakatʼ tahẽkana.