Aposkạmi 13:17 - সান্তালী বাইবেল

^17-18 Israel jạtren Isor do aboren hapṛamkoe bachaoletʼkoa ar Misor disạmreko tahẽkanre uni doe usul ocoletʼkoa. Ar daṛeanakʼ tite ona disạm khone oḍok ạguketʼkoa ar pongel bochor hạbicʼ hahaṅkarre onkoakʼ bạṛicʼ colonkoe sahaoketʼtakoa.

Santali Common Language New Testament

^17-18 Israel jạtren Isor do aboren hapṛamkoe bachaoletʼkoa ar Misor disạmreko tahẽkanre uni doe usul ocoletʼkoa. Ar daṛeanakʼ tite ona disạm khone oḍok ạguketʼkoa ar pongel bochor hạbicʼ hahaṅkarre onkoakʼ bạṛicʼ colonkoe sahaoketʼtakoa.

Aposkạmi 13:17 Referans Kwoze

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Mikạ 6:4

Iń do Misor disạm khoniń oḍok ạgu akatʼpea, ar golam khoniń chaḍao akatʼpea. Ape goṛowape lạgitʼte Mose, Aron ar Mạriạm tekoń kolletʼkoa.

Amos 2:10

Amorikoakʼ disạm emape lạgitʼ ińge Misor disạm khoniń oḍok ạguketʼpea ar hahaṅkarre pongel bochor hạbicʼ iń ạyurletʼpea.

Jesaea 44:1

Probhu Isore meneda, “Ańjomtińme E ińren guti Jakob, ar amiń bachao akatʼme Israel.

Sereńko 135:4

Probhu Isor do Jakob acʼ lạgitʼe bachaowana, ar Israel do acʼakʼ ạidạri lekage.

1 Samuel 4:8

Hae, hae, uni daṛean Isorakʼ ti khon do okoeye rukhiyạ bona? Hahaṅkarre ạḍi lekan moṛokte nui Isorge hahaṅkarre Misri hoṛkoe gocʼletʼkoa.

Dosar Biboron 14:2

Ape do Probhu Isor ńutumte mitʼṭen begar akan jạtrenko kanape. Dhạrtiren sanam jạtrenko mod khon Probhu Isor do apegeye bachao akatʼpea jemon uniren ạidạri porjakope hoyokʼ.

Dosar Biboron 10:22

Aperen okoeko hapṛam do Misorteko senlen onko do lekhare eken eae gel hoṛko tahẽkana ar ńitokʼ aperen Isor do sermaren ipilko lekae saṅge ocoakatʼpea.

Dosar Biboron 9:5

Ar bindusạn se dhorom iạte onkoakʼ disạm ạidạri lạgitʼpe calakʼ kana ona do baṅa bickom aperen Probhu Isorge aperen hapṛam Abraham, Isahak ar Jakob ṭhen kiriạkate okaṭakʼe menletʼ ona purạu lạgitʼge uni do noko jạtrenkoakʼ dusṭạmi iạte ape samaṅ khone laga ńirkoa.

Dosar Biboron 7:19

Aperen Probhu Isor do botoranakʼ biḍạu hotete, hahaṛa kạmi ar cinhạko hotete ar acʼakʼ daṛeanakʼ tite apeye oḍok ạguketʼpe ona do apeakʼ mẽtʼtegepe ńelakada. Ar ńitokʼ okoe jạtrenko ńeltepe botorokʼkan onko cetanrehõ unigeye onkaea.

Dosar Biboron 4:37

Uni do aperen hapṛamkoe dulạṛketʼkoa ar ona tayom do onkoren bõskoe bachao hataoana. Ar onate acʼ hạjir tahẽkate acʼakʼ maraṅ daṛete Misor disạm khon apeye oḍok ạguketʼpea.

Dosar Biboron 4:34

Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.

Dosar Biboron 4:20

Disạipe, Probhu Isor do apeye bachao akatʼpea ar mẽṛhẽtʼ reakʼ seṅgel bhaṭa metakʼme Misor khone oḍok ạguakatʼpea jemon uniren hoṛpe hoyokʼ ar ape do ńitokʼ onagepe hoyakana.

Exodus 18:11

Onate ńit iń bujhạ daṛeakʼ kana, joto debotako khon Probhu Isorgeye maraṅa, ente debotako okako reaṅ Israelko upạrteko gorobokʼkan tahẽkan onako babotre Probhu Isorgeye maraṅa.”

Exodus 13:16

Noa do nonkan mitʼṭecʼ cinhạ hoyokʼa oka do ti ar moloṅ reakʼ cinhạ lekae disạ ocomea, Probhu Isor do acʼakʼ daṛete Misor disạm khone oḍok ạguketʼbona.’ ”

Exodus 13:14

“Ar jãhãtis aperen hoponko noa reakʼ manetetʼko kulilepere onkope lạiyakoa, ‘Probhu Isor do Misor reakʼ golam khon acʼakʼ daṛeteye oḍok ạguakatʼlea.

Exodus 12:51

Ar Probhu Isor do ona dinge lạṛhại phạdko leka Misor disạm khon Israelkoe oḍok ạguketʼkoa.

Exodus 14:8

Probhu do Misorren raj Pharaoakʼ mone keṭecʼ ocoketʼtaea. Ar Israelko dilkate samaṅ secʼko sen idikʼkan tahẽkanre uni do onkoe khudạu idiketʼkoa.