Aposkạmi 12:3 - সান্তালী বাইবেল

³ Onate Jihudikoko kusiakana menteye ńelketʼ khan uni do Patras hõ sabe lạgitʼe calaoena. Noa ghoṭna do bin khạmiyanakʼ piṭhạ porob jokhecʼ hoylena.

Santali Common Language New Testament

³ Onate Jihudikoko kusi akana menteye ńelketʼ khan uni do Patras hõ sabe lạgitʼe calaoena. Noa ghoṭna do bin khạmianakʼ piṭhạ porob jokhecʼ hoelena.

Aposkạmi 12:3 Referans Kwoze

Exodus 23:15

Ape do bin khạmiyanakʼ piṭhạ porobpe porobokʼa. Iń okaṭakʼ iń hukum akatʼpe onkage eae din hạbicʼ bin khạmiyanakʼ piṭhạpe joma. Abib cando reakʼ mitʼṭecʼ goṭawakʼ dinre noa dope palona, ente ona candoge ape do Misor disạm khonpe oḍok ạgu ocoakana. Unre okoe hõ jemon iń ṭhen eken ti aloe hijukʼ.

Aposkạmi 24:27

Ado bar bochor paromen khan Pheliks bodol Porkius Phestuse bahalena. Ar Pheliks do Jihudiko kusi ocoko lạgitʼ Pạul do hajotregeye doho oṭokadea.

Johan 12:43

Onko do Isor ṭhenakʼ man khon hoṛko ṭhenakʼ mange bạ̃ṛtiko kusiyakʼkan tahẽkana.

Aposkạmi 25:9

Khan Phestus do Jihudiko kusi ocoko lạgitʼ Pạule metadea, “Noako dos reakʼ Jerusalemre jemoniń bicạr daṛeakʼ ona lạgitʼ cetʼ onḍe calakʼem khaṛagea?”

Galathiko lạgitʼ Pạul Apostolakʼ ciṭhi 1:10

Noate iń do okoeyakʼ sarhao ńamjoṅ iń kurumuṭuyeda, manwa se Isorakʼ? Se manwa kusi ocoye reakʼ iń kurumuṭu kana? Ar ńit hạbicʼ manwa kusi ocoko lạgitʼ iń kurumuṭuyetʼ khan enḍekhan Mạsiren golam doń baṅkana.

Aposkạmi 20:6

Ar bin khamiyanakʼ piṭhạ porob tayom ale do Philipi khon jahajtele mohnḍayena ar mõṛẽ din tayom onko sãote Troasrele ńapamena. Ar Troasre ale do eae dinle tahẽkana.

1 Thessalonikikko 2:4

bickom lek kanale mente bhage sombat baḍae ocoko reakʼ bhar Isor do alereye emakatʼte ona lekatele roṛeda. Manwa kusi ocoko lạgitʼ do baṅ menkhan okoe aboakʼ ontore biḍạu aṭkaretʼ uni Isor kusi ocoye lạgitʼgele roṛeda.

Johan 21:18

Sạrigeń metamkana, juạnem tahẽkanre amtem paṭhekʼkan tahẽkana ar jãhãtege sanayetʼme tahẽkan onḍegem calakʼkan tahẽkana. Menkhanem haṛamlenre am do amakʼ tim tiyạr tama ar eṭagicʼ do ame tolmea ar okare calakʼ baṅ saname onḍegeye idimea.”

Johan 19:11

Jisui roṛ ruạṛkeda, “Coṭ khon ektiạri baṅ emam khan iń cetanre jãhãn ektiạrige oho tahẽlentama.” Onate okoe amakʼ tireye soprot akadiń uniyakʼ kại do ḍhergetaea.”

Mathae 26:17

Ado bin khạmiyanakʼ piṭhạ porob reakʼ pạhil dinre celako do Jisu ṭhen hecʼkateko menkeda, “Sen-parom porob reakʼ bhoj do okarele tearama mentem menjoṅ kana?”

Sereńko 76:10

Khạṭige manwakoakʼ raṅgao hõe sarhaomea, ar ona raṅgao reakʼ sarecʼakʼte apnar baṛe sajokʼme.

Aposkạmi 4:13

Ado Patras ar Johanakʼ dil ńelte ar bin bidiyạwan ar ne hoṛkanakin menteko baḍaeketʼ khan onko mukhiyạko doko hahaṛayena, ar noa hõko bujhạukeda je unkin hõ Jisu sãotekin tahẽkana.

Aposkạmi 2:14

Unre Patras do onko gelmitʼ celako sãote teṅgokate ãṭ aṛaṅte hoṛkoe metatʼkoa, “E Jihudiren hoṛko ar okoe do Jerusalemrepe tahenkan, ape do baḍae dohokakʼpe ar monte ińakʼ kathako ańjompe.

Aposkạmi 12:4

Uni do Patras sapʼkate hajotreye bhoraokedea. Ar popon hoṛkate pạri pạrite horhoye lạgitʼ palṭonkoe bharatʼkoa. Herod doe goṭakeda, bańcaokʼ porob tayom bicạre lạgitʼ Patras do hoṛko samaṅreye oḍok ạguiyea.